ອັບເດດຫຼ້າສຸດ: 14 ຕຸລາ 2024
ການປະຕິເສດຄວາມຮັບຜິດຊອບ: ໃນການປະຕິບັດຕາມຂໍ້ກໍານົດຂອງ MiCA, ຫຼຽນຄົງທີ່ທີ່ບໍ່ໄດ້ຮັບອະນຸຍາດແມ່ນຂຶ້ນກັບຂໍ້ຈໍາກັດບາງຢ່າງສໍາລັບຜູ້ໃຊ້ EEA. ສໍາລັບຂໍ້ມູນເພີ່ມເຕີມ, ກະລຸນາຄລິກ ທີ່ນີ້.
ຜະລິດຕະພັນ ແລະ ການບໍລິການທີ່ອ້າງອີງໃນທີ່ນີ້ອາດຈະບໍ່ມີຢູ່ໃນພາກພື້ນຂອງທ່ານ. ຂໍ້ຈໍາກັດຂອງຜະລິດຕະພັນ Binance Earn ໄດ້ນໍາໃຊ້ສໍາລັບ Binance Flexible Loan ເພາະວ່າຊັບສິນຂອງຜະລິດຕະພັນ Simple Earn Flexible ຖືກນໍາໃຊ້ເປັນຫຼັກປະກັນສໍາລັບຜະລິດຕະພັນນີ້.
1. Binance Flexible Loan ແມ່ນຫຍັງ?
Binance Flexible Loan, ເຊັ່ນ: ເງິນກູ້ Binance (ອັດຕາທີ່ປ່ຽນແປງໄດ້) ແມ່ນຜະລິດຕະພັນເງິນກູ້ທີ່ໂດດດ່ຽວ, ທີ່ມີຫຼັກປະກັນຫຼາຍເກີນໄປ, ທີ່ບໍ່ມີກໍານົດເວລາສິ້ນສຸດ.
ຜູ້ໃຊ້ສາມາດເອົາ ຕໍາແໜ່ງເງິນກູ້ທີ່ໂດດດ່ຽວ ທີ່ປະກອບດ້ວຍຄູ່ເງິນກູ້ຫຼັກປະກັນໜຶ່ງ ເຊັ່ນ: [ຫຼັກປະກັນ USDT + ເງິນກູ້ ETH] ໃນຕໍາແໜ່ງດຽວ, ແລະ [ຫຼັກປະກັນ USDT + ເງິນກູ້ BTC] ໃນຕໍາແໜ່ງອື່ນ. ຕໍາແໜ່ງຄູ່ຫຼັກປະກັນ-ເງິນກູ້ແຕ່ລະອັນ ມີອັດຕາສ່ວນເງິນກູ້ຕໍ່ມູນຄ່າ (LTV) ທີ່ແຕກຕ່າງກັນ, ລວມທັງລະດັບ Margin Call ແລະ ອັດຕາສ່ວນ LTV ການບັງຄັບຊຳລະໜີ້ສິນທີ່ແຕກຕ່າງກັນ.
ຕໍາແໜ່ງເງິນກູ້ແຕ່ລະອັນຈະຕ້ອງ ຖືກຄ້ຳປະກັນແບບເກີນ, ເຊິ່ງໝາຍຄວາມວ່າ ມູນຄ່າຂອງຫຼັກປະກັນມັດຈໍາໄວ້ໂດຍທ່ານ ແມ່ນຫຼາຍກວ່າມູນຄ່າຂອງຊັບສິນດິຈິຕອນທີ່ພວກເຮົາໃຫ້ທ່ານກູ້.
ເນື່ອງຈາກວ່າ Binance Flexible Loans ແມ່ນ ບໍ່ມີກໍານົດສິ້ນສຸດ, ທ່ານສາມາດຮັກສາຕໍາແໜ່ງຂອງທ່ານຢ່າງບໍ່ມີກໍານົດຕາບໃດທີ່ຜະລິດຕະພັນນີ້ຮອງຮັບຊັບສິນດິຈິຕອນທີ່ກູ້ຢືມ ແລະ ມີຫຼັກປະກັນ, ແລະ ຖ້າບໍ່ເກີນອັດຕາສ່ວນ LTV ທີ່ກ່ຽວຂ້ອງ.
2. ຂ້ອຍຈະໃຫ້ມັດຈໍາຊັບສິນຂອງຂ້ອຍ ແລະ ເລີ່ມກູ້ຢືມເງິນກູ້ Binance Flexible Loan ໄດ້ແນວໃດ?
ທ່ານອາດຈະສະໝັກຜ່ານຂັ້ນຕອນການວາງຄໍາສັ່ງຄູ່ເງິນກູ້ຫຼັກປະກັນ ແລະ ຕັດສິນໃຈວ່າທ່ານຢາກມັດຈໍາ ແລະ ຢືມເງິນສະກຸນເງິນຄຣິບໂຕໃດ. ທ່ານຍັງສາມາດລະບຸປະລິມານທີ່ກ່ຽວຂ້ອງ.
ຜູ້ໃຊ້ສາມາດຈະມັດຈໍາຊັບສິນໃຫ້ເປັນຫຼັກປະກັນທີ່ພວກເຂົາໄດ້ຝາກໄວ້ໃນຜະລິດຕະພັນ Simple Earn Flexible (ຫຼັກປະກັນ Simple Earn) ເທົ່ານັ້ນ. ຖ້າຫຼັກປະກັນ Simple Earn ບໍ່ພຽງພໍເພື່ອຮັບປະກັນຈຳນວນເງິນກູ້ທີ່ຕ້ອງການ, ທ່ານສາມາດສະໝັກໃຊ້ຊັບສິນດິຈິຕອນຈາກ Spot Wallets ຂອງທ່ານໄປຫາຜະລິດຕະພັນ Simple Earn Flexible ເພື່ອເປັນຫຼັກປະກັນເພີ່ມເຕີມ. ຖ້າທ່ານເລືອກທີ່ຈະມັດຈໍາຊັບສິນດິຈິຕອນເຫຼົ່ານີ້ໃຫ້ເປັນຫຼັກຊັບປະກັນ, ກ່ອນອື່ນໝົດທ່ານຕ້ອງຕົກລົງເຫັນດີທີ່ຈະສະໝັກຊັບສິນເຫຼົ່ານີ້ໄປຫາຜະລິດຕະພັນ Simple Earn Flexible.
ຊັບສິນດິຈິຕອນທີ່ທ່ານໃຊ້ເພື່ອສະໝັກໃຊ້ຜະລິດຕະພັນ Simple Earn Flexible ທີ່ມັດຈໍາໄວ້ໃນ Binance Flexible Loan ຈະສືບຕໍ່ໄດ້ຮັບຜົນຕອບແທນດອກເບ້ຍຕໍ່ປີໃນເວລາຕົວຈິງຂອງຜະລິດຕະພັນ Simple Earn Flexible ແລະ ໂບນັດ APR ທີ່ມີຂັ້ນ (ຖ້າມີ).
ຜົນຕອບແທນດອກເບ້ຍຕໍ່ປີໃນເວລາຈິງເຫຼົ່ານີ້ຖືກສະສົມໂດຍກົງໃນຕໍາແໜ່ງຄູ່ຫຼັກປະກັນ-ເງິນກູ້ທີ່ກ່ຽວຂ້ອງ, ເຊິ່ງເພີ່ມຈໍານວນຫຼັກປະກັນ (ເປັນຈໍານວນໂທເຄັນ) ເນື່ອງຈາກຜົນຕອບແທນແມ່ນຖືກສະສົມຕາມໄລຍະເວລາ.
ເມື່ອຄໍາສັ່ງສໍາເລັດແລ້ວ, ຫຼັກຊັບທີ່ມັດຈໍາຈະຖືກລ໋ອກໄວ້ໃນ Earn Wallet ເພື່ອຮັບປະກັນສໍາລັບຕໍາແໜ່ງເງິນກູ້ທີ່ຍັງຄ້າງຄາ, ໃນຂະນະທີ່ຊັບສິນທີ່ກູ້ຢືມຈະຖືກແຈກຢາຍໃຫ້ກັບ Spot Wallet ຂອງທ່ານ.
ຈຳນວນເງິນທັງໝົດຂອງຊັບສິນຜະລິດຕະພັນ Simple Earn Flexible ທີ່ໄດ້ມັດຈຳໄວ້ ເພື່ອ Binance Flexible Loan ຈະຖືກສະແດງຢູ່ໃນຖັນ [ຈຳນວນຫຼັກປະກັນ] ແລະ ພາຍໃຕ້ແຖບ [ຫຼັກປະກັນ] ໃນ Earn Wallet ຂອງທ່ານ.
ກະລຸນາຮັບຊາບວ່າ: ສະເພາະຜູ້ໃຊ້ທີ່ໃຫ້ຫຼັກປະກັນ Flexible Loan ເທົ່ານັ້ນທີ່ຈະສາມາດເບິ່ງແຖບ [ຫຼັກປະກັນ] ໄດ້. ເມື່ອຄໍາສັ່ງກູ້ຢືມຖືກຊໍາລະຄືນແລ້ວ, ຜູ້ໃຊ້ຈະບໍ່ສາມາດເບິ່ງຄຳສັ່ງນັ້ນໄດ້ອີກ.
ສໍາລັບຜູ້ໃຊ້ທີ່ເຂົ້າເຖິງ Binance ຜ່ານເວັບໄຊທ໌, ຈໍານວນຫຼັກຊັບຄໍ້າປະກັນຂອງທ່ານ ແລະ ຜົນຕອບແທນດອກເບ້ຍຕໍ່ປີ (APR) ສໍາລັບຫຼັກຊັບຄໍ້າປະກັນຈະຖືກລວມເຂົ້າກັນ ແລະ ສະແດງໃນ Position ຂອງ ຜະລິດຕະພັນທີ່ສາມາດປັບປ່ຽນໄດ້ ທີ່ທ່ານສະໝັກສະມາຊິກໄວ້ ໂດຍສະແດງຢູ່ພາຍໃຕ້ແຖບ [ຜົນຕອບແທນສະສົມລວມ] .
ສໍາລັບຜູ້ໃຊ້ທີ່ເຂົ້າເຖິງ Binance ຜ່ານແອັບ, ຈໍານວນຫຼັກຊັບຄໍ້າປະກັນຂອງທ່ານຖືກລະບຸໄວ້ໃນໝວດຫຼັກຊັບ (ເນັ້ນໃສ່ສີແດງ).
ກະລຸນາຮັບຊາບ: ຄົນສົມບັດນີ້ສາມາດໃຊ້ໄດ້ສະເພາະແອັບເວີຊັນ 2.88 ຂຶ້ນໄປເທົ່ານັ້ນ, ພວກເຮົາແນະນຳໃຫ້ຜູ້ໃຊ້ອັບເດດເປັນເວີຊັນຫຼັາສຸດຂອງແອັບ.
3. Loan Wallet ແມ່ນຫຍັງ?
ເພື່ອໃຫ້ຜູ້ໃຊ້ເຂົ້າໃຈໜີ້ສິນເງິນກູ້ ແລະ ຊັບສິນກັບໜີ້ສິນຂອງຕົນຢ່າງຊັດເຈນ, ພວກເຮົາໄດ້ເປີດກະເປົາເງິນກູ້ (Loan Wallet). ນອກຈາກນັ້ນ, ພວກເຮົາໄດ້ປັບປຸງ Earn Wallet ແລະ ຍອດຄົງເຫຼືອທີ່ຄາດຄະເນ ເພື່ອລວມເອົາມູນຄ່າຫຼັກຊັບຂອງເງິນກູ້ແບບຍືດຍຸ່ນ.
ໃນປັດຈຸບັນຜູ້ໃຊ້ສາມາດກວດສອບຈໍານວນໜີ້ສິນເງິນກູ້ຂອງຕົນໄດ້ໃນ [Loan Wallet] ພາຍໃຕ້ [ຊັບສິນ] - [ພາບລວມ]. ນັບຕັ້ງແຕ່ຄໍາສັ່ງເງິນກູ້ຖືກພິຈາລະນາເປັນໜີ້ສິນ, ມູນຄ່າໜີ້ສິນຈະປາກົດເປັນຈໍານວນລົບໃນຊັບສິນທັງໝົດຂອງຜູ້ໃຊ້.
ກະລຸນາບັນທຶກ: ຖ້າຫາກວ່າ [ເຊື່ອງຊັບສິນ <1 USD] ຟັງຊັນທີ່ເລືອກ, Loan Wallet ຈະຖືກເຊື່ອງ.
4. ອັດຕາສ່ວນ LTV ແມ່ນຫຍັງ, ແລະ ຂ້ອຍສາມາດກູ້ຢືມເງິນຈາກ Binance Flexible Loan ໄດ້ເທົ່າໃດ?
ຂຶ້ນກັບວ່າທ່ານຕ້ອງການມັດຈໍາສະກຸນເງິນຄຣິບໂຕໃດ, ອາດມີ ອັດຕາສ່ວນ LTV ເບື້ອງຕົ້ນ ທີ່ແຕກຕ່າງກັນ. ອັດຕາສ່ວນ LTV ຫຍໍ້ມາຈາກເງິນກູ້-ຕໍ່-ມູນຄ່າ (Loan-to-Value). ມັນແມ່ນອັດຕາສ່ວນລະຫວ່າງມູນຄ່າຂອງຊັບສິນດິຈິຕອນທີ່ກູ້ຢືມໃຫ້ທ່ານບວກກັບດອກເບ້ຍທີ່ເພີ່ມຂຶ້ນ, ຖ້າມີ, ທຽບກັບມູນຄ່າຂອງຫຼັກປະກັນຂອງທ່ານ. ມູນຄ່າເຫຼົ່ານີ້ແມ່ນອີງໃສ່ ດັດຊະນີລາຄາ ຂອງແຕ່ລະສະກຸນເງິນຄຣິບໂຕ.
ອັດຕາສ່ວນ LTV = ມູນຄ່າເງິນກູ້ / ມູນຄ່າຫຼັກປະກັນ
ຕົວຢ່າງ, ສົມມຸດວ່າອັດຕາສ່ວນ LTV ເບື້ອງຕົ້ນ 65% ສໍາລັບ USDT: ຖ້າທ່ານໄດ້ມັດຈໍາ 1,000 USDT, ທ່ານສາມາດກູ້ຢືມເຖິງ 650 USDT ຂອງຊັບສິນທີ່ກູ້ຢືມໄດ້.
5. ມີວົງຈໍາກັດຫຼາຍທີ່ຂ້ອຍສາມາດມັດຈໍາ ແລະ ກູ້ຢືມບໍ່?
ແມ່ນແລ້ວ, ສໍາລັບທຸກໆສະກຸນເງິນຄຣິບໂຕ, ມີຈໍານວນສູງສຸດທີ່ແຕກຕ່າງກັນທີ່ທ່ານສາມາດມັດຈໍາ ຫຼື ກູ້ຢືມໄດ້.
ຍົກຕົວຢ່າງ:
ສົມມຸດວ່າທ່ານໄດ້ມັດຈໍາແລ້ວ 60,000 USDT ແລະ ຢືມ 20 ETH. ຖ້າຫຼັກປະກັນສູງສຸດທີ່ສາມາດມັດຈໍາໄດ້ສໍາລັບ USDT ແມ່ນ 100,000 USDT ແລະ ຈໍານວນການກູ້ຢືມສູງສຸດສໍາລັບ ETH ແມ່ນ 30 ETH, ທ່ານຈະສາມາດມັດຈໍາ 40,000 USDT ແລະ ກູ້ຢືມ 10 ETH ເພີ່ມຕື່ມເທົ່ານັ້ນ. ຈຳນວນເຫຼົ່ານີ້ອາດມີການປ່ຽນແປງ.
6. ການບັງຄັບຊຳລະໜີ້ສິນເງິນກູ້ແມ່ນຫຍັງ, ແລະ ອັດຕາສ່ວນ LTV ການບັງຄັບຊຳລະໜີ້ສິນແມ່ນຫຍັງ?
ໃນເງິນກູ້ທີ່ຮັບປະກັນ, ຜູ້ໃຫ້ກູ້ (Binance) ມີສິດທີ່ຈະໄດ້ຮັບຄວາມເປັນເຈົ້າຂອງຫຼັກປະກັນຖ້າຜູ້ກູ້ຢືມ (ຜູ້ໃຊ້) ບໍ່ສາມາດປະຕິບັດພັນທະຂອງພວກເຂົາ. ຕົວຢ່າງ, ເມື່ອອັດຕາສ່ວນ LTV ປັດຈຸບັນເກີນອັດຕາສ່ວນ LTV ການບັງຄັບຊຳລະໜີ້ສິນ. ອັນນີ້ອາດຈະເກີດຂຶ້ນເມື່ອຫຼັກປະກັນຫຼຸດລົງ ຫຼື ມູນຄ່າຂອງຊັບສິນທີ່ກູ້ຢືມເພີ່ມຂຶ້ນເນື່ອງຈາກດອກເບ້ຍທີ່ເພີ່ມຂຶ້ນຕາມໄລຍະເວລາ.
7. ຈະເກີດຫຍັງຂຶ້ນເມື່ອເງິນກູ້ຖືກບັງຄັບໃຫ້ຊໍາລະໜີ້?
ການບັງຄັບຊຳລະໜີ້ສິນທັງໝົດ ຈະເກີດຂຶ້ນເມື່ອການບັງຄັບຊຳລະໜີ້ສິນສູງສຸດຮອດ 91% ຂອງ LTV ສຳລັບທຸກສະກຸນເງິນຄຣິບໂຕ. ເງິນກູ້ທັງໝົດຈະຖືກຊໍາລະຄືນໂດຍໃຊ້ມູນຄ່າທຽບເທົ່າກັນຂອງຫຼັກປະກັນສຳລັບຕຳແໜ່ງເງິນກູ້ນັ້ນ.
ຖ້າການບັງຄັບຊຳລະໜີ້ສິນເກີດຂຶ້ນ, ທ່ານຈະບໍ່ສາມາດປັບອັດຕາສ່ວນ LTV ຫຼື ຈ່າຍຄືນຄໍາສັ່ງເງິນກູ້ທີ່ກ່ຽວຂ້ອງໄດ້. ທ່ານຈະຖືກຄິດ ຄ່າທຳນຽມການບັງຄັບຊຳລະໜີ້ສິນ 2% ໂດຍອີງໃສ່ຈຳນວນເງິນທີ່ຢືມມາຂອງທ່ານ ເຊິ່ງຈະຖືກຫັກໂດຍກົງຈາກຫຼັກປະກັນຂອງທ່ານຕາມລາຄາຕະຫຼາດຂອງຊັບສິນດັ່ງກ່າວ. ສ່ວນທີ່ເຫຼືອຂອງຊັບສິນຂອງທ່ານຈະຍັງຄົງຢູ່ໃນ Earn Wallet ຂອງທ່ານ.
ຖ້າຕະຫຼາດມີຄວາມຜັນຜ່ວນ ແລະ ມູນຄ່າຂອງຫຼັກຊັບຄໍ້າປະກັນໜ້ອຍກວ່າມູນຄ່າໜີ້ສິນທັງໝົດ ໃນຂະນະທີ່ການບັງຄັບຊຳລະໜີ້ສິນ, ທ່ານມີພັນທະທີ່ຈະຊໍາລະໜີ້ທີ່ຄ້າງຊໍາລະໃນທັນທີ.
8. Margin Call ແມ່ນຫຍັງ?
Margin Call ແມ່ນຈະຖືກອອກເມື່ອ Position ຄູ່ຫຼັກຊັບຄໍ້າປະກັນທີ່ສະເພາະ ເຖິງອັດຕາສ່ວນ LTV ຂອງ Margin Call, ເຊິ່ງແມ່ນ 85% ໃນເວລານີ້. ອັດຕາສ່ວນ LTV ຂອງ Margin Call ນີ້ ແມ່ນການເຕືອນວ່າຕໍາແໜ່ງເງິນກູ້ດັ່ງກ່າວແມ່ນໃກ້ຮອດອັດຕາສ່ວນ LTV ຂອງການບັງຄັບຊຳລະໜີ້ສິນແລ້ວ. ທ່ານສາມາດດໍາເນີນການໂດຍການມັດຈໍາຊັບສິນເພີ່ມເຕີມເພື່ອເພີ່ມມູນຄ່າຫຼັກປະກັນ ຫຼື ເພື່ອຫຼຸດຜ່ອນເງິນກູ້ທີ່ຍັງຄ້າງບາງສ່ວນ, ເຊິ່ງຈະຊ່ວຍຫຼຸດຜ່ອນອັດຕາສ່ວນ LTV.
ຕົວຢ່າງ, ໃນຄູ່ຫຼັກປະກັນເງິນກູ້ BNB/BTC ທີ່ມີອັດຕາສ່ວນ LTV ຂອງ Margin Call 75%, ລະບົບຈະເຕືອນໃຫ້ທ່ານຕື່ມເງິນຊັບສິນຫຼັກປະກັນ ເມື່ອເງິນກູ້ທີ່ຄ້າງຈ່າຍ + ດອກເບ້ຍສະສົມ/ຊັບສິນຫຼັກປະກັນປະກັນ ≥ 75%.
9. ຂ້ອຍຈະໄດ້ຮັບການແຈ້ງເຕືອນໃນກໍລະນີມີ Margin Call ຫຼື ການບັງຄັບຊຳລະໜີ້ສິນບໍ່?
ທ່ານຈະຖືກແຈ້ງຜ່ານທາງຂໍ້ຄວາມສ່ວນຕົວ, ອີເມວ ແລະ SMS ໃນກໍລະນີມີ Margin Call ຫຼື ການບັງຄັບຊຳລະໜີ້ສິນ. ການແຈ້ງເຕືອນດັ່ງກ່າວໃຊ້ເປັນການເຕືອນໄພຄວາມສ່ຽງ ແລະ ບໍ່ສາມາດຮັບປະກັນການຈັດສົ່ງໃຫ້ທີ່ທັນເວລາ.
ໂດຍການນໍາໃຊ້ການບໍລິການດັ່ງກ່າວ, ທ່ານຕົກລົງເຫັນດີວ່າໃນບາງກໍລະນີ, ທ່ານອາດຈະບໍ່ສາມາດໄດ້ຮັບ ຫຼື ມີການຮັບການແຈ້ງເຕືອນທາງ SMS ຫຼື ອີເມວທີ່ຊັກຊ້າ. ສະຖານະການເຫຼົ່ານີ້ລວມມີ ແຕ່ບໍ່ຈໍາກັດສະເພາະຄວາມແອອັດຂອງເຄືອຂ່າຍສ່ວນບຸກຄົນ, ສະພາບແວດລ້ອມເຄືອຂ່າຍທີ່ບໍ່ດີ, ຂໍ້ຈໍາກັດໃນທ້ອງຖິ່ນ, ນະໂຍບາຍຂອງຜູ້ໃຫ້ບໍລິການ, ແລະ ອຸປະກອນທີ່ເຮັດວຽກຜິດປົກກະຕິ.
ກະລຸນາຮັບຊາບວ່າ, ຖ້າເວລາ Margin Call ແລະ ເວລາເອີ້ນບັງຄັບຊຳລະໜີ້ສິນແມ່ນໃກ້ເກີນໄປ, ການແຈ້ງເຕືອນ Margin Call ຈະຖືກຍົກເລີກໂດຍອັດຕະໂນມັດຜ່ານລະບົບ, ແລະ ທ່ານຈະໄດ້ຮັບສະເພາະແຈ້ງການການເອີ້ນບັງຄັບຊຳລະໜີ້ສິນເທົ່ານັ້ນ. Binance ສະຫງວນສິດ ແລະ ບໍ່ມີພັນທະທີ່ຈະສົ່ງການແຈ້ງເຕືອນ.
10. ອັດຕາດອກເບ້ຍທີ່ນຳໃຊ້ກັບເງິນກູ້ຂອງຂ້ອຍແມ່ນເທົ່າໃດ?
Binance ເຜີຍແຜ່ອັດຕາດອກເບ້ຍທີ່ກ່ຽວຂ້ອງທັງໝົດ, ແລະ ອັດຕາເງິນກູ້ສໍາລັບສະກຸນເງິນຄຣິບໂຕແຕ່ລະອັນໃນ Binance Flexible Loan ແມ່ນຖືກອັບເດດທຸກໆນາທີ.
ການປ່ຽນແປງອັດຕາດອກເບ້ຍອາດຈະເກີດຂຶ້ນເລື້ອຍໆ ແລະ ເກີດໄດ້ທຸກເວລາ. ມັນເປັນສິ່ງສຳຄັນທີ່ທ່ານຕ້ອງຕິດຕາມອັດຕາດອກເບ້ຍທີ່ກ່ຽວຂ້ອງເປັນຢ່າງດີ. ທ່ານສາມາດເລືອກທີ່ຈະຊໍາລະຄືນເງິນກູ້ຂອງທ່ານໄດ້ທຸກເວລາ.
ກະລຸນາເບິ່ງໜ້າ ຂໍ້ມູນເງິນກູ້ ສຳລັບຂໍ້ມູນເພີ່ມເຕີມ.
11. ດອກເບ້ຍເງິນກູ້ຂອງຂ້ອຍຖືກສະສົມແນວໃດ?
ເມື່ອຄໍາສັ່ງກູ້ຢືມສໍາເລັດແລ້ວ, ດອກເບ້ຍແມ່ນເພີ່ມຂຶ້ນທຸກໆນາທີໂດຍອີງໃສ່ເງິນກູ້ທີ່ຍັງຄ້າງຈ່າຍທັງໝົດ ແລະ APR ທີ່ມີຢູ່ໃນແຕ່ລະນາທີ. ດອກເບ້ຍທີ່ເກີດຂື້ນຫຼັງຈາກແຕ່ລະນາທີທີ່ຜ່ານໄປຈະເພີ່ມໃສ່ເງິນກູ້ທີ່ຍັງຄ້າງຈ່າຍທັງໝົດ.
12. ຂ້ອຍຈະດໍາເນີນການຊໍາລະຄືນເງິນກູ້ ຫຼື ປັບອັດຕາສ່ວນ LTV ເງິນກູ້ຂອງຂ້ອຍໄດ້ແນວໃດ?
ໃນແຖບ [ຄໍາສັ່ງທີ່ກໍາລັງດໍາເນີນງານ], ໃຫ້ຄລິກ [ຊໍາລະຄືນ] ຫຼື [ປັບອັດຕາສ່ວນ LTV] ເພື່ອດໍາເນີນການຊໍາລະຄືນເງິນກູ້ ຫຼື ເພີ່ມ/ຫຼຸດ ຫຼັກຊັບປະກັນທີ່ກ່ຽວຂ້ອງ. ທ່ານສາມາດຈ່າຍຄືນເງິນກູ້ Flexible ຂອງທ່ານໂດຍໃຊ້ສະກຸນເງິນຄຣິບໂຕດຽວກັນທີ່ທ່ານຢືມ. ການຊໍາລະຄືນໂດຍໃຊ້ຊັບສິນຫຼັກປະກັນແມ່ນບໍ່ຮອງຮັບໃນປັດຈຸບັນ.
ການຊໍາລະຄືນເງິນກູ້ຈະຫຼຸດເງິນກູ້ທີ່ຍັງຄ້າງຈ່າຍ ແລະ ດອກເບ້ຍທີ່ເພີ່ມຂຶ້ນລົງຕາມອັດຕາສ່ວນ. ຕົວຢ່າງ, ທ່ານບໍ່ສາມາດເລືອກທີ່ຈະຈ່າຍຄືນດອກເບ້ຍທີ່ເພີ່ມຂຶ້ນ ຫຼື ເງິນກູ້ທີ່ຍັງຄ້າງຄາເທົ່ານັ້ນ ຫຼື ໃນອັດຕາສ່ວນທີ່ບໍ່ເທົ່າທຽມກັນ. ນອກນັ້ນທ່ານຍັງສາມາດປັບອັດຕາສ່ວນ LTV ສໍາລັບແຕ່ລະຕໍາແໜ່ງເງິນກູ້ ໂດຍການເພີ່ມ ຫຼື ຫຼຸດຫຼັກປະກັນລົງ.
ກະລຸນາຮັບຊາບວ່າ, ຖ້າທ່ານປະຕິບັດການຊໍາລະເງິນກູ້ບາງສ່ວນ, LTV ປະຈຸບັນຂອງທ່ານຈະຫຼຸດລົງ ແລະ ຊັບສິນຫຼັກປະກັນທີ່ສອດຄ້ອງກັນຈະຖືກປ່ອຍທັນທີ. ຢ່າງໃດກໍ່ຕາມ, ມີສອງສະຖານະການທີ່ຊັບສິນຄ້ຳປະກັນທີ່ສອດຄ້ອງກັນຈະບໍ່ຖືກປ່ອຍອອກມາ:
- LTV ທີ່ຖືກປັບແມ່ນຍັງສູງກວ່າ LTV ເບື້ອງຕົ້ນ, ຊຶ່ງໝາຍຄວາມວ່າຄໍາສັ່ງກູ້ຢືມຍັງມີຄວາມສ່ຽງສູງ.
- ຜູ້ໃຊ້ເປີດໃຊ້ງານຟັງຊັ່ນ [ຮັກສາຫຼັກປະກັນໃນຄຳສັ່ງ].
13. ສະກຸນເງິນຄຣິບໂຕໃດທີ່ຂ້ອຍສາມາດມັດຈໍາ ຫຼື ກູ້ຢືມໃນ Binance Flexible Loan?
Binance Flexible Loan ສະເໜີໃຫ້ ແລະ ຍອມຮັບສະກຸນເງິນຄຣິບໂຕທີ່ຫຼາກຫຼາຍ ເພື່ອເປັນຊັບສິນທີ່ສາມາດກູ້ຢືມ ແລະ ຫຼັກປະກັນ, ລວມທັງ USDT, BTC, ແລະ ETH.
ກະລຸນາຮັບຊາບວ່າ ຄູ່ເງິນກູ້ຫຼັກປະກັນທີ່ເປັນສະກຸນເງິນຄຣິບໂຕດຽວກັນແມ່ນບໍ່ຮອງຮັບ ໃນ Binance Flexible Loan. ຕົວຢ່າງ, ທ່ານບໍ່ສາມາດມັດຈໍາ BTC ແລະ ກູ້ຢືມ BTC ພາຍໃນຕໍາແໜ່ງເງິນກູ້ດຽວກັນ, ແຕ່ທ່ານສາມາດມີຕໍາແໜ່ງກູ້ຢືມຫຼາຍອັນເພື່ອກູ້ຢືມ BTC ດ້ວຍຫຼັກປະກັນທີ່ບໍ່ແມ່ນ BTC.
ສະກຸນເງິນຄຣິບໂຕທີ່ມີຢູ່ສໍາລັບການໃຫ້ການມັດຈໍາ ແລະ ການກູ້ຢືມໄດ້ຖືກອັບເດດເປັນບາງເວລາ. ກະລຸນາເບິ່ງໜ້າ ຂໍ້ມູນເງິນກູ້ ສຳລັບຂໍ້ມູນເພີ່ມເຕີມ.
14. ຂ້ອຍສາມາດເຮັດຫຍັງໄດ້ກັບສະກຸນເງິນຄຣິບໂຕທີ່ຢືມຈາກ Binance Flexible Loan?
ທ່ານສາມາດໃຊ້ເງິນກູ້ເພື່ອຈຸດປະສົງໃດໄດ້, ລວມທັງການຊື້ຂາຍໃນຕະຫຼາດ Spot, ຝາກເຂົ້າໄປໃນຜະລິດຕະພັນ Binance Earn, ຫຼື ແມ້ກະທັ້ງຖອນອອກຈາກ Binance. ຫຼັກປະກັນທີ່ມັດຈໍາຈະຍັງຄົງຢູ່ກັບ Binance Flexible Loan ເພື່ອຮັບປະກັນການສົ່ງຄືນຊັບສິນດິຈິຕອນທີ່ທ່ານໄດ້ຢືມມາ.
15. ຂ້ອຍສາມາດຊອກຫາ API ທີ່ກ່ຽວຂ້ອງໄດ້ຢູ່ໃສເພື່ອອ່ານລະດັບ LTV ຂອງຂ້ອຍ ຫຼື ຊໍາລະຄືນເງິນກູ້ຂອງຂ້ອຍ?
ທ່ານສາມາດເຂົ້າເຖິງພວກມັນໄດ້ຜ່ານ Binance Flexible Loan SAPI. ມັນຊ່ວຍໃຫ້ທ່ານສາມາດຮ້ອງຂໍ, ຕິດຕາມ, ແລະ ຈັດການຄໍາສັ່ງເງິນກູ້ຂອງທ່ານ, ຕິດຕາມປະຫວັດການຊໍາລະຄືນ, ແລະ ປັບອັດຕາສ່ວນເງິນກູ້ຕໍ່ມູນຄ່າ (LTV) ຂອງທ່ານ. ກະລຸນາເບິ່ງ ເອກະສານ Binance API ເພື່ອຊອກຫາ API ທີ່ກ່ຽວຂ້ອງ.
ຄໍາເຕືອນຄວາມສ່ຽງ: ລາຄາຊັບສິນດິຈິຕອນມີຄວາມສ່ຽງດ້ານຕະຫຼາດ ແລະ ຄວາມຜັນຜວນຂອງລາຄາສູງ. ມູນຄ່າການລົງທຶນຂອງທ່ານອາດຈະຫຼຸດລົງ ຫຼື ເພີ່ມຂຶ້ນ ແລະ ທ່ານອາດຈະບໍ່ໄດ້ຮັບຈໍານວນເງິນທີ່ລົງທຶນໄປນັ້ນຄືນກັບມາ. ທ່ານຮັບຜິດຊອບພຽງຜູ້ດຽວຕໍ່ການຕັດສິນໃຈລົງທຶນຂອງທ່ານ ແລະ Binance ບໍ່ຮັບຜິດຊອບຕໍ່ການສູນເສຍໃດໆທີ່ທ່ານອາດຈະໄດ້ຮັບ. ການປະຕິບັດງານທີ່ຜ່ານມາບໍ່ແມ່ນຕົວຊີ້ບອກທີ່ເຊື່ອຖືໄດ້ສໍາລັບການປະຕິບັດງານໃນອະນາຄົດ. ທ່ານຄວນລົງທຶນສະເພາະແຕ່ໃນຜະລິດຕະພັນທີ່ທ່ານຄຸ້ນເຄີຍ ແລະ ບ່ອນທີ່ທ່ານເຂົ້າໃຈຄວາມສ່ຽງເທົ່ານັ້ນ. ທ່ານຄວນພິຈາລະນາຢ່າງລະມັດລະວັງກ່ຽວກັບປະສົບການການລົງທຶນ, ສະຖານະການທາງດ້ານການເງິນ, ຈຸດປະສົງການລົງທຶນ ແລະ ຄວາມທົນທານຕໍ່ຄວາມສ່ຽງຂອງທ່ານ ແລະ ມີການປຶກສາທີ່ປຶກສາທາງດ້ານການເງິນເປັນເອກະລາດກ່ອນທີ່ຈະລົງທຶນໃດໆ. ເອກະສານນີ້ບໍ່ຄວນຖືກແປຄວາມໝາຍເປັນຄໍາແນະນໍາທາງດ້ານການເງິນ. ສໍາລັບຂໍ້ມູນເພີ່ມເຕີມ, ກະລຸນາເບິ່ງເງື່ອນໄຂການນໍາໃຊ້ ແລະ ຄໍາເຕືອນຄວາມສ່ຽງຂອງພວກເຮົາ.
ເອກະສານນີ້ອາດຈະຖືກແປ ແລະ ຕີພິມເປັນພາສາຕ່າງໆ. ໃນກໍລະນີທີ່ມີຄວາມບໍ່ສອດຄ່ອງ, ການສະແດງຂໍ້ມູນເທັດ, ການລະເວັ້ນ ຫຼື ຄວາມຜິດພາດທີ່ປະກົດຢູ່ໃນສະບັບແປພາສາໃດໜຶ່ງ, ແລ້ວສະບັບພາສາອັງກິດຈະມີຜົນເໜືອກວ່າ.