السوق بيمر بتقلبات كبيرة والناس اللي بتستثمر فيه دايمًا بتسأل: السوق هيطلع إمتى وإيه اللي ممكن يحصل قريب وبعيد في المقال ده هنجمع بعض التوقعات والتحليلات عن العملات زي البيتكوين، الإيثريوم، والريبل، ونشوف رأي الخبراء وتحركات الحيتان اللي بتأثر على السوق.
الوضع الحالي للسوق النهارده 8 يناير 2025، السوق كله تقريبًا في حالة هبوط
بيتكوين $BTC سعرها نزل 5.42% وبقت حوالي 96,304 دولار، ولو كسر مستوى الدعم عند 95,195 دولار ممكن تنزل أكتر لـ 90,000 دولار.
إيثريوم$ETH نزلت حوالي 9.07% وسعرها بقى 3,339 دولار، والتوقع إنها توصل لـ 3,017 دولار في التصحيح الحالي.
ريبل $XRP انخفضت 5.55% وسعرها وصل لـ 2.2981 دولار.
ليه السوق نازل؟
الناس بتتحول ناحية الدولار بسبب قوة اقتصاده بعد بيانات إيجابية ظهرت
تصريحات دونالد ترامب، اللي أكد فيها على قوة الدولار وده زوّد الضغوط على العملات الرقمية
و كمان تصريحات ترامب بخصوص كندا و بنما
التوقعات على المدى القصير
في الوقت القريب الخبراء بيقولوا
بيتكوين BTC ممكن يحصل تصحيح صاعد يرفع السعر لـ 104,255 دولار فيه فرصة كويسة للشراء دلوقتي لو هتبيع عند السعر ده.
إيثريوم ETH احتمال كبير السعر ينزل لـ 3,090 دولار. ممكن تستنى فرصة بيع وتحدد مستوى الأرباح عند الهدف ده.
ريبل XRP التوقعات بتقول إنها ممكن توصل لـ 2.532 دولار قريب لو السعر ده تحقق، ممكن تكون فرصة كويسة للشراء.
التوقعات على المدى البعيد في 2025 رغم التراجعات اللي بتحصل دلوقت، فيه تفاؤل عند بعض الخبراء بالسوق على المدى الطويل:
بيتكوين BTC شركة VanEck بتتوقع إن السعر يوصل لـ 180,000 دولار بنهاية السنة.
توقعات تانية بتقول إنها ممكن تكسر حاجز الـ 200,000 دولار بسبب الطلب الكبير عليها.
إيثريوم ETH السعر ممكن يوصل لـ 6,000 دولار، وفيه توقعات أعلى بتقول إنه ممكن يكسر حاجز الـ 10,000 دولار مع توسع استخدامه في التطبيقات المختلفة.
ريبل XRP ممكن تتخطى 3 دولار مع استمرار دعم المؤسسات الكبيرة ليها.
تحركات الحيتان وتأثيرها على السوق الأيام اللي فاتت كان فيه تحركات كبيرة في محافظ البيتكوين، وده اللي خلّى السوق يتقلب كتير.
تأثير الحيتان ده واضح لما البيتكوين نزل تحت 97,000 دولار.
رغم الهبوط اللي حاصل، السوق لسه فيه فرص كويسة سواء على المدى القريب أو البعيد. المهم تكون حذر، تعتمد على التحليل الفني، وتتابع أي تغييرات في الأخبار. كده هتقدر تاخد قرارات استثمارية مظبوطة وتقلل مخاطر الخسارة و ده طبعا مجرد تحليل و رأي مش نصيحة مالية 😊👻
