ເງິນກູ້ VIP ຂອງ Binance ແລະ ຄໍາຖາມທີ່ຖືກຖາມເລື້ອຍໆມີຫຍັງແດ່

ເງິນກູ້ Binance VIP ແມ່ນຫຍັງ

ວິທີການນໍາໃຊ້ຟັງຊັ່ນການບໍລິການຕົນເອງສໍາລັບເງິນກູ້ VIP

ຄໍາຖາມທີ່ເຫັນເລື້ອຍໆ

ເງິນກູ້ Binance VIP ແມ່ນຫຍັງ

ອັບເດດຫຼ້າສຸດ: 29 ເມສາ 2024

ເງິນກູ້ Binance VIP ແມ່ນຫຍັງ?

ເງິນກູ້ Binance VIP ແມ່ນການບໍລິການເງິນກູ້ສ່ວນບຸກຄົນ ຫຼື ສະຖາບັນທີ່ມີຄ່າຄໍ້າປະກັນຂະໜາດສູງເກີນໄປ ໂດຍມີອັດຕາ, ເງື່ອນໄຂ ແລະ ການບໍລິການທີ່ສາມາດແຂ່ງຂັນໄດ້. ມັນສະໜອງຂະບວນການຂອງ Margin Call ທີ່ກໍານົດເອງ ແລະ ມີການນໍາໃຊ້ຫຼັກປະກັນທີ່ດີກວ່າໃນບັນຊີ.

ທ່ານສາມາດນໍາໃຊ້ເງິນກູ້ Binance VIP ເພື່ອປົດລ໋ອກທ່າແຮງທີ່ຫຼາຍກວ່າເກົ່າ ເພື່ອຈຸດປະສົງຕ່າງໆ, ເຊັ່ນ: ສະພາບຄ່ອງທີ່ດີຂຶ້ນສໍາລັບເງິນທຶນການລົງທຶນໄລຍະຍາວ, ການຊື້ຂາຍທີ່ນໍາໃຊ້ Leverage ແລະ ຍຸດທະສາດການປ້ອງກັນຄວາມສ່ຽງເປັນຕົ້ນ.

ຂໍ້ດີຂອງໂຄງການເງິນກູ້ Binance VIP ແມ່ນຫຍັງ?

ຄວາມມີປະສິດທິພາບດ້ານທຶນຮອນລະດັບສະຖາບັນ
- ບໍ່ມີເພດານຈໍາກັດດ້ວຍປະຫວັດສິນເຊື່ອທີ່ດີ;
- ອັດຕາສ່ວນເງິນກູ້ຕໍ່ມູນຄ່າ (ອັດຕາສ່ວນ LTV) ທີ່ດີຂຶ້ນ, ເຊິ່ງ Initial/Margin Call/ການບັງຄັບຊຳລະໜີ້ສິນ LTV ຖືກປັບປຸງເປັນ 72%/77%/91%, ຕາມລໍາດັບ.
ອິດສະຫຼະແບບເຕັມທີ່ໃນການນຳໃຊ້ເງິນກູ້ ແລະ ຊັບສິນຫຼັກປະກັນ
- ເງິນກູ້ສາມາດຖືກນໍາໃຊ້ເພື່ອຈຸດປະສົງໃດກໍໄດ້, ລວມທັງການຊື້ຂາຍໃນຕະຫຼາດ Spot, Margin, ຫຼື Futures, ການສະໝັກສະມາຊິກ Earn, ແລະ ການຖອນເງິນ;
- ຊັບສິນຫຼັກປະກັນກໍຍັງສາມາດຊື້ຂາຍໄດ້ໃນຕະຫຼາດ Spot ຖ້າ LTVs ຍັງຕໍ່າກວ່າລະດັບ Margin Call. ກະລຸນາຮັບຊາບວ່າ ມີແຕ່ໂທເຄັນທີ່ຖືກກຳນົດເປັນໂທເຄັນຫຼັກປະກັນເທົ່ານັ້ນທີ່ຖືກຮວມຢູ່ໃນການຄຳນວນ LTV.
ເພີ່ມຄວາມຍືດຫຍຸ່ນດ້ວຍການບໍລິເງິນກູ້ຕາມຄວາມຕ້ອງການ
- ພວກເຮົາຮອງຮັບຫຼຽນຫຼາຍກວ່າ 600+ ຊະນິດ ໃນນາມເປັນຊັບສິນທີ່ກູ້ຢືມໄດ້ ແລະ ຫຼັກປະກັນ;
- ເງື່ອນໄຂການກູ້ຢືມທີ່ຍືດຫຍຸ່ນໂດຍບໍ່ມີການລົງໂທດສໍາລັບການຊໍາລະຄືນໄວກ່ອນກໍານົດ;
- ການບັງຄັບຊຳລະໜີ້ສິນທີ່ອາດສາມາດຊັກຊ້າໄດ້ ເມື່ອມີການກະຕຸ້ນການບັງຄັບຊຳລະໜີ້ສິນ LTV.
ຫຼຸດຜ່ອນຄ່າໃຊ້ຈ່າຍທັງໝົດ
- ອັດຕາດອກເບ້ຍທີ່ແຂ່ງຂັນໄດ້;
- ບໍ່ມີຄ່າທຳນຽມທຸລະກໍາ.

ຄໍາເຕືອນຄວາມສ່ຽງ: ລາຄາຊັບສິນດິຈິຕອນມີຄວາມສ່ຽງດ້ານຕະຫຼາດ ແລະ ຄວາມຜັນຜວນຂອງລາຄາສູງ. ມູນຄ່າການລົງທຶນຂອງທ່ານອາດຈະຫຼຸດລົງ ຫຼື ເພີ່ມຂຶ້ນ ແລະ ທ່ານອາດຈະບໍ່ໄດ້ຮັບຈໍານວນເງິນທີ່ລົງທຶນໄປນັ້ນຄືນກັບມາ. ທ່ານຮັບຜິດຊອບພຽງຜູ້ດຽວຕໍ່ການຕັດສິນໃຈລົງທຶນຂອງທ່ານ ແລະ Binance ບໍ່ຮັບຜິດຊອບຕໍ່ການສູນເສຍໃດໆທີ່ທ່ານອາດຈະໄດ້ຮັບ. ການປະຕິບັດງານທີ່ຜ່ານມາບໍ່ແມ່ນຕົວຊີ້ບອກທີ່ເຊື່ອຖືໄດ້ສໍາລັບການປະຕິບັດງານໃນອະນາຄົດ. ທ່ານຄວນລົງທຶນສະເພາະແຕ່ໃນຜະລິດຕະພັນທີ່ທ່ານຄຸ້ນເຄີຍ ແລະ ບ່ອນທີ່ທ່ານເຂົ້າໃຈຄວາມສ່ຽງເທົ່ານັ້ນ. ທ່ານຄວນພິຈາລະນາຢ່າງລະມັດລະວັງກ່ຽວກັບປະສົບການການລົງທຶນ, ສະຖານະການທາງດ້ານການເງິນ, ຈຸດປະສົງການລົງທຶນ ແລະ ຄວາມທົນທານຕໍ່ຄວາມສ່ຽງຂອງທ່ານ ແລະ ມີການປຶກສາທີ່ປຶກສາທາງດ້ານການເງິນເປັນເອກະລາດກ່ອນທີ່ຈະລົງທຶນໃດໆ. ເອກະສານນີ້ບໍ່ຄວນຖືກແປຄວາມໝາຍເປັນຄໍາແນະນໍາທາງດ້ານການເງິນ. ສໍາລັບຂໍ້ມູນເພີ່ມເຕີມ, ກະລຸນາເບິ່ງທີ່ ເງື່ອນໄຂການນໍາໃຊ້ ແລະ ຄໍາເຕືອນຄວາມສ່ຽງຂອງພວກເຮົາ.

ການປະຕິເສດຄວາມຮັບຜິດຊອບ: ເອກະສານນີ້ອາດຈະຖືກແປ ແລະ ຕີພິມເປັນພາສາຕ່າງໆ. ໃນກໍລະນີທີ່ບໍ່ສອດຄ່ອງ, ການສະແດງຂໍ້ມູນເທັດ, ການລະເວັ້ນ ຫຼື ຄວາມຜິດພາດທີ່ປະກົດຢູ່ໃນສະບັບແປພາສາໃດໜຶ່ງ, ແມ່ນໃຫ້ຖືເອົາສະບັບພາສາອັງກິດ ນີ້ເປັນຫຼັກ.

ແນະນຳຟັງຊັ່ນການບໍລິການຕົນເອງສໍາລັບເງິນກູ້ VIP ຂອງ Binance

ເງິນກູ້ Binance VIP ຕອນນີ້ສະໜອງຄຸນສົມບັດໃໝ່ໆທີ່ປັບແຕ່ງສະເພາະສໍາລັບຜູ້ໃຊ້ VIP ເຊັ່ນວ່າ ຄໍາຮ້ອງສະໝັກເງິນກູ້ແບບບໍລິການຕົນເອງທາງອອນໄລນ໌, ການຕໍ່ອາຍຸ, ແລະ ຟັງຊັ່ນທີ່ຮອງຮັບ SAPI ໃໝ່. ທ່ານສາມາດສະໝັກ ແລະ ຕໍ່ອາຍຸຜະລິດຕະພັນເງິນກູ້ Binance VIP ໄດ້ທຸກເວລາໂດຍຜ່ານແພລັດຟອມເງິນກູ້ VIP ໃໝ່.

ຄຸນນະສົມບັດໃໝ່ເຫຼົ່ານີ້ສະໜອງວິທີການແກ້ໄຂທີ່ສະດວກ ແລະ ເປັນອັດຕະໂນມັດສໍາລັບຜູ້ໃຊ້ VIP ທີ່ຊອກຫາເງິນກູ້ໂດຍໃຊ້ການຖືສະກຸນເງິນຄຣິບໂຕຂອງເຂົາເຈົ້າເປັນຫຼັກປະກັນ. ທ່ານສາມາດຕິດຕາມລາຍລະອຽດເງິນກູ້ໄດ້ຢ່າງງ່າຍດາຍ, ເຊັ່ນ: ການຈ່າຍເງິນດອກເບ້ຍ ແລະ ເງື່ອນໄຂການກູ້ຢືມ. ຄຸນສົມບັດນີ້ຍັງສະແດງຈຳນວນດອກເບ້ຍທີ່ເພີ່ມຂຶ້ນສຳລັບແຕ່ລະໂທເຄັນທີ່ຢືມມາ ແລະ ສະແດງໃຫ້ເຫັນໂທເຄັນໃນ Spot Wallet ເປັນສີແດງ ຖ້າມີຍອດເງິນບໍ່ພຽງພໍໃນການຈ່າຍຊໍາລະດອກເບ້ຍ.

ຜູ້ໃຊ້ສາມາດເລືອກລະຫວ່າງ ເງື່ອນໄຂການເງິນກູ້ແບບເປີດ, 30 ວັນ ແລະ 60 ວັນ ແລະ ອັດຕາທີ່ສາມາດປ່ຽນແປງໄດ້ ຫຼື ຄົງທີ່ ສໍາລັບເງິນກູ້ VIP ຂອງພວກເຂົາ, ເບິ່ງວັນທີຕໍ່ອາຍຸທີ່ຈະມາເຖິງ ແລະ ເບິ່ງຈໍານວນເງິນກູ້ທີ່ມີຢູ່. ກະລຸນາຮັບຊາບວ່າການຕໍ່ອາຍຸບໍ່ສາມາດໃຊ້ໄດ້ສຳລັບໂທເຄັນທີ່ເກີນຂີດຈຳກັດການກູ້ຢືມທີ່ກຳນົດໄວ້ລ່ວງໜ້າ.

ຈະມີການສະແດງການອັບເດດອັດຕາດອກເບ້ຍເງິນກູ້ໃນເວລາຕົວຈິງ ເພື່ອຮັບປະກັນໃຫ້ຜູ້ກູ້ຢືມຮັບຮູ້. ລາຍລະອຽດຫຼັກປະກັນ, ລວມທັງມູນຄ່າຫຼັກປະກັນລວມ, ບັນຊີ, ຊັບສິນ ແລະ ບັນຊີເງິນກູ້ຂອງຜູ້ກູ້ຢືມແມ່ນຖືກສະແດງໄວ້. ສິ່ງສຳຄັນທີ່ສຸດ, ຫຼັກປະກັນເບື້ອງຕົ້ນ, Margin Call, ແລະ ລະດັບການບັງຄັບຊຳລະໜີ້ສິນແມ່ນຖືກສະແດງ ເພື່ອຊ່ວຍໃຫ້ຜູ້ກູ້ຢືມບໍລິຫານຕໍາແໜ່ງເງິນກູ້ຂອງພວກເຂົາຢ່າງມີປະສິດທິພາບ. ການຢືນຢັນສໍາລັບການຕໍ່ອາຍຸເງິນກູ້ແມ່ນອະນຸຍາດໃຫ້ກໍຕໍ່ເມື່ອ Spot Wallet ຂອງທ່ານມີເງິນພຽງພໍເພື່ອຈ່າຍຊໍາລະເງິນດອກເບ້ຍເທົ່ານັ້ນ.

1. ຈະສົ່ງຄໍາຮ້ອງຂໍເງິນກູ້ VIP ແບບບໍລິການຕົນເອງແນວໃດ?

1. ເຂົ້າສູ່ລະບົບບັນຊີ Binance ຂອງທ່ານ ແລະ ໄປທີ່ [ເພີ່ມເຕີມ] - [ເງິນກູ້ VIP].

2. ຄລິກ [ສະໝັກດຽວນີ້] ເພື່ອເຂົ້າຫາໜ້າຄໍາຮ້ອງ. ໃສ່ບັນຊີຮັບຂອງທ່ານ, ເລືອກໄລຍະການກູ້ຢືມ, ແລະ ເລືອກອັດຕາທີ່ປ່ຽນແປງໄດ້ ຫຼື ຄົງທີ່. ໃຫ້ຮັບຮູ້ວ່າອັດຕາຄົງທີ່ສາມາດເລືອກໄດ້ສໍາລັບເງິນກູ້ VIP 30- ແລະ 60-ວັນ ເທົ່ານັ້ນ, ໃນຂະນະທີ່ອັດຕາທີ່ສາມາດປັບປ່ຽນໄດ້ແມ່ນສາມາດຖືກເລືອກສໍາລັບເງື່ອນໄຂເງິນກູ້ທັງໝົດໃນເງິນກູ້ VIP.

ຕໍ່ໄປ, ໃສ່ຈໍານວນການກູ້ຢືມທີ່ທ່ານຕ້ອງການ ແລະ ເລືອກຊັບສິນຫຼັກປະກັນ. ນອກນັ້ນທ່ານຍັງສາມາດໃຫ້ຂໍ້ມູນເພີ່ມເຕີມຢູ່ໃນຕາຕະລາງ [ຂໍ້ມູນ Option] ສໍາລັບຜູ້ຈັດການບັນຊີ VIP ຂອງທ່ານ.

3. ຫຼັງຈາກສົ່ງຄໍາຮ້ອງຂອງທ່ານແລ້ວ, ໃຫ້ທົບທວນລາຍລະອຽດຄໍາສັ່ງໃນ [ຕາຕະລະລາງເງື່ອນໄຂເງິນກູ້] ແລະ ຄລິກ [ຢືນຢັນ]. ຖ້າທ່ານເປັນຜູ້ໃຊ້ເງິນກູ້ VIP ໃໝ່, ໃຫ້ແນ່ໃຈວ່າທ່ານຍອມຮັບເງື່ອນໄຂການນໍາໃຊ້. ກະລຸນາກວດສອບໃຫ້ແນ່ໃຈວ່າຍອດຄົງເຫຼືອໃນບັນຊີຫຼັກປະກັນດັ່ງກ່າວກົງກັບຄວາມຕ້ອງການ LTV ຕ່ຳສຸດ 72% ກ່ອນທີ່ຈະວາງຄໍາສັ່ງ.

2. ຈະຊໍາລະຄືນຄໍາສັ່ງເງິນກູ້ຂອງຂ້ອຍແນວໃດ?

1. ຊອກຫາຄໍາສັ່ງທີ່ທ່ານຕ້ອງການຊໍາລະຄືນ ແລ້ວຄລິກ [ຊໍາລະຄືນ].

2. ໃສ່ຈໍານວນການຊໍາລະຄືນ ຫຼື ເລືອກເປີເຊັນຄໍາສັ່ງເງິນກູ້ທີ່ທ່ານຕ້ອງການທີ່ຈະຊໍາລະຄືນ. ຄລິກ [ຢືນຢັນ] ເພື່ອເຮັດການຊໍາລະຄືນໃຫ້ສໍາເລັດ.

3. ຈະຕໍ່ອາຍຸຄໍາສັ່ງເງິນກູ້ຂອງຂ້ອຍແນວໃດ?

1. ຊອກຫາເງິນກູ້ທີ່ທ່ານຕ້ອງການທີ່ຈະຕໍ່ອາຍຸຢູ່ໃນໜ້າລາຍລະອຽດຄໍາສັ່ງ ແລ້ວຄລິກ [ຕໍ່ອາຍຸ]. ສະເພາະເງິນກູ້ແບບຄົງທີ່ເທົ່ານັ້ນ (ເຊັ່ນ: ເງິນກູ້ VIP 30- ແລະ 60-ວັນ) ທີ່ສາມາດຕໍ່ອາຍຸໄດ້, ເນື່ອງຈາກວ່າເງິນກູ້ແບບເປີດແມ່ນບໍ່ມີວັນໝົດອາຍຸ.

2. ເຮັດການຈ່າຍຊໍາລະດອກເບ້ຍໃຫ້ສໍາເລັດ ແລ້ວຄລິກ [ຕໍ່ໄປ] ເພື່ອໄປຫາໜ້າການຕໍ່ອາຍຸຄໍາສັ່ງ.

3. ໃຫ້ແນ່ໃຈວ່າລາຍລະອຽດຄໍາສັ່ງຂອງທ່ານແມ່ນຖືກຕ້ອງ. ຄລິກ [ຢືນຢັນ] ເພື່ອເຮັດການຕໍ່ອາຍຸຄໍາສັ່ງໃຫ້ສໍາເລັດ.

4. ຈະເບິ່ງປະຫວັດການກູ້ຢືມ VIP ຂອງຂ້ອຍແນວໃດ?

1. ເຂົ້າສູ່ລະບົບບັນຊີ Binance ຂອງທ່ານແລ້ວໄປທີ່ [ຄໍາສັ່ງ] - [ປະຫວັດເງິນກູ້].

ອີກທາງເລືອກໜຶ່ງ, ໃຫ້ເລືອກ [ການເງິນ] ໃນແຖບເມນູຫຼັກ ແລ້ວຄລິກ [ເງິນກູ້ສະກຸນເງິນຄຣິບໂຕ] - [ເງິນກູ້ທີ່ເຄື່ອນໄຫວ].

2. ທ່ານສາມາດຄົ້ນຫາ VIP ຂອງທ່ານ [ປະຫວັດເງິນກູ້], [ປະຫວັດການຊໍາລະຄືນ], ແລະ [ປະຫວັດການບັງຄັບຊຳລະໜີ້ສິນ] ໃນເມນູທີ່ກ່ຽວຂ້ອງ.

5. ຄໍາຖາມທີ່ຖາມເລື້ອຍໆກ່ຽວກັບເງິນກູ້ VIP ແບບບໍລິການຕົນເອງ

1. ຂ້ອຍສາມາດໃຊ້ບັນຊີຮັບເງິນດຽວກັນເພື່ອເພີ່ມຄໍາສັ່ງເງິນກູ້ໃໝ່ໄດ້ບໍ່ ຖ້າຂ້ອຍມີຄໍາສັ່ງເງິນກູ້ ໜຶ່ງ ຫຼື ຫຼາຍ ຢູ່ແລ້ວ?

ແມ່ນແລ້ວ, ທ່ານສາມາດນໍາໃຊ້ບັນຊີຮັບເງິນດຽວກັນສໍາລັບຄໍາສັ່ງເງິນກູ້ໃໝ່. ຢ່າງໃດກໍ່ຕາມ, ໃຫ້ແນ່ໃຈວ່າຄໍາສັ່ງທີ່ມີຢູ່ນັ້ນບໍ່ຢູ່ໃນສະຖານະ Margin Call, ແລະ ມີຫຼັກປະກັນທີ່ພຽງພໍສໍາລັບຄໍາສັ່ງໃໝ່. ຖ້າທ່ານຕ້ອງການປ່ຽນບັນຊີຮັບເງິນດັ່ງກ່າວ, ກະລຸນາເລືອກບັນຊີຫຼັກປະກັນທີ່ຍັງບໍ່ໄດ້ນໍາໃຊ້ໂດຍບັນຊີຮັບເງິນອື່ນ.

2. ເປັນຫຍັງຍອດເງິນ Spot Wallet ຂອງຂ້ອຍຈຶ່ງສະແດງເປັນສີແດງສຳລັບໂທເຄັນສະເພາະໃດໜຶ່ງ?

ຍອດຄົງເຫຼືອ Spot Wallet ສໍາລັບໂທເຄັນສະເພາະຈະປາກົດເປັນສີແດງເມື່ອມັນບໍ່ພຽງພໍທີ່ຈະຈ່າຍດອກເບ້ຍເງິນກູ້. ກະລຸນາໃຫ້ແນ່ໃຈວ່າທ່ານມີເງິນພຽງພໍໃນ Spot Wallet ຂອງທ່ານເພື່ອຈ່າຍດອກເບ້ຍ.

3. ໄລຍະເວລາກູ້ຢືມແມ່ນດົນປານໃດ ແລະ ເມື່ອໃດທີ່ຂ້ອຍສາມາດຕໍ່ເງິນກູ້ໄດ້?

ໄລຍະເວລາເງິນກູ້ສາມາດກໍານົດເປັນໄລຍະເປີດ, 30 ວັນ ຫຼື 60 ວັນ. ທ່ານສາມາດຕໍ່ອາຍຸດເງິນກູ້ທີ່ມີເງື່ອນໄຂຄົງທີໄດ້ຕະຫຼອດເວລາພາຍໃນເຈັດວັນ (UTC 00:00) ກ່ອນເງິນກູ້ຈະໝົດກໍານົດ. ເງິນກູ້ແບບເປີດແມ່ນບໍ່ມີວັນໝົດອາຍຸ ແລະ ດັ່ງນັ້ນຈຶ່ງບໍ່ຈໍາເປັນຕ້ອງມີການຕໍ່ອາຍຸໃໝ່.

4. ຄວາມແຕກຕ່າງລະຫວ່າງອັດຕາທີ່ສາມາດປັບປ່ຽນໄດ້ ແລະ ອັດຕາຄົງທີ່ແມ່ນຫຍັງ?

ອັດຕາຄົງທີ່ຈະບໍ່ປ່ຽນແປງຕະຫຼອດອາຍຸຂອງເງິນກູ້ໄລຄົງທີ່. ອັດຕາຄ່າຄົງທີ່ໃໝ່ຈະນຳໃຊ້ຫຼັງຈາກເງິນກູ້ອັດຕາຄົງທີ່ທີ່ໝົດອາຍຸແລ້ວນັ້ນຖືກຕໍ່ອາຍຸໃໝ່ ສໍາລັບໄລຍະເວລາຄົງທີ່ໃໝ່. ອັດຕາຄົງທີ່ຈະແຕກຕ່າງກັນໄປຕາມລະດັບ VIP ທີ່ແຕກຕ່າງກັນ, ແລະ ມີໃຫ້ສະເພາະສໍາລັບເງິນກູ້ VIP 30- ແລະ 60-ວັນ ເທົ່ານັ້ນ.

ອັດຕາແລກປ່ຽນທີ່ສາມາດປັບປ່ຽນໄດ້ໃນແຕ່ລະມື້ແມ່ນຂຶ້ນກັບເງື່ອນໄຂຕະຫຼາດ, ແລະ ບໍ່ແຕກຕ່າງກັນຕາມລະດັບ VIP ຕ່າງໆ. ເງິນກູ້ອັດຕາທີ່ສາມາດປັບປ່ຽນໄດ້ແມ່ນມີໃຫ້ທັງເງິນກູ້ໄລຍະສັ້ນ ແລະ ເງິນກູ້ແບບເປີດ.

5. ຂ້ອຍສາມາດສະໝັກເອົາເງິນກູ້ VIP ດ້ວຍບັນຊີສຳຮອງໄດ້ບໍ່?

ມີພຽງບັນຊີຫຼັກເທົ່ານັ້ນທີ່ສາມາດນໍາໃຊ້ເພື່ອສະໝັກຂໍເງິນກູ້ VIP.

6. ເປັນຫຍັງຂ້ອຍຈຶ່ງບໍ່ສາມາດຢືນຢັນການຕໍ່ອາຍຸເງິນກູ້ໄດ້?

ມີສອງເຫດຜົນທີ່ເປັນໄປໄດ້ວ່າເປັນຫຍັງທ່ານຈຶ່ງບໍ່ສາມາດຢືນຢັນການຕໍ່ອາຍຸເງິນກູ້ໄດ້. ສິ່ງທີ່ໜຶ່ງ, ການຕໍ່ອາຍຸບໍ່ສາມາດໃຊ້ໄດ້ສຳລັບໂທເຄັນທີ່ເກີນຂອບເຂດການກູ້ຢືມທີ່ກຳນົດໄວ້ລ່ວງໜ້າ. ສິ່ງທີສອງ, ຖ້າຄໍາສັ່ງຂອງທ່ານຢູ່ໃນສະຖານະ Margin Call, ທ່ານຈະບໍ່ສາມາດຕໍ່ຄໍາສັ່ງນັ້ນໄດ້.

7. ເປັນຫຍັງຂ້ອຍຈຶ່ງເຫັນຂໍ້ຄວາມທີ່ເວົ້າວ່າ ‘ບັນຊີຫຼັກປະກັນປັດຈຸບັນໄດ້ຖືກນໍາໃຊ້’?

ບັນຊີຫຼັກປະກັນແຕ່ລະອັນແມ່ນສາມາດນຳໃຊ້ເພື່ອສະໜອງຫຼັກປະກັນສຳລັບບັນຊີຮັບໜຶ່ງບັນຊີເທົ່ານັ້ນ, ໃນຂະນະທີ່ບັນຊີຮັບໜຶ່ງບັນຊີ ສາມາດເປັນຫຼັກປະກັນໄດ້ໂດຍໃຊ້ຫຼາຍບັນຊີຫຼັກປະກັນ. ຂໍ້ຄວາມຜິດພາດນີ້ໝາຍຄວາມວ່າທ່ານໄດ້ເລືອກໜຶ່ງ ຫຼື ຫຼາຍກວ່າໜຶ່ງບັນຊີຫຼັກປະກັນທີ່ກໍາລັງຖືກໃຊ້ສໍາລັບບັນຊີຮັບອື່ນ. ໃຫ້ລຶບບັນຊີຫຼັກປະກັນເຫຼົ່ານີ້ອອກແລ້ວລອງໃໝ່ອີກຄັ້ງ.

8. ຂ້ອຍສາມາດຊອກຫາ API ເງິນກູ້ VIP ທີ່ກ່ຽວຂ້ອງໄດ້ຢູ່ໃສ?

ກະລຸນາອ້າງອີງເຖິງ ການກູ້ຢືມເງິນກູ້ VIP (ການຊື້ຂາຍ), ເອົາຂໍ້ມູນຊັບສິນທີ່ກູ້ຢືມໄດ້ (ຂໍ້ມູນຜູ້ໃຊ້), ແລະ ຕໍ່ອາຍຸເງິນກູ້ VIP (ການຊື້ຂາຍ) ເພື່ອຊອກຫາ API ທີ່ກ່ຽວຂ້ອງເພື່ອປະຕິບັດຟັງຊັ່ນເງິນກູ້ VIP, ສໍາລັບ API ເງິນກູ້ VIP ເພີ່ມເຕີມ, ກະລຸນາກວດເບິ່ງ ເອກະສານ Binance API.

9. ຂ້ອຍສາມາດປ່ຽນລະຫວ່າງເງິນກູ້ VIP ທີ່ມີອັດຕາປັບປ່ຽນໄດ້ ແລະ ອັດຕາຄົງທີ່ໄດ້ບໍ່?

ເພື່ອປ່ຽນລະຫວ່າງເງິນກູ້ VIP ທີ່ປັບປ່ຽນໄດ້ ແລະ ອັດຕາຄົງທີ່, ກ່ອນອື່ນໝົດທ່ານຕ້ອງເຮັດການຊໍາລະຄືນຢ່າງເຕັມສ່ວນ ສໍາລັບຄໍາສັ່ງເງິນກູ້ທີ່ມີຢູ່ ແລະ ສ້າງຄໍາສັ່ງໃໝ່ທີ່ມີປະເພດອັດຕາດອກເບ້ຍທີ່ຕ້ອງການ.

1. ເງິນກູ້ VIP ຂອງ Binance ແລະ ເງິນກູ້ສະກຸນເງິນຄຣິບໂຕຂອງ Binance ມີຄວາມແຕກຕ່າງກັນແນວໃດ?

ເງິນກູ້ VIP ຂອງ Binance ສະໜອງທາງເລືອກເງິນກູ້ທີ່ຫຼາກຫຼາຍທີ່ສຸດພ້ອມກັບຫຼັກປະກັນທີ່ຫຼາກຫຼາຍ, ຂະໜາດການກູ້ຢືມທີ່ໃຫຍ່ກວ່າ, ແລະ ເງື່ອນໄຂທີ່ມີຄວາມຍືດຫຍຸ່ນຫຼາຍກວ່າ.

ທ່ານຍັງມີຄວາມຍືດຫຍຸ່ນໃນການຊື້ຂາຍຊັບສິນຫຼັກປະກັນຂອງທ່ານຢູ່ໃນຕະຫຼາດ Spot, Margin, ຫຼື Futures. ຢ່າງໃດກໍຕາມ, ກະລຸນາຮັບຮູ້ວ່າມີພຽງແຕ່ຊັບສິນທີ່ມີສິດ (ໂທເຄັນທີ່ສາມາດຖືກຄ້ໍາປະກັນ) ໃນ Spot Wallets ຂອງບັນຊີຫຼັກຂອງທ່ານເທົ່ານັ້ນທີ່ສາມາດໄດ້ຮັບການພິຈາລະນາເປັນຫຼັກຊັບປະກັນ. ກະລຸນາຮັບຊາບວ່າ ໃນຂະນະທີ່ທ່ານມີອິດສະລະໃນການເຮັດທຸລະກໍາ Spot ດ້ວຍຫຼັກປະກັນຂອງທ່ານ, ການປ່ຽນພວກເຂົາເປັນຊັບສິນທີ່ບໍ່ແມ່ນຊັບສິນຫຼັກປະກັນນັ້ນຈະເພີ່ມອັດຕາສ່ວນ LTV, ເຊິ່ງອາດຈະເຮັດໃຫ້ເກີດການບັງຄັບຊຳລະໜີ້ສິນທັນທີ. ສຳລັບລາຍຊື່ທີ່ອັບເດດໃໝ່ຂອງໂທເຄັນຫຼັກປະກັນທີ່ຍອມຮັບ, ກະລຸນາຕິດຕໍ່ ຜູ້ຈັດການ VIP ຂອງພວກເຮົາ.

2. ເງື່ອນໄຂສໍາລັບການນໍາໃຊ້ເງິນກູ້ VIP ມີຫຍັງແດ່?

ຟັງຊັ່ນ ແລະ ສິດທິພິເສດທັງໝົດແມ່ນມີໃຫ້ ຜູ້ໃຊ້ Binance VIP. ຖ້າທ່ານບໍ່ແມ່ນຜູ້ໃຊ້ Binance VIP ແລະ ມີຄວາມສົນໃຈໃນການນໍາໃຊ້ເງິນກູ້ VIP, ກະລຸນາຕິດຕໍ່ ຜູ້ຈັດການ VIP ຂອງພວກເຮົາດ້ວຍລາຍລະອຽດຄໍາຮ້ອງ ແລະ Binance UID ຂອງທ່ານ. ຈໍານວນຄໍາສັ່ງເງິນກູ້ VIP ທໍາອິດຂອງທ່ານຄວນຈະຫຼາຍກວ່າ ຫຼື ເທົ່າກັບ $500,000 ແລະ ຍອດຄົງເຫຼືອໃນບັນຊີຫຼັກປະກັນຕ້ອງໄດ້ LTV ຕໍ່າສຸດຂອງ 72%.

3. ຈະເຮັດການຊໍາລະແນວໃດ?

ການຊໍາລະປົກກະຕິຈະເກີດຂຶ້ນທັນທີຫຼັງຈາກເງິນກູ້ໄດ້ຮັບການອະນຸມັດ. ເງິນກູ້ແມ່ນຖືກຈ່າຍໂດຍກົງໃສ່ Spot Wallet ຂອງບັນຊີ Binance ທີ່ທ່ານກຳນົດໄວ້.

4. ມີຄ່າທຳນຽມບໍ່?

ບໍ່ມີຄ່າທໍານຽມທຸລະກໍາສໍາລັບເງິນກູ້ VIP. ຢ່າງໃດກໍຕາມ, ທ່ານຕ້ອງຮັບຜິດຊອບດອກເບ້ຍເງິນກູ້ທີ່ສ້າງຂຶ້ນ ແລະ ຄ່າທໍານຽມການບັງຄັບຊຳລະໜີ້ສິນ 2% ໃນກໍລະນີທີ່ມີການບັງຄັບຊຳລະໜີ້ສິນ.

5. ດອກເບ້ຍຖືກຄິດໄລ່ແນວໃດ?

ດອກເບ້ຍຂອງເງິນກູ້ VIP ທີ່ມີອັດຕາທີ່ປັບປ່ຽນໄດ້ແມ່ນຖືກຄິດໄລ່ ແລະ ສະສົມ ທຸກໆຊົ່ວໂມງ ໃນຂະນະທີ່ດອກເບ້ຍເງິນກູ້ VIP ທີ່ມີອັດຕາຄົງທີ່ແມ່ນຄິດໄລ່ ແລະ ສະສົມ ປະຈໍາວັນ. ດອກເບ້ຍສະສົມຈະຖືກປັບປຸງປະຈໍາວັນລະຫວ່າງ 00:00 ແລະ 01:00 (UTC) ໂມງ. ຖ້າເງິນກູ້ຂອງທ່ານເກີນກຳນົດ, ຈະມີການເກັບດອກເບ້ຍສາມເທົ່າຕໍ່ມື້. ທ່ານຈະຖືກບັງຄັບໃຫ້ຊໍາລະເງິນໜີ້ ຖ້າທ່ານບໍ່ຊໍາລະຄືນເງິນກູ້ຫຼັງຈາກໄລຍະເວລາທີ່ເກີນກໍານົດ.

6. ອັດຕາສ່ວນ LTV (Loan-to-Value) ສໍາລັບເງິນກູ້ VIP ແມ່ນຫຍັງ?

a. ອັດຕາສ່ວນ LTV ຈະຊ່ວຍກຳນົດຈຳນວນເງິນກູ້ທີ່ທ່ານຈະໄດ້ຮັບໂດຍອີງໃສ່ຊັບສິນຫຼັກປະກັນທີ່ມີຢູ່ແລ້ວ. ທ່ານສາມມາດຈັດການ LTV ຂອງທ່ານໂດຍການການໂອນຊັບສິນ ໄປຫາ/ອອກຈາກ Spot Wallet ຂອງທ່ານ.

ເງິນກູ້ VIP ໃຫ້ອັດຕາເງິນກູ້ຕໍ່ມູນຄ່າທີ່ຫຼາຍກວ່າ. ໂດຍທົ່ວໄປແລ້ວເງິນກູ້ VIP ຈະມີອັດຕາສ່ວນ LTV ເບື້ອງຕົ້ນ, Margin Call, ແລະ ການບັງຄັບຊຳລະໜີ້ສິນໃຫຍ່ກວ່າທີ່ 72%/77%/91% ຕາມລໍາດັບ. ກະລຸນາຕິດຕໍ່ ທີມງານ VIP ຂອງພວກເຮົາເພື່ອສຶກສາເພີ່ມເຕີມ.

7. ຈະຊໍາລະຄືນເງິນກູ້ VIP ແນວໃດ?

ທ່ານອາດຈະຊໍາລະຄືນດອກເບ້ຍທີ່ຍັງຄ້າງ ແລະ ເງິນຕົ້ນທຶນຂອງທ່ານ (ບາງສ່ວນ ຫຼື ເຕັມສ່ວນ) ໂດຍໃຊ້ເງິນທຶນຈາກຍອດຄົງເຫຼືອ Fiat ແລະ Spot Wallet ຂອງທ່ານໃນໂທເຄັນດຽວກັນທີ່ທ່ານຢືມ.

ເພື່ອຊໍາລະຄືນ, ໃຫ້ໄປທີ່ [ເພີ່ມເຕີມ] - [ເງິນກູ້ VIP] ຫຼື [ເງິນກູ້ Binance] - [ຄໍາສັ່ງເງິນກູ້]. ຄລິກ [ຊໍາລະຄືນ] ຖັດຈາກຄໍາສັ່ງເງິນກູ້ ເພື່ອໃສ່ຄໍາຮ້ອງຂໍການຊໍາລະຄືນຂອງທ່ານ.

8. ຂ້ອຍສາມາດຊອກຫາ API ທີ່ກ່ຽວຂ້ອງໄດ້ຢູ່ໃສເພື່ອອ່ານລະດັບ LTV ຂອງຂ້ອຍ ຫຼື ຊໍາລະຄືນເງິນກູ້ຂອງຂ້ອຍ?

ທ່ານອາດຈະອ້າງອີງໃສ່ ເອກະສານ Binance API ເພື່ອຊອກຫາ API ທີ່ກ່ຽວຂ້ອງເພື່ອປະຕິບັດຟັງຊັ່ນເຫຼົ່ານີ້, ຫຼື ໂດຍສະເພາະແລ້ວເພື່ອ:

9. ຈະເກີດຫຍັງຂຶ້ນໃນລະຫວ່າງ Margin Call ຫຼື ການບັງຄັບຊຳລະໜີ້ສິນ?

Margin Call ແມ່ນອອກເມື່ອຕຳແໜ່ງເງິນກູ້ຮອດ Margin Call LTV. Margin Call LTV ນີ້ ສະແດງເຖິງການເຕືອນວ່າຕໍາແໜ່ງເງິນກູ້ດັ່ງກ່າວແມ່ນໃກ້ LTV ການບັງຄັບຊຳລະໜີ້ສິນແລ້ວ. ທ່ານສາມາດຈໍານໍາຊັບສິນທີ່ມີສິດເພີ່ມເຕີມ ເພື່ອເພີ່ມມູນຄ່າຫຼັກປະກັນ ຫຼື ຈ່າຍຄືນເງິນກູ້ທີ່ຍັງຄ້າງຢູ່ໃນບາງສ່ວນ ເພື່ອເຮັດໃຫ້ LTV ຫຼຸດລົງ.

ການບັງຄັບຊຳລະໜີ້ສິນເກີດຂຶ້ນເມື່ອ LTV ຂອງເງິນກູ້ໄປຮອດ ຫຼື ເກີນ LTV ການບັງຄັບຊຳລະໜີ້ສິນ. ໂດຍຄ່າເລີ່ມຕົ້ນ, Binance ຈະຊໍາລະເງິນກູ້ທີ່ຍັງຄ້າງຄາໂດຍໃຊ້ຊັບສິນຫຼັກປະກັນທີ່ມີຢູ່. ຢ່າງໃດກໍ່ຕາມ, ຜູ້ໃຊ້ທີ່ລົງທະບຽນໃນການບໍລິການການບັງຄັບຊຳລະໜີ້ສິນທີ່ຊ້ານັ້ນຈະໄດ້ຮັບໄລຍະເວລາການບັງຄັບຊຳລະໜີ້ສິນເພີ່ມເຕີມ ເຊິ່ງແກ່ຍາວເຖິງ 24 ຊົ່ວໂມງ. ໃນລະຫວ່າງເວລານີ້, ທ່ານອາດຈະເຮັດການປັບຕົວທີ່ຈໍາເປັນ, ເຊັ່ນ: ການເພີ່ມຫຼັກປະກັນ ຫຼື ການຊໍາລະຄືນເງິນກູ້ຂອງທ່ານບາງສ່ວນເພື່ອຫຼຸດລົງ LTV ຂອງທ່ານໃຫ້ຢູ່ໃນລະດັບ LTV ເບື້ອງຕົ້ນ. ຖ້າ LTV ເງິນກູ້ເກີນ 95%, ພວກເຮົາຈະດໍາເນີນການບັງຄັບຊຳລະໜີ້ສິນທັນທີ. ກະລຸນາຕິດຕໍ່ຜູ້ຈັດການ VIP ຂອງທ່ານເພື່ອສຶກສາເພີ່ມເຕີມກ່ຽວກັບການບໍລິການການບັງຄັບຊຳລະໜີ້ສິນທີ່ຊ້າ.

ທ່ານຈະຖືກແຈ້ງຜ່ານທາງຂໍ້ຄວາມສ່ວນຕົວ, ອີເມວ ແລະ SMS ໃນກໍລະນີມີ Margin Call ຫຼື ການບັງຄັບຊຳລະໜີ້ສິນ. ການແຈ້ງເຕືອນໃຊ້ເປັນການເຕືອນໄພຄວາມສ່ຽງ ແລະ ບໍ່ສາມາດຮັບປະກັນການຈັດສົ່ງໃຫ້ທັນເວລາ.

ໂດຍການນໍາໃຊ້ການບໍລິການດັ່ງກ່າວ, ທ່ານຕົກລົງເຫັນດີວ່າໃນບາງກໍລະນີ, ທ່ານອາດຈະບໍ່ສາມາດໄດ້ຮັບ ຫຼື ມີການຮັບການແຈ້ງເຕືອນທາງ SMS ຫຼື ອີເມວທີ່ຊັກຊ້າ. ສະຖານະການເຫຼົ່ານີ້ລວມມີ ແຕ່ບໍ່ຈໍາກັດສະເພາະຄວາມແອອັດຂອງເຄືອຂ່າຍສ່ວນບຸກຄົນ, ສະພາບແວດລ້ອມເຄືອຂ່າຍທີ່ບໍ່ດີ, ຂໍ້ຈໍາກັດໃນທ້ອງຖິ່ນ, ນະໂຍບາຍຂອງຜູ້ໃຫ້ບໍລິການ, ແລະ ອຸປະກອນທີ່ເຮັດວຽກຜິດປົກກະຕິ.

ກະລຸນາຮັບຊາບວ່າ ຖ້າມີ Margin ແລະ ການບັງຄັບຊຳລະໜີ້ສິນທີ່ໃກ້ເກີນໄປ, ແລ້ວລະບົບຈະຍົກເລີກການແຈ້ງເຕືອນ Margin Call ອັດຕະໂນມັດ ແລະ ທ່ານຈະໄດ້ຮັບການແຈ້ງເຕືອນການບັງຄັບຊຳລະໜີ້ສິນເທົ່ານັ້ນ. Binance ສະຫງວນສິດທີ່ບໍ່ມີພັນທະໃນການຈັດສົ່ງການແຈ້ງເຕືອນ.

10. ຂ້ອຍສາມາດໂອນຊັບສິນຈາກບັນຊີຫຼັກປະກັນໄດ້ບໍ່?

ພຽງແຕ່ຊັບສິນທີ່ມີຄຸນສົມບັດຢູ່ໃນ Spot Wallets ຂອງບັນຊີຫຼັກປະກັນຂອງທ່ານເທົ່ານັ້ນທີ່ສາມາດໃຊ້ເປັນຫຼັກຊັບປະກັນໄດ້. ພາຍໃຕ້ເງື່ອນໄຂຕໍ່ໄປນີ້, ທ່ານສາມາດປະຕິບັດການໂອນເງິນແລະທຸລະກໍາບາງຢ່າງ:

ຖ້າ LTV ຂອງທ່ານ ຕໍ່າກວ່າ Margin Call ແລະ ການບັງຄັບຊຳລະໜີ້ສິນ LTVs, ແລ້ວທ່ານອາດຈະໂອນຊັບສິນຫຼັກປະກັນ ແລະ ຊັບສິນທີ່ບໍ່ແມ່ນຫຼັກຊັບປະກັນລະຫວ່າງ Spot Wallets ຂອງບັນຊີຫຼັກປະກັນຂອງທ່ານ ຫຼື ເຮັດການຊື້ຂາຍໂດຍໃຊ້ຊັບສິນເຫຼົ່ານີ້ໃນຕະຫຼາດ Spot.
ຖ້າ LTV ຂອງທ່ານ ຕໍ່າກວ່າ LTV ເບື້ອງຕົ້ນ, ທ່ານສາມາດໂອນຊັບສິນຫຼັກປະກັນເຂົ້າໄປໃນ Wallets ອື່ນໆ (ເຊັ່ນ: Wallet ຂອງ Funding ຫຼື Margin) ຫຼື ຖອນພວກມັນໄດ້ຕາບໃດທີ່ LTV ຍັງຄົງຕໍ່າກວ່າ LTV ເບື້ອງຕົ້ນ.

ນອກນັ້ນ ທ່ານຍັງສາມາດລຶບບັນຊີຫຼັກປະກັນຕ່າງໆອອກຈາກກຸ່ມຄໍາສັ່ງເງິນກູ້ທີ່ມັນຢູ່ ໂດຍຕິດຕໍ່ກັບຜູ້ຈັດການ VIP ຂອງທ່ານ, ພາຍໃຕ້ເງື່ອນໄຂດັ່ງຕໍ່ໄປນີ້:

LTV ສໍາລັບກຸ່ມຄໍາສັ່ງເງິນກູ້ນັ້ນແມ່ນ ຕໍ່າກວ່າລະດັບ LTV ເບື້ອງຕົ້ນ.
ຄໍາແນະນໍາການຍົກເລີກບໍ່ໄດ້ເຮັດໃຫ້ LTV ຂອງກຸ່ມຄໍາສັ່ງເງິນກູ້ເພີ່ມຂຶ້ນ ສູງກວ່າລະດັບ LTV ເບື້ອງຕົ້ນ.

11. ອັດຕາສ່ວນຫຼັກປະກັນເງິນກູ້ VIP ແມ່ນຫຍັງ?

ການປັບຫຼຸດລາຄາຂອງມູນຄ່າຊັບສິນຫຼັກປະກັນອາດຈະນໍາໃຊ້ໃນຈໍານວນຂັ້ນທີ່ແຕກຕ່າງກັນສໍາລັບແຕ່ລະຊັບສິນ. ການປັບຫຼຸດລາຄາໝາຍເຖິງຄວາມແຕກຕ່າງດ້ານສ່ວນຮ້ອຍລະຫວ່າງມູນຄ່າຕະຫຼາດຂອງຊັບສິນ ແລະ ຈຳນວນເງິນທີ່ສາມາດໃຊ້ເປັນຫຼັກປະກັນເງິນກູ້ໄດ້. ອັດຕາສ່ວນຫຼັກປະກັນ 75% ໃນຊັບສິນໃດໜຶ່ງໝາຍຄວາມວ່າ 75% ຂອງມູນຄ່າຕະຫຼາດຂອງຊັບສິນນັ້ນຖືກໃຊ້ເປັນຫຼັກປະກັນ, ເຊິ່ງມີການປັບຫຼຸດລາຄາ 25%. ຕົວຢ່າງ:

ໂທເຄັນ A ມີອັດຕາສ່ວນຫຼັກປະກັນ 100% ສຳລັບຈຳນວນມູນຄ່າທຽບເທົ່າ 1 ລ້ານ USD ແລະ ອັດຕາສ່ວນຫຼັກປະກັນ 80% ສຳລັບຈຳນວນເງິນທີ່ສູງກວ່າ 1 ລ້ານ USD.
ສົມມຸດວ່າໂທເຄັນ A ມີມູນຄ່າທຽບເທົ່າ 5 ລ້ານ USD ແມ່ນຫຼັກປະກັນ, ແລ້ວມູນຄ່າຫຼັກປະກັນທີ່ຮັບຮູ້ນັ້ນສາມາດຄິດໄລ່ເປັນ 1,000,000 * 100% + (4,000,000) * 80% = 4,200,000 USD

ກົນໄກອັດຕາສ່ວນເງິນກູ້ VIP ອະນຸຍາດໃຫ້ເງິນກູ້ VIP ຂອງ Binance ສາມາດສະໜອງໂທເຄັນທີ່ເປັນຫຼັກປະກັນທີ່ສະພາບຄ່ອງໜ້ອຍເພີ່ມຫຼາຍຂຶ້ນ. ໂທເຄັນດັ່ງກ່າວມີຕົ້ນທຶນການບັງຄັບຊຳລະໜີ້ສິນທີ່ເປັນໄປໄດ້ສູງ ເນື່ອງຈາກຜົນກະທົບຂອງການບັງຄັບຊຳລະໜີ້ສິນໃນລາຄາຕະຫຼາດ, ໂດຍສະເພາະສໍາລັບປະລິມານຂະໜາດໃຫຍ່ທີ່ກ່ຽວຂ້ອງກັບເງິນກູ້ VIP ຂອງ Binance. ການນຳໃຊ້ອັດຕາຫຼັກປະກັນໃນຊັບສິນຫຼັກປະກັນນັ້ນຊ່ວຍຫຼຸດຜ່ອນຄວາມສ່ຽງນີ້ ໂດຍການໃຊ້ການປັບຫຼຸດລາຄາໃນມູນຄ່າຕະຫຼາດຂອງຊັບສິນຫຼັກປະກັນ.

ຂະໜາດຂອງການປັບຫຼຸດລາຄາແມ່ນອີງໃສ່ສະພາບຄ່ອງຂອງຊັບສິນທີ່ກ່ຽວຂ້ອງເປັນສ່ວນໃຫຍ່. ຊັບສິນທີ່ມີສະພາບຄ່ອງໜ້ອຍແມ່ນໄດ້ຮັບການປັບຫຼຸດລາຄາມຂະໜາດໃຫຍ່. Binance ສະຫງວນສິດທີ່ຈະແກ້ໄຂອັດຕາຫຼັກປະກັນທີ່ນຳໃຊ້ກັບຊັບສິນຫຼັກປະກັນໄດ້ທຸກເວລາ. ກະລຸນາເບິ່ງທີ່ໜ້າ ເງິນກູ້ VIP ສໍາລັບອັດຕາສ່ວນຫຼັກປະກັນຫຼ້າສຸດ.