إزايكم يا جماعة هقول لكم عن 8 أنماط بتساعد في تحديد اتجاه السوق و ممكن تزود فرص نجاحك في التداول يلا بينا نشرحها خطوة بخطوة
1 الرأس والكتفين (Head and Shoulders)
ده نمط بيظهر لما السوق بيكون صاعد وبعد كده بيبدأ ينزل. بنشوف 3 قمم: القمة الوسطى (الرأس) بتكون أعلى، والقمم الجانبية (الكتفين) بتكون أقل. بعد ما السعر يكسر خط العنق (الخط اللي تحت القمم)، ده بيكون إشارة إن الاتجاه هينقلب خلي بالك من الحجم لو كان فيه زيادة في الضغط البيعي عند الكسر، الإشارة بتكون أقوى
2. القمة المزدوجة (Double Top)
لما السوق يخلص اتجاه صاعد ويبدأ ينزل، بنشوف قمتين في نفس المستوى تقريبًا، وبعد كده السعر بيبدأ ينزل.
استخدم مؤشر القوة النسبية (RSI) علشان تتأكد لو السوق في منطقة ذروة شراء.
3. القاع المزدوج (Double Bottom) 📈
ده عكس القمة المزدوجة بيحصل لما السوق يكون هابط ويبدأ يرتد بنشوف السعر بيختبر الدعم مرتين وبعدين يبدأ يرتفع.
الاستراتيجية بعد ما السعر يكسر المقاومة بين القاعين ادخل شراء.
لو معاك تباعد في مؤشر MACD ده بيأكد قوة الإشارة
4. القمة الثلاثية (Triple Top)
ده نمط أقوى من القمة المزدوجة، لما السوق يكون صاعد وبعدين بيصعد 3 مرات في نفس المنطقة وبعدين يبدأ في الهبوط.
الإطارات الزمنية الأكبر (زي 4 ساعات أو يومي) بتدي إشارات أقوى
5. القاع الثلاثي (Triple Bottom)
ده عكس القمة الثلاثية، بيحصل لما السوق يكون هابط وبعدين بيختبر نفس المستوى 3 مرات قبل ما يطلع لأعلى
الاستراتيجية بعد ما السعر يكسر المقاومة، ادخل أشتري
خلي عينك على حجم التداول، لو فيه زيادة في الحجم مع الكسر، الإشارة بتكون أقوى
6 القمة الدائرية (Rounded Top)
ده نمط هابط بطيء بيحصل لما السوق يشكل منحنى زي الوعاء المقلوب، وبعد كده يبدأ في الهبوط تدريجيًا. لو الحجم بدأ يقل مع الكسر، ده بيزود قوة الإشارة.
7. القاع الدائري (Rounded Bottom)
ده زي القمة الدائرية بس العكس، بيحصل لما السوق يكون هابط وبعدين يبدأ يتشكل منحنى زي الوعاء الصاعد.
الاستراتيجية: بعد الكسر، أشتري
نصيحة: ده غالبًا بيكون بداية لارتفاع كبير في السوق، ممتاز للتداول طويل المدى.
8. الكوب والمقبض (Cup and Handle)
ده نمط استمرار بيظهر لما السوق يشكل كوب على شكل "U"، وبعد كده يظهر مقبض صغير قبل ما يكسر المقاومة ويبدأ في الصعود.
الاستراتيجية: بعد ما السعر يكسر المقاومة في منطقة المقبض أشتري
خلي بالك لو الكوب وصل لمستوى سحب بين 50%-61.8% من ارتفاعه، دي نقطة دخول ممتازة.
كيفية استخدام الأنماط دي بفعالية
استخدم أدوات تانية زي مؤشرات RSI وMACD علشان تتأكد من صحة الإشارة
الإطارات الزمنية الأنماط على الفريمات الكبيرة (زي 4 ساعات أو يومي) أكتر موثوقية
الاهتمام بالحجم لو في زيادة في الحجم أثناء الكسر، ده بيعني إن الاتجاه الجاي قوي
بلاش تداول الفيوتشر كله خراب بيوت يا صديقي تداول وتداول الفلوس تكون تقدر تخسرها
باتباع الأنماط دي مع هتكون أكتر استعدادًا لفرص قوية في السوق
أتمنى تكون المعلومة مفيدة وممتعة ليك ودي طبعا يا صديقي زي ما انت عارف مش نصيحة مالية 😊👻