"برونزي... برونزي... برونزي!"
يا نهار أبيض! كل ما تسمع اسمها تحس إنك في فيلم رعب من اللي بميزانية قليلة، الإضاءة مظلمة، والموسيقى بتعلى، وبعدين حد يهمس في ودنك: "ادفع جنيه... وهنرجعلك 100... بس لو استنيت...!"
تعالى نفك شفرة الوحش ده:
"برونزي النصاب" فكرته بسيطة جدًا: الطماع يدفع جنيه دلوقتي، على وعد إنه هيقبض مبلغ محترم في المستقبل. بس الفكرة كلها قائمة على إن غيره يدخل ويدفع بعده. المشكلة بقى؟ لما الناس تقل أو المعاد اللي وعدوك بيه يجي... تنهار اللعبة. واللي لحق قبض هرب، واللي ملحقش؟ خلاص راحت عليه!
طيب، إيه رأيك نخلي اللعبة أوضح، بدل ما نفضل نلف وندور؟
بدل المسميات الوهمية والوعود اللي زي السراب، ندخل وإحنا فاهمين النظام:
كل حاجة قدام عينك: مين دفع؟ مين قبض؟ ومن الأول تعرف إن الفكرة مش مربوطة بوقت معين، إنما مربوطة بعدد الناس اللي بعدك.
لو دخلت وعارف القواعد، هيكون أفضل بكتير من إنك تكتشف متأخر أو حد يضحك عليك. على الأقل تبقى عارف إنت واقف فين، بدل ما تتحول لفيلم رعب بطله الضحية.
طب وليه هترجع تدفع تاني بعد ما تقبض؟
ببساطة، لأنك هتفضل محتاج فلوس. قبضت 100؟ حلو، صرفتهم؟ هتحتاج غيرهم. وكل مرة هتدخل بدافع أقوى لأنك جرّبت بنفسك وفهمت اللعبة.
المخاطر هنا مش كبيرة لو عارف التفاصيل:
كل اللي مطلوب منك هو الصبر. لو دخلت بدولار وعارف إن قدامك 5000 واحد، إيه المشكلة تستنى شوية؟ اللعبة دايمًا ماشية(ماشيه اتجاه واحد والقيمه الاساسيه محفوظه ) والسوق فيه أيام رواج وأيام ركود.
ولو بصيت حواليك، هتلاقي نفس الفكرة بتحصل بشكل رسمي:
شركات التأمين: تدفع أقساط شهرية، وتقبض لما توصل لسن معين.
البنوك: تشغل فلوسك عند ناس تانية، وبعدين ترجعهالك بفوايد.
عملات الميم اللى ما تسوا ش حاجه وبتتقيم من تدافع الشراء والمحدوديه والمزايده
طب تعالى نحط التاتش اللزيز .. مصدر الكوبون : اللى تمنه واحد دولار ويسترد 100 دولار تقدر ترجعه فى اى وقت وتاخد الدولار بتاعك من المصدر اللى اشتريت منه. ولومعاك قسيمه ب 100$ مثلا كنت اشترتها ب 1$ وكان رقمها 6123 وحاليا وكان ساعتها بينك وبين دورك 500 رقم وحاليا بينك وبين دورك ف القبض 250 رقم فقط تقدر تعرضها للبيع ب 50$ لو مستعجل أو تحطها ف مزاد يبداء ب 60$ لو مش متابع وهكذا
الفرق هنا إنك لما تبقى عارف النظام الحقيقي، هتكون مطمن أكتر. مفيش لف ولا دوران، ولا مسميات خادعة، كله واضح قدامك.
فبدل ما تعيش في فيلم رعب، ليه ما نخلي اللعبة "ساقية العطشان بالدور"؟ زي أي جمعية، بس شغالة بترتيب وأدب، وكل واحد عارف دوره ومكسبه!
وما تدخلش الا باللى تقدر تستغني عنه ولو مؤقتا