عارف ان في ناس ممكن تبقى عايزه تخدم لوجه الله عز وجل وفي ناس ثانيه يبقى همها مصلحتها وفي ناس ثالثه بتفرح لما يكون ليها متابعين فتبتدي تعمل نفسها فاهمه وتبتدي الناس تمشي وراها وخصوصاً الناس الجديدة وتضيع ارجوكم اتقوا الله في الناس احنا في سوق عملات رقميه التحليل الفني ما يكملش 5 و 6% منه وبينفع لما يكون فقط السوق مستقر غير كده لا السوق ده من اكثر الاسواق تقلب يفرق كتير عن التداول في البورصه العاديه الخاصه بالشركات بالاصول الملموسه الواقعيه مش الافتراضيه السوق هنا بيتحكم في حرفيآ الحيتان فبلاش من الاخوه المحللين ادعاءات المعرفه اذا كان عندك معرفه وضح للناس الاهداف لكل عمله ما عندكش مشكله وتحذرهم 1000 مره ان الاهداف ممكن تتحقق وممكن لا ده اذا كنت انت بتعملها لوجه الله حقيقي..
اما الاخوه المتداولين السوق هنا زي ما في ناس عايز تخدم لله في ناس تانيه عايزه تاكل فلوسك كلها ولو نجحت في كم صفقه معاهم هتفشل في صفقات اكثر .
السوق هنا ليه قاعدتين ما لهمش ثالث اول شيء تتحكم في عواطفك ومشاعرك ثاني شيء تشتري لما السوق يا نهار فقط وتبيع مع اول ارتفاع كويس من غير طمع وترجع فلوسك لسيوله تاني . ده لو انت مش عايز تتعلم ومش عايز تبحث مش عايز توجع دماغك
اتعلمت وفهمت ابتديت تبحث خير وبركه هتستخدم انت كذا استراتيجيه مفيده ومناسبه لاسلوبك ما تعلمتش هيفضل فلان يقول لك اشتري ده وبيع ده وما يهمكش بكره تعوض وخليها قاعده عندك لو في اي محلل بيقدر يحقق صفقات ناجحه بنسبه 70% صدقني ما كانش هيبقى عنده وقت انه يفضل يقول لك اشتري ده وبيع دة. اتعلم يا صديقي وابحث ربنا يوفقكم و يوفقنا . وما تنساش السوق هنا عايز صبر وتحكم في المشاعر ربنا يكرم . اشهد الله ان الكلام طلع من قلبي لاني بشوف ناس بتشتكي انها خسرانه انا هنا كده اتكلم على المتداول العادي اللي بيتقي ربنا وبيشتغل تداول عادي اسبوت مش فيوتشر 🩵
