ລາຄາສະກຸນເງິນຄຣິບໂຕສູງສຸດ 100 ອັນດັບໂດຍເພດານຕະຫຼາດ

ກ່ຽວກັບລາຄາຄຣິບໂຕ

ສະກຸນເງິນຄຣິບໂຕເປັນສະກຸນເງິນດິຈິຕອນ ຫຼື ສະເໝືອນຈິງທີ່ໃຊ້ການເຂົ້າລະຫັດລັບເພື່ອຄວາມປອດໄພ. ມັນດໍາເນີນການຢ່າງເປັນເອກະລາດຂອງທະນາຄານກາງ ແລະ ລັດຖະບານ. ໃນຂະນະທີ່ Bitcoin ເປັນສະກຸນເງິນຄຣິບໂຕທີ່ນິຍົມຫຼາຍທີ່ສຸດ ແຕ່ສະກຸນເງິນຄຣິບໂຕຊັ້ນນຳຕາມມູນຄ່າຕະຫຼາດໄດ້ແກ່ Ethereum, BNB, Litecoin, XRP, Dogecoin ແລະອື່ນໆ.

ມູນຄ່າຂອງສະກຸນເງິນຄຣິບໂຕ ແມ່ນຖືກກໍານົດໂດຍອິດທິພົນເຊິ່ງກັນ ແລະ ກັນ ຂອງການສະໜອງ ແລະ ຄວາມຕ້ອງການໃນການແລກປ່ຽນສະກຸນເງິນດິຈິຕອນຊັ້ນນໍາ. ອົງປະກອບຈໍານວນໜຶ່ງມີອິດທິພົນຕໍ່ລາຄາຂອງສະກຸນເງິນຄຣິບໂຕ ເຊັ່ນ: ຄວາມເຊື່ອໝັ້ນຂອງຕະຫຼາດ, ເຫດການຂ່າວທີ່ມີຜົນກະທົບ, ການປະກາດທີ່ໜ້າສັງເກດ ແລະ ການປ່ຽນແປງທາງດ້ານກົດລະບຽບ. ເນື່ອງຈາກປັດໄຈເຫຼົ່ານີ້, ມູນຄ່າຂອງສະກຸນເງິນຄຣິບໂຕສາມາດເໜັງຕີງພາຍໃນໄລຍະເວລາສັ້ນໆ, ເຮັດໃຫ້ມັນເປັນການລົງທຶນທີ່ມີຄວາມຜັນຜ່ວນສູງ.

ຂ້ອຍຈະພະຍາກອນລາຄາຂອງສະກຸນເງິນຄຣິບໂຕໄດ້ແນວໃດ?

ບໍ່ມີວິທີຕາຍຕົວທີ່ຈະຄາດຄະເນລາຄາສະກຸນເງິນຄຣິບໂຕ ຍ້ອນມັນມີຄວາມຜັນຜວນສູງ ແລະ ໄດ້ຮັບມີອິດທິພົນຈາກຫຼາຍໆປັດໄຈ. ບາງວິທີການທີ່ນັກວິເຄາະໃຊ້ເພື່ອຄາດຄະເນລາຄາລວມທັງການວິເຄາະທ່າອ່ຽງຕະຫຼາດ ແລະ ທັດສະນະຄວາມຮູ້ສຶກ, ການສຶກສາເບິ່ງເສັ້ນສະແດງດ້ານວິຊາການ ແລະ ຕົວຊີ້ວັດຕ່າງໆ, ພ້ອມທັງຕິດຕາມຂ່າວສານ ແລະ ການພັດທະນາໃນອຸດສາຫະກໍາສະກຸນເງິນຄຣິບໂຕ. ນອກຈາກນັ້ນ, Algorithm ການຮຽນຮູ້ເຄື່ອງຈັກຂອງ Binance ກໍ່ເປັນປະໂຫຍດເມື່ອດຳເນີນ ການພະຍາກອນ ກ່ຽວກັບລາຄາຂອງຄຣິບໂຕໃນອະນາຄົດ. ຢ່າງໃດກໍຕາມ, ໃຫ້ຈື່ຈໍາໄວ້ວ່າໃນຂະນະທີ່ວິທີການເຫຼົ່ານີ້ອາດຈະນໍາສະເໜີການພະຍາກອນລາຄາຂອງຄຣິບໂຕໃນອະນາຄົດ ແລະ ຊ່ວຍເປັນຂໍ້ມູນໃຫ້ທ່ານຕັດສິນໃຈແຕ່ບໍ່ສາມາດຖືເປັນຂໍ້ສະຫຼຸບໄດ້.

ສະກຸນເງິນຄຣິບໂຕມີມູນຄ່າເທົ່າໃດ?

ມູນຄ່າຂອງສະກຸນເງິນຄຣິບໂຕ ແມ່ນຖືກກໍານົດໂດຍການສະໜອງ ແລະ ຄວາມຕ້ອງການ. ການສະໜອງຂອງສະກຸນເງິນຄຣິບໂຕ ແມ່ນຖືກຈໍາກັດໂດຍຈໍານວນຫຼຽນທີ່ເຄີຍຈະຖືກສ້າງຂຶ້ນ. ຄວາມຕ້ອງການສໍາລັບສະກຸນເງິນຄຣິບໂຕ ແມ່ນຂັບເຄື່ອນໂດຍປັດໄຈຕ່າງໆ, ລວມທັງມູນຄ່າການຮັບຮູ້, ຜົນປະໂຫຍດຂອງຄຣິບໂຕ ແລະ ສະພາບໂດຍລວມຂອງຕະຫຼາດຄຣິບໂຕ. ສະກຸນເງິນທີ່ມີຄ່າທີ່ສຸດແມ່ນ Bitcoin (BTC), ຖັດມາແມ່ນ Ethereum (ETH), ເປັນສະກຸນເງິນຄຣິບໂຕທີ່ນິຍົມທີ່ສຸດອັນດັບສອງໂດຍມູນຄ່າຕະຫຼາດ. ສະກຸນເງິນຄຣິບໂຕທີ່ນິຍົມອື່ນໆລວມມີ Solana (SOL), BNB (BNB), XRP (XRP), ແລະອື່ນໆ.

ຫຼຽນຄຣິບໂຕຍອດນິຍົມໃນຕອນນີ້ມີຫຍັງແດ່?

ໃນເວລາຂອງການຂຽນ, cryptocurrencies ນໍາໜ້າໂດຍການລົງທຶນຕະຫຼາດປະກອບມີ:

Bitcoin (BTC)
Ethereum (ETH)
BNB (BNB)
Solana (SOL)
XRP (XRP)
Dogecoin (DOGE)
Toncoin (TON)
Cardano (ADA)

ຜົນກະທົບຕໍ່ລາຄາສະກຸນເງິນຄຣິບໂຕແມ່ນຫຍັງ?

ການສະໜອງ ແລະ ຄວາມຕ້ອງການ: ຫຼັກການພື້ນຖານເສດຖະກິດຂອງການສະໜອງ ແລະ ຄວາມຕ້ອງການ ມີບົດບາດສໍາຄັນໃນການກໍານົດລາຄາເງິນສະກຸນເງິນຄຣິບໂຕ. ຖ້າຄວາມຕ້ອງການສໍາລັບສະກຸນເງິນຄຣິບໂຕ ສະເພາະແມ່ນສູງ ແລະ ການສະໜອງຂອງມັນຈໍາກັດ, ລາຄາອາດຈະເພີ່ມຂຶ້ນ.
ທັດສະນະຕໍ່ຕະຫຼາດ: ທັດສະນະໂດຍລວມຕໍ່ກັບຕະຫຼາດ ສາມາດສົ່ງຜົນກະທົບຕໍ່ລາຄາສະກຸນເງິນຄຣິບໂຕ. ຖ້ານັກລົງທຶນມີທັດສະນະໃນທາງບວກ, ລາຄາຈະມີທ່າອ່ຽງເພີ່ມຂຶ້ນ. ກົງກັນຂ້າມ, ຖ້ານັກລົງທຶນມີທັດສະນະໃນທາງລົບ, ລາຄາມັກຈະຫຼຸດລົງ.
ລະບຽບການ: ລະບຽບການ ແລະ ກົດໝາຍຂອງລັດຖະບານກໍ່ສົ່ງອິດທິພົນຕໍ່ລາຄາຂອງສະກຸນເງິນຄຣິບໂຕ. ຖ້າລັດຖະບານປະກາດການປາບປາມການຊື້ຂາຍສະກຸນເງິນຄຣິບໂຕ, ລາຄາອາດຈະຕົກລົງ. ໃນທາງກົງກັນຂ້າມ, ຖ້າລັດຖະບານປະກາດແຜນການຄວບຄຸມ ຫຼື ເຮັດໃຫ້ສະກຸນເງິນຄຣິບໂຕຖືກຕ້ອງຕາມກົດໝາຍ, ລາຄາອາດຈະສູງຂຶ້ນ.
ການລາຍງານຂ່າວສື່ມວນຊົນ: ສື່ມວນຊົນກໍ່ສາມາດມີຜົນກະທົບຢ່າງຫຼວງຫຼາຍຕໍ່ລາຄາສະກຸນເງິນຄຣິບໂຕ. ການອອກຂ່າວທາງບວກສາມາດເພີ່ມລາຄາ, ໃນຂະນະທີ່ຖ້າອອກຂ່າວໃນທາງລົບ ແມ່ນສາມາດເຮັດໃຫ້ລາຄາຫຼຸດລົງໄດ້.
ການເໜັງຕີງ: ລາຄາສະກຸນເງິນຄຣິບໂຕສາມາດເໜັງຕີງໄດ້ສູງ, ເຊິ່ງໝາຍຄວາມວ່າລາຄາສາມາດຜັນຜວນໄດ້ຫຼາຍໃນໄລຍະເວລາສັ້ນ. ຫຼາກຫຼາຍປັດໄຈສາມາດເຮັດໃຫ້ເກີດການເໜັງຕີງໄດ້, ລວມມີຄວາມເຊື່ອໝັ້ນຂອງຕະຫຼາດ, ລະບຽບການ ແລະ ຄວາມເຊື່ອໝັ້ນຂອງນັກລົງທຶນ.
ການຮັບຮອງ: ຍິ່ງທຸລະກິດ, ຜູ້ຄ້າ ແລະ ບຸກຄົນເລີ່ມຍອມຮັບ ແລະ ນໍາໃຊ້ສະກຸນເງິນຄຣິບໂຕສຳລັບການຊື້ຂາຍຫຼາຍເທົ່າໃດ, ມູນຄ່າ ແລະ ລາຄາກໍ່ອາດຈະຍິ່ງເພີ່ມຂຶ້ນເທົ່ານັ້ນ.

ອ່ານລາຄາຂອງສະກຸນເງິນຄຣິບໂຕໄດ້ແນວໃດ?

ການອ່ານຮູບສະແດງຂອງສະກຸນເງິນຄຣິບໂຕ ເລີ່ມຕົ້ນດ້ວຍການເຂົ້າໃຈອົງປະກອບທີ່ສໍາຄັນ: ລາຄາ ແລະ ປະລິມານ. ແກນຕັ້ງ (Y) ສະແດງລາຄາ, ໃນຂະນະທີ່ແກນແນວນອນ (X) ໝາຍເຖິງເວລາ. ຮູບແບບ 'Candlestick' ສະແດງໃຫ້ເຫັນການເຄື່ອນໄຫວຂອງລາຄາໃນຊ່ວງເວລາສະເພາະໂດຍສີທີ່ສະແດງເຖິງການເພີ່ມຂຶ້ນ (ປົກກະຕິແລ້ວສີຂຽວ) ຫຼື ຫຼຸດລົງ (ປົກກະຕິແລ້ວສີແດງ). ແຖບປະລິມານທາງລຸ່ມຊີ້ໃຫ້ເຫັນຄວາມເຂັ້ມງວດຂອງກິດຈະກໍາການຊື້ຂາຍ. ຕົວຊີ້ວັດທີ່ສໍາຄັນ ເຊັ່ນ: Moving Averages ແລະ Relative Strength Index (RSI) ສາມາດຊ່ວຍຕີຄວາມໝາຍທ່າອ່ຽງຂອງຕະຫຼາດ ແລະ ການກັບຕົວທີ່ອາດຈະເກີດຂຶ້ນ.

ເປັນຫຍັງສະກຸນເງິນຄຣິບໂຕຈຶ່ງມີຄວາມຜັນຜວນ?

ຄວາມຜັນຜ່ວນຂອງສະກຸນເງິນຄຣິບໂຕ ສ່ວນໃຫຍ່ໄດ້ຮັບອິດທິພົນຕົ້ນຕໍໂດຍປັດໃຈຕ່າງໆ ເຊັ່ນ: ການເຂົ້າເຖິງການຊື້ຂາຍຕະຫຼອດ 24 ຊົ່ວໂມງ 7 ມື້, ສິ່ງທ້າທາຍດ້ານສະພາບຄ່ອງ, ການເກງກຳໄລ ແລະ ຄວາມເຊື່ອໝັ້ນຂອງຂອງຕະຫຼາດ. ບໍ່ຄືກັນກັບຕະຫຼາດແບບດັ້ງເດີມ, ການຊື້ຂາຍສະກຸນເງິນຄຣິບໂຕດໍາເນີນການຕະຫຼອດໂມງເວລາສົ່ງຜົນໃຫ້ເກີດຄວາມຜັນຜ່ວນຂອງລາຄາເລື້ອຍໆ. ການເກງກຳໄລທີ່ຂັບເຄື່ອນດ້ວຍຂ່າວ ແລະ ການປ່ຽນແປງດ້ານກົດລະບຽບສາມາດກະຕຸ້ນໃຫ້ເກີດການຊື້ຂາຍແບບຕອບໂຕ້ໄດ້ທັນທີ. ການສະໜອງຫຼຽນທີ່ຈໍາກັດເຊັ່ນດຽວກັບ Bitcoin ກໍ່ຍັງກະຕຸ້ນໃຫ້ເກີດຄວາມຜັນຜ່ວນຈາກຄວາມຕ້ອງການ.