يعني ايه Binance Megadrop
بينانس ميجا دروب هي عبارة عن منصة جديدة أطلقتها بينانس ، الهدف منها أنها تسهل عليك كمستخدم الحصول علي (AirDrops) او توزيعات العملات ...
زمان أول ما بدأت فكرة توزيعات العملات كان الهدف منها تشجيع الناس علي الانضمام لشبكات معينة ، او الاستثمار في عملة معينة من خلال قيام شبكة العملة دي بتوزيع كمية مجانية منها في بداية إطلاقها كنوع من الدعاية.
كان في في الأول حاجات اسمها AirDrops Faucets (حنفيات التوزيعات ) ودي كانت مواقع بتقوم بنفس فكرة منصة بينانس الجديدة بشكل مختلف شوية.
كانوا بيوزعوا عملات مجانية على المستخدمين في شكل مقابل لمشاهدة اعلان، و لا حل كابتشا، و لا علشان تختبروا شبكة معينة ، لحد دلوقت الحنفيات دي لسه موجودة و بتعمل توزيعات مجانية بس قليلة ...زي المية اللي بتندع من الحنفية ، بينانس بقي خدت الموضوع في اتجاه أوسع شوية .
بينانس علشان تضمن ان المستخدمين يفضلوا داعمين لعملتها الرئيسية BNB، ربطت فكرة الحنفية بعملتها ، و خلت في مقابل (الودائع المقفولة / او البسيطة) اللي بتعملها علي المنصة من عملة BNB هتاخد في مقابلها نقاط تتناسب مع كمية العملة اللي انت راكنها علي جنب و المدة اللي انت هتفضل مخليها محفوظة فيها. بالظبط زي ما بتعمل وديعة البنك. بتحط مبلغ ، و المبلغ دا يجيلك عليه فوايد بحسب حجم المبلغ و مدة الوديعة.
بينانس غيرت في الفكرة ان الوديعة هيكون مقابلها نقاط ، و النقاط دي هتتحول لنصيب من توزيعات في عملات جديدة لسه منزلتش علي المنصة. فبالتالي مش هتنزل لك في محفظة المنصة و لكن هتنزل لك في محفظة الWEB3 ..
#Write2Earn
