ວິທີການຊື້ສະກຸນເງິນຄຣິບໂຕໃນເວັບໄຊ Binance P2P

Binance P2P ເປັນຕະຫຼາດລະຫວ່າງຜູ້ໃຊ້ (P2P) ທີ່ອະນຸຍາດໃຫ້ທ່ານສາມາດແລກປ່ຽນສະກຸນເງິນຄຣິບໂຕໂດຍກົງກັບຜູ້ໃຊ້ Binance ອື່ນໆ. ທ່ານຍັງສາມາດດໍາເນີນການດັ່ງກ່າວໄດ້ໂດຍການໃຊ້ສະກຸນເງິນທ້ອງຖິ່ນທີ່ຕ້ອງການ, ຕັ້ງລາຄາດ້ວຍຕົນເອງ ແລະ ເລືອກການຈ່າຍຊຳລະໄດ້ຫຼາກຫຼາຍວິທີ. Binance ໃຫ້ບໍລິການຊື້ຂາຍທີ່ມີຄົນກາງສໍາລັບຕະຫຼາດ P2P ຂອງຕົນ ເພື່ອປັບປຸງ ແລະ ຮັບປະກັນການດໍາເນີນທຸລະກໍາ.

ກະລຸນາກວດສອບໃຫ້ແນ່ໃຈວ່າ ທ່ານໄດ້ຢືນຢັນຕົວຕົນສໍາເລັດແລ້ວ ແລະ ເປີດໃຊ້ງານອຸປະກອນການຢືນຢັນ 2 ຂັ້ນຕອນ (2FA) ຢ່າງໜ້ອຍໜຶ່ງຢ່າງ ເຊັ່ນ: ຕົວຢືນຢັນຄວາມຖືກຕ້ອງ Google ເປັນຕົ້ນ. 

1. ຢູ່ເທິງເວັບໄຊທາງການຂອງ Binance, ຄລິກທີ່ [ການຊື້ຂາຍ] - [P2P]. 

ທ່ານສາທາດໃຊ້ຮູບແບບ [ດ່ວນ] ຫຼື [P2P] ໃນການຊື້ຂາຍ.

1.1 ຄລິກທີ່ [ດ່ວນ] ເພື່ອເຂົ້າສູ່ຮູບແບບການຊື້ຂາຍດ່ວນ. ເລືອກສະກຸນເງິນຄຣິບໂຕທີ່ທ່ານຕ້ອງການຊື້ ຫຼື ປ້ອນຈໍານວນທີ່ທ່ານຕ້ອງການທີ່ຈະຈ່າຍຊໍາລະ. ເຮົາມາເບິ່ງການຊື້ USDT ເປັນຕົວຢ່າງ. ຄລິກທີ່ [ຊື້ USDT].

ຄໍາສັ່ງຖືກຈັບຄູ່ຕາມລາຄາຄຣິບໂຕທີ່ດີທີ່ສຸດທີ່ມີຢູ່ໃນຕະຫຼາດ P2P. 

1.2. ເລືອກວິທີການຈ່າຍຊໍາລະທີ່ທ່ານຕ້ອງການ ແລະ ຄລິກທີ່ [ຢືນຢັນການຊື້]. 

ອີກທາງເລືອກ, ທ່ານຍັງສາມາດເລືອກຮູບແບບ [P2P] ໃນການຊື້ຂາຍ ແລະ ເລືອກການໂຄສະນາທີ່ມີການໂພສດ້ວຍຕົນເອງໂດຍຜູ້ໃຊ້ ຫຼື ຜູ້ຄ້າ.

ເຮົາມາເບິ່ງການຊື້ USDT ເປັນຕົວຢ່າງ. 

2.1. ຄລິກທີ່ [ຊື້] ແລ້ວເລືອກສະກຸນເງິນ fiat ທີ່ທ່ານຕ້ອງການທີ່ຈະຈ່າຍຊໍາລະ. ເລືອກສະກຸນເງິນຄຣິບໂຕທີ່ທ່ານຕ້ອງການຊື້. ກະລຸນາໃສ່ໃຈກັບປະລິມານທີ່ມີຢູ່ ແລະ ວົງຈໍາກັດສໍາລັບແຕ່ລະໂຄສະນາ.

ຈາກນັ້ນ, ເລືອກຜູ້ຂາຍທີ່ທ່ານຕ້ອງການຊື້ນໍາ ແລະ ຄລິກ [ຊື້ USDT] ເພື່ອວາງຄໍາສັ່ງຂອງທ່ານ.

2.2. ປ້ອນປະລິມານ ຫຼື ຈໍານວນທີ່ທ່ານຕ້ອງການຊື້. ກະລຸນາອ່ານຂໍ້ກໍານົດ ແລະ ເງື່ອນໄຂຂອງຜູ້ຂາຍຢ່າງລະອຽດ ກ່ອນທີ່ຈະວາງຄໍາສັ່ງ. 

2.3. ຄລິກທີ່ [ຊື້ USDT] ເພື່ອສ້າງຄໍາສັ່ງຂອງທ່ານ. ເມື່ອມີການວາງຄໍາສັ່ງ, ແພລັດຟອມຈະຮັບປະກັນມູນຄ່າທີ່ທຽບເທົ່າກັບຊັບສິນດິຈິຕອນຂອງຜູ້ຂາຍສໍາລັບທຸລະກໍາດັ່ງກ່າວທັນທີ. 

2. ຖ້າທ່ານຕ້ອງການຍົກເລີກຄໍາສັ່ງ, ໃຫ້ຄລິກທີ່ [ຍົກເລີກຄໍາສັ່ງ]. ກະລຸນາຮັບຮູ້ວ່າ "ການຊື້ສະກຸນເງິນຄຣິບໂຕ" ຈະຖືກໂຈະໃນວັນດັ່ງກ່າວ ຖ້າທ່ານຍົກເລີກສາມຄໍາສັ່ງພາຍໃນໜຶ່ງວັນ. ເລືອກເຫດຜົນສໍາລັບການຍົກເລີກ ແລະ ຄລິກທີ່ [ຢືນຢັນການຍົກເລີກ]. 

3. ຫຼັງຈາກດໍາເນີນຂັ້ນຕອນການຊໍາລະສໍາເລັດ, ໃຫ້ເລືອກ [ໂອນ, ແຈ້ງຜູ້ຂາຍ] ແລະ ສະຖານະຄໍາສັ່ງຈະຖືກປ່ຽນເປັນ [ກໍາລັງປ່ອຍ]. ແພລັດຟອມດັ່ງກ່າວ, ເມື່ອໄດ້ຮັບຊັບສິນດິຈິຕອນທີ່ທຽບເທົ່າຈາກຜູ້ຂາຍແລ້ວ, ກໍ່ລໍຖ້າໃຫ້ຜູ້ຂາຍຢືນຢັນການຈ່າຍຊໍາລະແບບອອບໄລນ໌ຂອງທ່ານ. ທ່ານສາມາດໃຊ້ກ່ອງແຊັດທີ່ຢູ່ເບື້ອງຂວາ ເພື່ອແຊັດກັບຜູ້ຂາຍໂດຍກົງໄດ້.

4. ຖ້າທ່ານບໍ່ໄດ້ຮັບສະກຸນເງິນຄຣິບໂຕດັ່ງກ່າວພາຍໃນໄລຍະເວລາຂອງການປ່ອຍທີ່ກໍານົດ, ທ່ານສາມາດຄລິກ [ອຸທອນ] ເພື່ອຕິດຕໍ່ຕົວແທນຝ່າຍຊ່ວຍເຫຼືອລູກຄ້າ Binance ເພື່ອຂໍຄວາມຊ່ວຍເຫຼືອ.

ໝາຍເຫດສຳຄັນ: ທ່ານຈໍາເປັນຕ້ອງໂອນການຈ່າຍຊໍາລະດັ່ງກ່າວໂດຍກົງໃຫ້ກັບຜູ້ຂາຍ ຜ່ານທະນາຄານ ຫຼື ແພລັດຟອມການຈ່າຍຊໍາລະອື່ນໆຂອງພາກສ່ວນທີສາມຕາມຂໍ້ມູນການຈ່າຍຊໍາລະຂອງຜູ້ຂາຍ. ຖ້າທ່ານໄດ້ໂອນໃຫ້ແກ່ຜູ້ຂາຍຮຽບຮ້ອຍແລ້ວ, ຫ້າມຄລິກ [ຍົກເລີກ] ຍົກເວັ້ນແຕ່ວ່າ ທ່ານໄດ້ຮັບເງິນຄືນຈາກຜູ້ຂາຍເຂົ້າມາໃນບັນຊີການຈ່າຍຊໍາລະຂອງທ່ານແລ້ວເທົ່ານັ້ນ. ຫ້າມຄລິກ [ໂອນ, ແຈ້ງຜູ້ຂາຍ] ຍົກເວັ້ນວ່າ ທ່ານໄດ້ຈ່າຍຊໍາລະໃຫ້ຜູ້ຂາຍໄປແລ້ວ. 

5. ເມື່ອການກວດສອບສໍາເລັດ, ຜູ້ຂາຍຈະປ່ອຍສະກຸນເງິນຄຣິບໂຕໃຫ້ແກ່ທ່ານ ແລະ ຈະຖືວ່າທຸລະກໍາດັ່ງກ່າວສໍາເລັດແລ້ວ. ທ່ານສາມາດຄລິກ [ເບິ່ງຍອດຄົງເຫຼືອຂອງຂ້ອຍ] ເພື່ອເບິ່ງຊັບສິນດັ່ງກ່າວ.

ກະລຸນາຮັບຮູ້ວ່າ ທ່ານບໍ່ສາມາດວາງຫຼາຍກວ່າສອງຄໍາສັ່ງໃຫ້ດໍາເນີນການພ້ອມກັນໃນເວລາດຽວກັນໄດ້. ທ່ານຈະຕ້ອງດໍາເນີນຄໍາສັ່ງທີ່ມີຢູ່ແລ້ວນັ້ນໃຫ້ສໍາເລັດເສຍກ່ອນ ຈຶ່ງຈະວາງຄໍາສັ່ງໃໝ່.