Binance မှ ကြိုဆိုပါသည်

Gabriel Abed သည် ကမ္ဘာတစ်ဝှမ်းက အသိအမှတ်ပြုလက်ခံထားသည့် နည်းပညာဆိုင်ရာ စွန့်ဦးတီထွင်လုပ်ငန်းရှင် အတွေ့အကြုံရှိ ဘုတ်အဖွဲ့ဝင်ဖြစ်ပြီး စည်းမျဉ်းစည်းကမ်းဆိုင်ရာ ဆန်းသစ်ပြောင်းလဲခြင်းနှင့် ဘဏ္ဍာရေးဆိုင်ရာ နည်းပညာများ ပေါင်းစပ်မှု အထူးပြုဒီပလိုမာတန်းတွင် တက်ရောက်နေသော အတန်းသားလည်း ဖြစ်ပါသည်။ သူသည် ဘလော့ချိန်းနယ်ပယ်အတွင်း 13 နှစ်ကျော် အတွေ့အကြုံရှိပြီး များစွာသော နယ်ပယ်များနှင့် နိုင်ငံများတို့တွင် နည်းစနစ်မှန်ကန်သော ဝန်းကျင်များအတွင်းမှ ရှုပ်ထွေးသော ဘဏ္ဍာရေးဆိုင်ရာ အလုံးစုံရှုမြင်သုံးသပ်ချက်များကို လမ်းညွှန်ပြခဲ့ပါသည်။ Mr. Abed သည် အရှေ့အလယ်ပိုင်းဒေသတွင် ပထမဆုံး ဘာဘေးဒိုးစ်သံရုံးကို စတင်ဖွင့်လှစ်ခဲ့ပြီး အာရပ်စော်ဘွားများ ပြည်ထောင်စုဆိုင်ရာ ဘာဘေးဒိုးစ် သံအမတ်အဖြစ် တာဝန်ထမ်းဆောင်ခဲ့သည့်အပြင် ကူဝိတ်နိုင်ငံဆိုင်ရာ အခြေစိုက်မဟုတ်သော သံအမတ်အဖြစ်လည်း ပူးတွဲတာဝန်ယူဆောင်ရွက်လျက်ရှိပါသည်။

2013 ခုနှစ်တွင် Mr. Abed သည် ကမ္ဘာ့အစောဆုံး ဗဟိုဘဏ် ဒီဂျစ်တယ်ငွေကြေး (CBDCs) များအနက်မှ တစ်မျိုးကို စတင်မိတ်ဆက်ပေးခဲ့သည့် မြေစမ်းခရမ်းပျိုး ကုမ္ပဏီတစ်ခုဖြစ်သော Bitt ၏ အမှုဆောင်အရာရှိချုပ် ဖြစ်ခဲ့သည်။ 2016 ခုနှစ်တွင် သူသည် Digital Asset Capital Management (DACM) ကို ပူးတွဲတည်ထောင်ခဲ့သည်၊ ၎င်းသည် အကာအကွယ်စုငွေ အဖွဲ့အစည်းတစ်ရပ်ဖြစ်ပြီး သက်ဆိုင်ရာအမျိုးအစားတွင် လျင်မြန်စွာပင် စွမ်းဆောင်ရည်အကောင်းဆုံး ဖြစ်လာခဲ့သည်။ လက်ရှိအချိန်တွင် သူသည် ဒီဂျစ်တယ်စီးပွားရေး ကိစ္စရပ်များ၊ စည်းမျဉ်းများနှင့် ဘလော့ချိန်း နည်းပညာများနှင့်ပတ်သက်၍ ထိပ်တန်းအာဏာပိုင်တစ်ဦးအဖြစ် ဆက်ရှိနေပါသည်။

2018 ခုနှစ်၊ ဧပြီလတွင် Mr. Abed သည် Bermuda နိုင်ငံ၏ ဂုဏ်ပြုချီးမြှောက်ခံပုဂ္ဂိုလ် David Burt အတွက် နည်းပညာအကြံပေးအဖြစ် ခန့်အပ်ခံခဲ့ရပါသည်။ 2020 ခုနှစ်တွင် သူသည် ကမ္ဘာ့စီးပွားရေးဖိုရမ်၏ ခရစ်တိုငွေကြေးနှင့်ပတ်သက်သော ကမ္ဘာလုံးဆိုင်ရာ အနာဂတ်ကောင်စီမှ စည်းကမ်းထိန်းသိမ်းရေး မူဘောင်အဖွဲ့တွင် ခေါင်းဆောင်ပိုင်းရာထူးတစ်ခုကို ရရှိခဲ့ပါသည်။ သူသည် ဘာဘေးဒိုးစ် စတော့အိတ်ချိန်းနှင့် ANSA ဘဏ် (ထရီနီဒက်) တွင်လည်း ဘုတ်အဖွဲ့ဝင်တစ်ဦး ဖြစ်ခဲ့ပါသည်။ Mr. Abed သည် ဘာဘေးဒိုးစ်နိုင်ငံ ဘဏ္ဍာရေးဝန်ဆောင်မှုများ ကော်မရှင်၏ FinTech ဆိုင်ရာ ဆပ်ကော်မတီတွင်လည်း ဂုဏ်ထူးဆောင်ကော်မတီဝင်တစ်ဦးအဖြစ် ထမ်းဆောင်ခဲ့ပါသည်။

Mr. Abed သည် Ontario Technology University မှ ကွန်ရက်လုံခြုံရေး အထူးပြု၊ သတင်းအချက်အလက်နည်းပညာ ဘွဲ့ကို ဂုဏ်ထူးများဖြင့် ရရှိပိုင်ဆိုင်ခဲ့ပါသည်။ ဘလော့ချိန်းနှင့် စည်းကမ်းထိန်းသိမ်းရေး နည်းပညာအတွက် အကျိုးပြုလုပ်ဆောင်ချက်များကြောင့် University of the West Indies က Mr. Abed ကို ဥပဒေဂုဏ်ထူးဆောင်ပါရဂူဘွဲ့ ပေးအပ်ခဲ့ပါသည်။

Binance ဒါရိုက်တာဘုတ်အဖွဲ့ ဥက္ကဋ္ဌအဖြစ် Mr. Abed သည် အစိုးရများ၊ အုပ်ချုပ်ရေးပိုင်း၊ နည်းပညာနှင့် စည်းမျဉ်းများတွင် ဘက်ပေါင်းစုံပါဝင်သော ထိတွေ့ဆက်ဆံမှုများ ခိုင်မာစေရန် ဆက်လက်၍ ကြိုးပမ်းဆောင်ရွက်လျက်ရှိပါသည်။

Xin Wang သည် ကယ်လီဖိုးနီးယားရှိ အရည်အချင်းပြည့်ဝသော ဥပဒေအကျိုးဆောင်ဖြစ်ပြီး ချေးငွေ၊ စုငွေ နှင့် ပရောဂျက်အတွက် ငွေကြေးထောက်ပံ့မှုအပြင် ပေါင်းစည်းခြင်းနှင့် ဝယ်ယူမှုဆိုင်ရာ ကိစ္စရပ်များ (M&A) တွင် ကျယ်ပြန့်သော အတွေ့အကြုံရှိသည့် အင်္ဂလန်နိုင်ငံနှင့် ဝေးလ်နိုင်ငံ၏ ရှေ့နေတစ်ဦး ဖြစ်သည်။ Ms. Wang သည် Binance ၏ ဒါရိုက်တာများ ဘုတ်အဖွဲ့တွင် အမှီအခိုကင်းသော ဘုတ်အဖွဲ့ဝင်တစ်ဦးအဖြစ် တာဝန်ထမ်းဆောင်ပါသည်။

Ms. Wang သည် NASDAQ တွင် စာရင်းသွင်းထားသော အထူးရည်ရွယ်ချက်ရှိသော ရှယ်ယာဝယ်ယူသည့်ကုမ္ပဏီ Bayview Acquisition Corp ၏ အမှုဆောင်အရာရှိချုပ် ဖြစ်ပါသည်။ သူသည် BHR Partners တွင် အတိုင်ပင်ခံ မိတ်ဖက်တစ်ဦးအဖြစ်လည်း ဆောင်ရွက်နေပါသည်၊ ၎င်းသည် နယ်စပ်ဖြတ်ကျော် M&A သဘောတူညီချက်များအတွက် ဗျူဟာကျသော ပုဂ္ဂလိက လုပ်ငန်းပိုင်း ရင်းနှီးမြှုပ်နှံမှုများအား အဓိကလုပ်ကိုင်လျက် အဆင့်မြင့် ကုန်ထုတ်လုပ်ရေးနှင့် သဘာဝသယံဇာတကဏ္ဍများကို သီးသန့်အာရုံစိုက်ထားသော လုပ်ငန်းတစ်ခု ဖြစ်ပါသည်။ BHR သို့ မရောက်မီက သူသည် နိုင်ငံတကာ ဥပဒေရေးရာလုပ်ငန်း White & Case ၏ အကြံပေးအဖြစ် ဆောင်ရွက်ခဲ့သည်။ Ms. Wang သည် McGill University မှ ကူးသန်းရောင်းဝယ်ရေးဘွဲ့နှင့် Boston University School of Law မှ ဥပဒေရေးရာ ပါရဂူဘွဲ့ (Juris Doctorate) ကို ရရှိထားပါသည်။

Arnaud Ventura သည် တိုကျိုအခြေပြု ရင်းနှီးမြှုပ်နှံမှု ဦးပိုင်ကုမ္ပဏီတစ်ခုဖြစ်သည့် Gojo & Company ၏ စီမံခန့်ခွဲရေးမိတ်ဖက်တစ်ဦး ဖြစ်သည်။ သူသည် အားကောင်းသော လူမှုရေးအကျိုးသက်ရောက်မှုကို ဖြစ်ပေါ်စေသည့် စီးပွားရေးလုပ်ငန်းများကို အဓိကအလေးထားသော စွန့်ဦးတီထွင်သူတစ်ဦး ဖြစ်ပါသည်။ Mr. Ventura သည် ကမ္ဘာ့အဆင့် ထိပ်တန်းဘဏ္ဍာရေးဝန်ဆောင်မှု အထောက်အကူပြုအဖွဲ့များအနက်မှ နှစ်ခုဖြစ်သော PlaNet Finance နှင့် Baobab (ယခင်က MicroCred Group ဟု ခေါ်တွင်ခဲ့သော) ကို စတင်တည်ထောင်ပြီး ဦးဆောင်ခဲ့ပါသည်၊ Baobab သည် အသေးစားငွေရေးကြေးရေး ဦးပိုင်ကုမ္ပဏီတစ်ခုဖြစ်ပြီး သူသည် 2019 ခုနှစ်အထိ ၎င်းကုမ္ပဏီ၏ တည်ထောင်သူနှင့် အမှုဆောင်အရာရှိချုပ်အဖြစ် ဦးဆောင်ခဲ့ပါသည်။ Mr. Ventura သည် မိုဘိုင်းဘဏ်လုပ်ငန်းအခြေပြု အုပ်စုတစ်ခုဖြစ်သည့် mBank Holding ၏ တည်ထောင်သူတစ်ဦးဖြစ်သလို ကောင်းမွန်သော စီးပွားရေးနယ်ပယ်တစ်ခု ဖန်တီးတည်ဆောက်ရေးကို အဓိကအလေးထားလျက် ပွဲအစီအစဉ်များစွာကို ချိတ်ဆက်ကျင်းပသည့် Positive Economy Forum ကိုလည်း တည်ထောင်ခဲ့ပါသည်။ Mr. Ventura သည် ပြင်သစ်-တရုတ် လူငယ်ခေါင်းဆောင်အစီအစဉ်နှင့် ပြင်သစ် အာရှ ဖောင်ဒေးရှင်းတို့ကို ပူးတွဲတည်ထောင်သူနှင့် သဘာပတိတစ်ဦးလည်း ဖြစ်ပါသည်။ Mr. Ventura သည် ပြင်သစ်-အမေရိကန် လူငယ်ခေါင်းဆောင် အဖွဲ့ဝင်နှင့် WEF ကမ္ဘာလုံးဆိုင်ရာ လူငယ်ခေါင်းဆောင်တစ်ဦး ဖြစ်ပါသည်။ သူသည် ထိပ်တန်း ပြင်သစ် အင်ဂျင်နီယာကျောင်းများအနက်မှတစ်ခုမှ ဘွဲ့ရရှိခဲ့သူတစ်ဦး ဖြစ်ပါသည်။

Mr. Ventura သည် NSIA Group နှင့် MANZI Holding ၊ Ard Financial Services တို့တွင် အမှီအခိုကင်းသော ဘုတ်အဖွဲ့ဝင်တစ်ဦး ဖြစ်သည်၊ Ard Financial Services တွင် သူသည် စာရင်းစစ်နှင့် ဘေးအန္တရာယ်ရေးရာ ကော်မတီ၏ ဥက္ကဋ္ဌလည်းဖြစ်ပြီး Humo Bank တွင်လည်း ဘေးအန္တရာယ်ရေးရာ ကော်မတီဥက္ကဋ္ဌအဖြစ် တာဝန်ယူထားသည်။ Mr. Ventura သည် ပြင်သစ်နိုင်ငံတွင် မှတ်ပုံတင်ထားသော VASP တစ်ခုဖြစ်သည့် Binance France ၏ ဘုတ်အဖွဲ့ဥက္ကဋ္ဌလည်း ဖြစ်ပါသည်။

Richard Teng သည် Binance ၏ အမှုဆောင်အရာရှိချုပ်ဖြစ်ပြီး ယခင်က Binance Singapore ၏ အမှုဆောင်အရာရှိချုပ်အဖြစ် တာဝန်ထမ်းဆောင်ခဲ့၍ MENA ဒေသ၊ ဥရောပ ဒေသတို့နှင့် နောက်ဆုံး၌ Binance တွင်ပင် U.S ပြင်ပရှိ ဒေသအားလုံး၏ ဒေသဆိုင်ရာ ဈေးကွက်များ အကြီးအကဲအဖြစ် တာဝန်ယူထမ်းဆောင်ခဲ့ပါသည်။ ဤရာထူးတာဝန်ဖြင့် သက်ဆိုင်ရာဒေသများအတွင်း ဒေသဆိုင်ရာ အဖွဲ့အစည်းများနှင့် ဗျူဟာမြောက် မိတ်ဖက်ဆက်ဆံမှု ခိုင်မြဲစေရေး၊ ဘလော့ချိန်းဂေဟစနစ် ဆန်းသစ်ပြောင်းလဲမှု မြှင့်တင်ရေး၊ ခရစ်တိုငွေကြေး ဘလော့ချိန်းဂေဟစနစ် တိုးချဲ့ရေးတို့ကို ဦးဆောင်လုပ်ကိုင်ခဲ့ပါသည်။

Binance သို့ မရောက်ရှိမီ Mr. Teng သည် စည်းကမ်းထိန်းသိမ်းရေးမှူးတစ်ဦး ဖြစ်ခဲ့သည်။ သူသည် Abu Dhabi Global Market (ADGM) ရှိ ဘဏ္ဍာရေးဝန်ဆောင်မှုများဆိုင်ရာ စည်းကမ်းထိန်းသိမ်းရေး အာဏာပိုင်အဖွဲ့ အမှုဆောင်အရာရှိချုပ် ဖြစ်ခဲ့ပြီး ကမ္ဘာ့အထင်ရှားဆုံး ဆန်းသစ်တီထွင်သူ စည်းကမ်းထိန်းသိမ်းရေးမှူးများအနက်မှ တစ်ဦးအဖြစ် ၎င်း၏စွမ်းရည်များကို ပြသခဲ့ပါသည်။ Mr. Teng ၏ ကျယ်ပြန့်သော အတွေ့အကြုံများထဲတွင် စင်္ကာပူအိတ်ချိန်း (SGX) ၏ စည်းကမ်းထိန်းသိမ်းရေး အရာရှိချုပ်နှင့် စင်္ကာပူ ငွေကြေးအာဏာပိုင်အဖွဲ့ (MAS) ၏ ကော်ပိုရိတ် ဘဏ္ဍာရေးဒါရိုက်တာအဖြစ် ယခင်က တာဝန်ထမ်းဆောင်ခဲ့မှုများလည်း ပါဝင်ပါသည်။ Mr. Teng သည် University of Western Australia မှ အသုံးချ ဘဏ္ဍာရေးပညာ မဟာဘွဲ့ (ဂုဏ်ထူး) ကို ရရှိခဲ့သလို Nanyang Technological University မှလည်း စာရင်းကိုင်ဘွဲ့ (ပထမအဆင့်) ကို ရရှိခဲ့ပါသည်။

Lilai Wang သည် Binance ၏ ထုတ်ကုန်ပိုင်းဆိုင်ရာ ထိပ်တန်းကျွမ်းကျင်သူဖြစ်ပြီး အဖွဲ့အစည်းကို တည်ထောင်သည့် အဖွဲ့ဝင်တစ်ဦးလည်း ဖြစ်ပါသည်။ သူသည် Binance ပလက်ဖောင်းတွင် Web3 ဆန်းသစ်တီထွင်မှုကို တွန်းအားပေးသည့် နောက်ဆုံးပေါ် နည်းပညာများကို ဖော်ဆောင်ခဲ့ပါသည်။ အိတ်ချိန်း ပလက်ဖောင်းနှင့် Wallet စနစ်၏ ဒီဇိုင်းနှင့် အကောင်အထည်ဖော်ဆောင်ရွက်ခြင်းအပြင် ၎င်းတို့၏ လုံခြုံရေး၊ တည်ငြိမ်ရေးနှင့် တိုးချဲ့ရေးတို့ကို သေချာအောင် ပြုလုပ်ခြင်းတို့အတွက် တာဝန်ရှိသူဖြစ်ပါသည်။ သူသည် ဘဏ္ဍာရေးနယ်ပယ်တွင် လုပ်ကိုင်ဆောင်ရွက်နေသည်မှာ 10 နှစ်ကျော်ရှိပြီဖြစ်သည်။ Binance နှင့် လက်မတွဲမီတွင် Mr. Wang သည် Nomura တွင် ခရက်ဒစ် ကြိုတင်ရယူခြင်း၊ ခွဲခြမ်းစိတ်ဖြာမှု၊ မှတ်သားမှု စနစ်များနှင့် Morgan Stanley တွင် ခရစ်တိုပိုင်ဆိုင်မှု စုစုပေါင်းတန်ဖိုး စနစ်တို့ ဖွံ့ဖြိုးတိုးတက်ရေးအတွက် ခေါင်းဆောင်ကဏ္ဍမှ ပါဝင်လုပ်ကိုင်ခဲ့ပါသည်။

Heina Chen သည် စီနီယာ အလုပ်အမှုဆောင်ဖြစ်ပြီး Binance ၏ ပူးတွဲတည်ထောင်သူလည်း ဖြစ်ပါသည်။ Web3 ဆိုင်ရာ အတွေ့အကြုံတွင် ထဲထဲဝင်ဝင်ရှိသော Ms. Chen သည် Binance တွင် ငွေကြေးစီးဆင်းမှု ရှင်းလင်းပြတ်သားရေး၊ ပေးချေမှုနှင့် ငွေတိုက်ကို စီမံခန့်ခွဲပြီး ဗျူဟာ အကောင်အထည်ဖော်ခြင်း၊ ကုမ္ပဏီမူဝါဒများ တိုးမြှင့်ဆောင်ရွက်ခြင်းနှင့် လုပ်ငန်းလည်ပတ်မှု စီမံခန့်ခွဲခြင်းတို့အတွက်လည်း တာဝန်ရှိပါသည်။ Ms. Chen သည် လုပ်ငန်းလည်ပတ်မှုနှင့် စီးပွားရေးလုပ်ငန်းရှင်ဆိုင်ရာ အတွေ့အကြုံ 14 နှစ်ကျော် ရှိသူဖြစ်ပါသည်။ သူ၏ နှံ့စပ်သော အတွေ့အကြုံများတွင် ကမ္ဘာ့အကြီးဆုံး ခရစ်တိုငွေကြေး အိတ်ချိန်းအတွက် ဘဏ္ဍာရေး၊ HR ၊ အုပ်ချုပ်ရေး၊ ငွေကြေးစီးဆင်းမှု ရှင်းလင်းပြတ်သားရေးနှင့် ငွေတိုက်ဆိုင်ရာ လုပ်ငန်းများကဲ့သို့ ရုံးနောက်ကွယ်ရှိ လုပ်ဆောင်ချက်များကို ကြီးကြပ်ခြင်းအထိ ပါဝင်ပါသည်။ Binance တွင် မထမ်းဆောင်မီတွင် Ms. Chen သည် Bijie Tech ၏ လုပ်ငန်းလည်ပတ်မှုဆိုင်ရာ အမှုဆောင်အရာရှိချုပ်ဖြစ်သည့်အပြင် ပူးတွဲတည်ထောင်သူလည်း ဖြစ်ပါသည်။ Bijie Tech သည် အခြားအိတ်ချိန်းများသို့ ဝန်ဆောင်မှုပေးသော အိတ်ချိန်း ပလက်ဖောင်းများကို ပံ့ပိုးပေးသည့် ဆော့ဝဲလ် ရေးသားဖန်တီးသော ကုမ္ပဏီဖြစ်ပါသည်။ Ms. Chen သည် National University of Singapore မှ EMBA မဟာဘွဲ့နှင့် Shanghai University of Finance and Economics မှ ဘဏ္ဍာရေးနှင့် ငွေစာရင်းဆိုင်ရာ ဘွဲ့ဒီဂရီတို့ကို ရရှိထားသူဖြစ်သည်။

Rock He သည် 2014 ခုနှစ်တွင် ဒစ်ဂျစ်တယ်ငွေကြေးနယ်ပယ်၌ စူးစူးစိုက်စိုက်ဆောင်ရွက်ခဲ့ပြီး 2017 ခုနှစ်တွင် စတင်တည်ထောင်သူ အဖွဲ့သားများအနက်မှ တစ်ဦးအဖြစ် Binance သို့ ရောက်ရှိလာခဲ့ပါသည်၊ Binance တွင် သူသည် ခရစ်တိုငွေကြေးနှင့် အစိုးရထုတ်ငွေကြေး အပြန်အလှန်လဲလှယ်မှုများအတွက် အရေးအကြီးဆုံး လုပ်ငန်းဌာနခွဲများအနက်မှ တစ်ခုဖြစ်သော Fiat အပါအဝင် ဌာနခွဲအများအပြားကို ဦးဆောင်ခဲ့ပါသည်။ Mr. He သည် အဖွဲ့စီမံခန့်ခွဲရေးတွင် ဆယ်စုနှစ်တစ်ခုကျော် အတွေ့အကြုံရှိသလို အင်တာနက်နှင့် မီဒီယာကုမ္ပဏီများတွင် လုပ်ငန်းလည်ပတ်မှု၊ အမှတ်တံဆိပ်တည်ဆောက်ရေးနှင့် စီးပွားရေးပိုင်းတို့ကို ဦးဆောင်ရာတွင် အတွေ့အကြုံလေးနှစ်ကျော် ရှိပါသည်။

Mr. He သည် ဘလော့ချိန်း လုပ်ငန်းနယ်ပယ်တွင် အမှီအခိုကင်းသော သုတေသီတစ်ဦးအဖြစ် အပါအဝင် အတွေ့အကြုံ 10 နှစ်ကျော်ရှိပြီး Binance ၏ ထုတ်ကုန်ကမ်းလှမ်းချက်များ၊ ထုတ်ကုန် ဖန်တီးထုတ်လုပ်ရေး နည်းဗျူဟာတို့နှင့် ပတ်သက်၍ အားကောင်းသော လုပ်ငန်းအတွေ့အကြုံကိုလည်း ပိုင်ဆိုင်ထားပါသည်။ Mr. He သည် အဓိက စွမ်းဆောင်ရည်ညွှန်းကိန်းများ သတ်မှတ်ခြင်း အပါအဝင် နေ့စဉ် လုပ်ငန်းလည်ပတ်မှုပိုင်းကို ကြီးကြပ်ကွပ်ကဲပြီး အဖွဲ့များအနေဖြင့် စွမ်းဆောင်ရည်လျာထားချက်များကို ပြည့်မီကြောင်း သေချာစေပါသည်။ Mr. He သည် အဆင်ပြေထိရောက်မှု မြှင့်တင်ရန်နှင့် လုပ်ငန်းလည်ပတ်မှုစရိတ်ကို လျှော့ချရန် အစီအမံများ၊ ဒေသဆိုင်ရာနှင့် ကမ္ဘာလုံးဆိုင်ရာ စီမံခန့်ခွဲရေး အဖွဲ့အကြား တစ်ညီတစ်ညွတ်တည်းရှိကြောင်း သေချာစေရန် ညှိနှိုင်းဆောင်ရွက်မှုကို အဓိကအလေးထားပြီး နေ့စဉ်ပုံမှန် လုပ်ငန်းစဉ်များသည် ဒေသန္တရ ဥပဒေများ၊ စည်းမျဉ်းများနှင့် ကိုက်ညီကြောင်း သေချာအောင် လုပ်ဆောင်ပေးပါသည်။ Mr. He သည် National University of Singapore မှ EMBA မဟာဘွဲ့ကို ရရှိထားပါသည်။