ແອັບ - Lite
ແອັບ - Pro
ເວັບໄຊ
ຄໍາຖາມທີ່ເຫັນເລື້ອຍໆ
ແອັບ - Lite
ໃນພຽງແຕ່ສອງສາມຂັ້ນຕອນ, ທ່ານກໍ່ສາມາດຊື້ສະກຸນເງິນຄຣິບໂຕ ເຊັ່ນ: BTC, BNB ຫຼື ETH ໄດ້ໂດຍໃຊ້ຟັງຊັ່ນ [ຊື້ຄຣິບໂຕ] ໃນເວັບໄຊ ແລະ ແອັບ Binance. ສະກຸນເງິນຄຣິບໂຕທີ່ຖືກຊື້ມາຈະຖືກໂອນເຂົ້າ Binance Spot Wallet ຂອງທ່ານເກືອບຈະທັນທີ ແລະ ທ່ານສາມາດເລີ່ມຕົ້ນການຊື້ຂາຍໃນຕະຫຼາດແລກປ່ຽນ ຫຼື ເຂົ້າຮ່ວມໃນການສະໝັກເປັນສະມາຊິກໃນ Binance Earn.
ວິທີຊື້ຄຣິບໂຕດ້ວຍ USD ໃນແອັບ Binance Lite ແມ່ນເຮັດແນວໃດ?
ເພື່ອຮຽນຮູ້ວິທີເຂົ້າເຖິງ ຫຼື ປ່ຽນໄປໃຊ້ Binance Lite ໃນແອັບ, ກະລຸນາເຂົ້າໄປເບິ່ງທີ່ ວິທີໃຊ້ເວີຊັ່ນ Lite ໃນແອັບ Binance ເພື່ອຊື້ ແລະ ຂາຍຄຣິບໂຕ.
ສຳລັບການສອນການນຳໃຊ້ແອັບ ຫຼື ເວັບໄຊທີ່ເປັນເວີຊັ່ນ Pro, ໃຫ້ຄລິກເພື່ອເບິ່ງແຖບອື່ນໆໃນໜ້ານີ້.
ສຳລັບການສອນການນຳໃຊ້ແອັບ ຫຼື ເວັບໄຊທີ່ເປັນເວີຊັ່ນ Pro, ໃຫ້ຄລິກເພື່ອເບິ່ງແຖບອື່ນໆໃນໜ້ານີ້.
1. ໃຫ້ແນ່ໃຈວ່າເງິນ Fiat ໃນຕົວເລືອກຂອງທ່ານແມ່ນໄດ້ຖືກ ຕັ້ງເປັນ USD ໂດຍການແຕະທີ່ໄອຄອນບັນຊີ - ໄອຄອນຕັ້ງຄ່າ - [ສະກຸນເງິນ] - USD.
ຈາກນັ້ນ, ເຂົ້າສູ່ລະບົບບັນຊີຂອງທ່ານໃນແອັບ Binance ແລະ ແຕະທີ່ໄອຄອນການຊື້ຂາຍ - [ຊື້].
2. ເລືອກສະກຸນເງິນຄຣິບໂຕທີ່ທ່ານຕ້ອງການຊື້.
3. ປ້ອນຈໍານວນ USD ທີ່ທ່ານຕ້ອງການຈ່າຍ. ນອກນັ້ນທ່ານຍັງສາມາດສະຫຼັບເພື່ອປ້ອນສະກຸນເງິນຈໍານວນສະກຸນເງິນຄຣິບໂຕທີ່ທ່ານຕ້ອງການຊື້ໄດ້ນໍາອີກ.
4. ເລືອກວິທີການຈ່າຍຊໍາລະທີ່ທ່ານຕ້ອງການ ແລະ ແຕະທີ່ [ຢືນຢັນ] ເພື່ອສືບຕໍ່ດໍາເນີນຄໍາສັ່ງ.
ຖ້າທ່ານບໍ່ເຄີຍຜູກມັດບັດມາກ່ອນ, ໃຫ້ແຕະທີ່ [ເພີ່ມ] ທີ່ຢູ່ພາຍໃຕ້ [ບັດ] ແລະ ຕື່ມຂໍ້ມູນໃສ່ບັດຂອງທ່ານ.
5. ຖ້ານີ້ແມ່ນການຊື້ຂາຍເງິນ fiat ຄັ້ງທໍາອິດຂອງທ່ານ, ກະລຸນາປະຕິບັດຕາມຂັ້ນຕອນເພື່ອເປີດໃຊ້ການບໍລິການເງິນ Fiat ແລະອະນຸຍາດໃຫ້ພວກເຮົາສາມາດແບ່ງປັນຂໍ້ມູນບັນຊີຂອງທ່ານກັບຜູ້ໃຫ້ບໍລິການຂອງພວກເຮົາ.
ຂໍ້ມູນບັນຊີລວມມີ:
- ຂໍ້ມູນສ່ວນບຸກຄົນ (ຊື່, ວັນ, ເດືອນ, ປີເກີດ, ສັນຊາດ)
- ການຢືນຢັນຕົວຕົນ
- ຂໍ້ມູນທາງຊີວະມິຕິ
- ຫຼັກຖານທີ່ຢູ່
- ແບບສອບຖາມ
- ການແຈ້ງແຫຼ່ງທີ່ມາຂອງຊັບສິນ
6. ກວດເບິ່ງລາຍລະອຽດການຢືນຢັນຄໍາສັ່ງຢ່າງລະອຽດ ແລະ ຢືນຢັນຄໍາສັ່ງ.
ກະລຸນາອົດທົນລໍຖ້າເພື່ອໃຫ້ຄໍາສັ່ງຂອງທ່ານດໍາເນີນການ. ນີ້ຈະໃຊ້ເວລາບໍ່ເກີນ 30 ວິນາທີ.
7. ຖ້າຕ້ອງການເບິ່ງລາຍລະອຽດກ່ຽວກັບທຸລະກຳ, ແມ່ນທ່ານສາມາດກວດເບິ່ງປະຫວັດການເຄື່ອນໄຫວຂອງສະກຸນເງິນ Fiat ດ້ວຍການຄລິກທີ່ [ເບິ່ງ Spot Wallet].
ນອກນັ້ນ, ທ່ານຍັງສາມາດເຂົ້າໄປທີ່ໜ້າການຊື້ຂາຍ Spot ໂດຍການແຕະທີ່ [Spot] ເພື່ອເລີ່ມຕົ້ນການຊື້ຂາຍ.
ສໍາລັບຂໍ້ມູນເພີ່ມເຕີມກ່ຽວກັບວິທີການຊື້ຄຣິບໂຕໃນ Binance, ກະລຸນາເບິ່ງທີ່:
ວິທີການຊື້ສະກຸນເງິນຄຣິບໂຕດ້ວຍ USD ໃນແອັບ Binance Pro ເຮັດແນວໃດ?
ເພື່ອຮຽນຮູ້ວິທີເຂົ້າເຖິງ ຫຼື ສະຫຼັບໄປໃຊ້ Binance Pro ໃນແອັບ, ກະລຸນາເຂົ້າໄປເບິ່ງ ວິທີໃຊ້ເວີຊັ່ນ Pro ໃນແອັບ Binance ເພື່ອຊື້ ແລະ ຂາຍສະກຸນເງິນຄຣິບໂຕ.
1. ເຂົ້າສູ່ລະບົບແອັບ Binance ຂອງທ່ານ ແລະ ໄປທີ່ Binance Pro. ໃຫ້ແນ່ໃຈວ່າເງິນ Fiat ທີ່ທ່ານເລືອກໄດ້ຖືກ ຕັ້ງເປັນ USD ໂດຍການແຕະທີ່ໄອຄອນບັນຊີ - ໄອຄອນຕັ້ງຄ່າ - [ສະກຸນເງິນ] - USD.
ຈາກນັ້ນ, ຈາກໜ້າຈໍຫຼັກ, ໃຫ້ແຕະທີ່ປຸ່ມ [ເພີ່ມເງິນທຶນ] ແລະ ເລືອກ [ຊື້ດ້ວຍ USD].
2. ທີ່ນີ້ທ່ານສາມາດເລືອກທີ່ຈະຊື້ ຫຼື ຂາຍສະກຸນເງິນຄຣິບໂຕກັບສະກຸນເງິນ Fiat ທີ່ແຕກຕ່າງກັນ. ແຕະທີ່ [ຊື້ສະກຸນເງິນຄຣິບໂຕ] ຈາກເມນູດ້ານເທິງ.
3. ປ້ອນຈໍານວນ USD ທີ່ທ່ານຕ້ອງການຈ່າຍ ແລະ ລະບົບຈະສະແດງຈໍານວນສະກຸນເງິນຄຣິບໂຕທີ່ທ່ານຈະໄດ້ຮັບໂດຍອັດຕະໂນມັດ.
ຖ້າທ່ານບໍ່ເຄີຍຊື້ສະກຸນເງິນຄຣິບໂຕດ້ວຍບັດມາກ່ອນ, ໃຫ້ແຕະທີ່ [ເພີ່ມບັດໃໝ່] ແລະ ປ້ອນລາຍລະອຽດບັດຂອງທ່ານໃສ່. ຫຼື ບໍ່ດັ່ງນັ້ນ, ກໍ່ໃຫ້ແຕະທີ່ [ຢືນຢັນ].
ກະລຸນາຮັບຊາບວ່າທ່ານອາດຈະຖືກຂໍໃຫ້ລໍຖ້າ 24 ຊົ່ວໂມງ ຖ້າທ່ານຜູກມັດຫຼາຍບັດໃນເວລາດຽວກັນ. ຖ້າຜູກບັດບໍ່ສໍາເລັດ, ທ່ານສາມາດລອງໃຊ້ບັດທີ່ອອກໃຫ້ໂດຍທະນາຄານອື່ນ ຫຼື ທີ່ອອກໃຫ້ໂດຍປະເທດອື່ນຖ້າເປັນໄປໄດ້.
4. ກວດເບິ່ງລາຍລະອຽດການຈ່າຍຊໍາລະ ແລະ ຄ່າທໍານຽມທຸລະກໍາຢ່າງລະອຽດກ່ອນທີ່ຈະແຕະ [ຢືນຢັນ]. ກະລຸນາຮັບຮູ້ວ່າໃນເວລາໃດກໍ່ຕາມ, ລາຄາ ແລະ ຈໍານວນທີ່ສອດຄ້ອງກັນຂອງສະກຸນເງິນຄຣິບໂຕອາດຈະຖືກຄິດໄລ່ຄືນໃໝ່ໂດຍອັດຕະໂນມັດ.
ເພື່ອຮຽນຮູ້ເພີ່ມເຕີມກ່ຽວກັບການຄິດໄລ່ລາຄາ ແລະ ອັດຕາສະກຸນເງິນຄຣິບໂຕ, ໃຫ້ແຕະທີ່ປຸ່ມ [...] ຖັດຈາກໃບສະເໜີລາຄາ.
5. ຖ້າເປັນໄປໄດ້, ທ່ານຈະຖືກນຳໄປຫາໜ້າທຸລະກຳຂອງທະນາຄານຂອງທ່ານ. ປະຕິບັດຕາມຄໍາແນະນໍາເພື່ອກວດສອບການຈ່າຍຊໍາລະຂອງທ່ານ. ກະລຸນາອົດທົນລໍຖ້າເພື່ອໃຫ້ຄໍາສັ່ງຂອງທ່ານດໍາເນີນການ. ທ່ານຈະເຫັນສະກຸນເງິນຄຣິບໂຕທີ່ຊື້ໃນບັນຊີຂອງທ່ານໃນໄວໆນີ້.
ສໍາລັບຂໍ້ມູນເພີ່ມເຕີມກ່ຽວກັບວິທີການຊື້ຄຣິບໂຕໃນ Binance, ກະລຸນາເບິ່ງທີ່:
ວິທີການຊື້ສະກຸນເງິນຄຣິບໂຕດ້ວຍ USD ຢູ່ໃນເວັບໄຊ Binance ເຮັດແນວໃດ?
1. ເຂົ້າສູ່ລະບົບບັນຊີ Binance ຂອງທ່ານ ແລະ ໄປທີ່ [ຊື້ສະກຸນເງິນຄຣິບໂຕ]. ໃຫ້ແນ່ໃຈວ່າ ສະກຸນເງິນ Fiat ຕົວເລືອກຂອງທ່ານແມ່ນຖືກຕັ້ງເປັນ USD ພາຍໃຕ້ການຕັ້ງຄ່າ.
2. ທີ່ນີ້ທ່ານສາມາດເລືອກທີ່ຈະຊື້ສະກຸນເງິນຄຣິບໂຕດ້ວຍສະກຸນເງິນ Fiat ຕ່າງໆໄດ້. ປ້ອນຈໍານວນ USD ທີ່ທ່ານຕ້ອງການທີ່ຈະຈ່າຍເຂົ້າໃສ. ລະບົບຈະຄິດໄລ່ຈໍານວນສະກຸນເງິນຄຣິບໂຕທີ່ທ່ານສາມາດໄດ້ຮັບໂດຍອັດຕະໂນມັດ.
3. ຖ້າທ່ານບໍ່ເຄີຍຊື້ສະກຸນເງິນຄຣິບໂຕດ້ວຍບັດມາກ່ອນ, ໃຫ້ຄລິກໃສ່ [ເພີ່ມບັດໃໝ່] ແລະ ປ້ອນລາຍລະອຽດບັດຂອງທ່ານເຂົ້າໃສ່. ຫຼື ບໍ່ດັ່ງນັ້ນ, ກໍ່ໃຫ້ຄລິກທີ່ [ຢືນຢັນ] ເພື່ອດໍາເນີນການຕໍ່.
4. ປ້ອນຂໍ້ມູນບັດຂອງທ່ານໃສ່ ແລ້ວຄລິກ [ຢືນຢັນ].
ກະລຸນາຮັບຊາບວ່າ ທ່ານອາດຈະຖືກຂໍໃຫ້ລໍຖ້າ 24 ຊົ່ວໂມງ ຖ້າທ່ານຜູກມັດຫຼາຍບັດໃນເວລາດຽວກັນ. ຖ້າບໍ່ສາມາດຜູກບັດໄດ້, ທ່ານສາມາດລອງບັດທີ່ອອກໃຫ້ໂດຍທະນາຄານອື່ນ ຫຼື ທີ່ອອກໃຫ້ໂດຍປະເທດອື່ນຖ້າເປັນໄປໄດ້.
ການລໍຖ້າ 24 ຊົ່ວໂມງນຳໃຊ້ກັບຂະບວນການຜູກມັດບັດເທົ່ານັ້ນ. ຖ້າທ່ານໄດ້ເພີ່ມບັດສຳເລັດມາກ່ອນແລ້ວ, ທ່ານຍັງຄົງສາມາດດໍາເນີນການຊື້ໄດ້ໂດຍບໍ່ຕ້ອງລໍຖ້າເປັນເວລາດົນນານ.
5. ບັດຂອງທ່ານຈະຖືກບັນທຶກໄວ້. ທ່ານສາມາດປ່ຽນບັດຂອງທ່ານໄດ້ໂດຍການຄລິກທີ່ [ປ່ຽນບັດ]. ຄລິກທີ່ [ດຳເນີນການຕໍ່].
6. ຖ້ານີ້ເປັນຄັ້ງທໍາອິດທີ່ທ່ານໃຊ້ບໍລິການເງິນ Fiat, ຂໍໃຫ້ທ່ານອ່ານ ແລະ ຍອມຮັບເງື່ອນໄຂໃນການນໍາໃຊ້ ເພື່ອເປີດການໃຊ້ງານ.
7. ກວດເບິ່ງລາຍລະອຽດຄໍາສັ່ງໃຫ້ລະອຽດ ແລະ ຢືນຢັນຄໍາສັ່ງພາຍໃນ 10 ວິນາທີ.
ຖ້າໃບສະເໜີລາຄາຂອງທ່ານໝົດອາຍຸ, ໃຫ້ຄລິກທີ່ [ເລີ່ມຄືນໃໝ່] ເພື່ອຮັບໃບໃໝ່. ຈໍານວນສະກຸນເງິນຄຣິບໂຕທີ່ທ່ານສາມາດໄດ້ຮັບຈະຖືກຄິດໄລ່ຄືນໃໝ່ໂດຍອີງຕາມລາຄາຕະຫຼາດ.
8. ກະລຸນາອົດທົນລໍຖ້າເພື່ອໃຫ້ຄໍາສັ່ງຂອງທ່ານດໍາເນີນການ.
ເພື່ອເບິ່ງລາຍລະອຽດເພີ່ມເຕີມກ່ຽວກັບທຸລະກຳ, ທ່ານສາມາດກວດເບິ່ງປະຫວັດການເຄື່ອນໄຫວຂອງຄໍາສັ່ງເງິນ Fiat ດ້ວຍການຄລິກທີ່ [ເບິ່ງ Spot Wallet].
9. ຫາກຕ້ອງການເບິ່ງປະຫວັດການເຄື່ອນໄຫວຂອງຄໍາສັ່ງຂອງທ່ານ, ໃຫ້ໄປທີ່ [ຄໍາສັ່ງ] - [ຄໍາສັ່ງເງິນ Fiat].
ຖ້າທຸລະກຳບໍ່ສາມາດດໍາເນີນການໄດ້, ແມ່ນສະຖານະຈະສະແດງຂຶ້ນວ່າ 'ລົ້ມເຫຼວ.' ສໍາລັບການແກ້ໄຂເພີ່ມເຕີມ, ໃຫ້ຄລິກທີ່ [ສອບຖາມ] ທີ່ຢູ່ເບື້ອງຊ້າຍ.
ສໍາລັບຂໍ້ມູນເພີ່ມເຕີມກ່ຽວກັບວິທີການຊື້ຄຣິບໂຕໃນ Binance, ກະລຸນາເບິ່ງທີ່:
ຄໍາຖາມທີ່ເຫັນເລື້ອຍໆ
1. ຖ້າຂ້ອຍໃຊ້ບັດທະນາຄານເພື່ອຊື້ສະກຸນເງິນຄຣິບໂຕ, ວິທີການຈ່າຍຊໍາລະທີ່ຮອງຮັບແມ່ນຫຍັງ?
Binance ຮອງຮັບບັດບັດເຄຣດິດ ແລະ ເດບິດຂອງ VISA ແລະ Mastercard, ລວມເຖິງ Apple Pay ແລະ Google Pay ນໍາອີກ. ສະກຸນເງິນທີ່ຮອງຮັບແມ່ນມີດັ່ງຕໍ່ໄປນີ້:
AED, AMD, AUD, AOA, AZN, BGN, BHD, BRL, CAD, CHF, CLP, COP, CRC, CZK, DKK, DOP, EUR, GBP, GEL, HKD, HUF, IDR, ILS, ISK, JPY, KES, KWD, KZT, MNT, MXN, NZD, OMR, PAB, PEN, PHP, PLN, QAR, RON, SAR, SEK, TJS, TRY, TWD, UGX, USD, UYU, UZS, VND, XAF, ແລະ ZAR.
2. ຂ້ອຍສາມາດເຊື່ອມໂຍງບັດທະນາຄານຈັດໃບເຂົ້າກັບບັນຊີຂອງຂ້ອຍ?
ທ່ານສາມາດເຊື່ອມຕໍ່ໄດ້ເຖິງຫ້າບັດທະນາຄານ.
3. ຈະສາມາດຍົກເລີກທຸລະກໍາໄດ້ບໍ່ ຖ້າຂ້ອຍບໍ່ສາມາດດໍາເນີນການຊື້ໄດ້ພາຍໃນກໍານົດເວລາ?
ແມ່ນແລ້ວ, ຖ້າທ່ານບໍ່ເຮັດຄໍາສັ່ງພາຍໃນກໍານົດເວລາໃຫ້ສໍາເລັດ, ມັນຈະບໍ່ສາມາດໃຊ້ໄດ້, ແລະ ທ່ານຈໍາເປັນຕ້ອງສົ່ງທຸລະກໍາໃໝ່.
4. ຖ້າການຊື້ຂອງຂ້ອຍລົ້ມເຫຼວ, ຂ້ອຍສາມາດຮັບຈໍານວນທີ່ຈ່າຍໄປຄືນໄດ້ບໍ່?
ຖ້າການຈ່າຍຊໍາລະຖືກຫັກສໍາລັບທຸລະກໍາທີ່ລົ້ມເຫຼວ, ຈໍານວນການຈ່າຍຊໍາລະຂອງທ່ານຈະຖືກສົ່ງຄືນໃສ່ບັດຂອງທ່ານ. ຂັ້ນຕອນການຄືນເງິນອາດຈະໃຊ້ເວລາສອງສາມມື້ກ່ອນຈະສະແດງຢູ່ໃນໃບແຈ້ງຍອດບັດຂອງທ່ານ.
5. ເປັນຫຍັງຕ້ອງມີຄ່າທໍານຽມເພີ່ມເຕີມເມື່ອຂ້ອຍຊື້ສະກຸນເງິນຄຣິບໂຕ?
ບາງທະນາຄານອາດຈະຮັບຮູ້ການເຮັດທຸລະກໍາສະກຸນເງິນຄຣິບໂຕວ່າເປັນການຊໍາລະຄືກັບເງິນສົດ. ດັ່ງນັ້ນ, ບາງທະນາຄານອາດຈະຄິດຄ່າທໍານຽມເພີ່ມເຕີມສໍາລັບການຊື້ສະກຸນເງິນຄຣິບໂຕດ້ວຍບັດຂອງທ່ານ. ຖ້າທ່ານຖືກເກັບຄ່າທຳນຽມເພີ່ມເຕີມ, ກະລຸນາຕິດຕໍ່ທະນາຄານຂອງທ່ານເພື່ອຂໍຄໍາອະທິບາຍກ່ຽວກັບເຫດຜົນກ່ອນ.
6. ເປັນຫຍັງຂ້ອຍຈຶ່ງເຫັນຂໍ້ຄວາມທີ່ສະແດງຂໍ້ຜິດພາດເຫຼົ່ານີ້: "ທຸລະກໍາຖືກປະຕິເສດໂດຍທະນາຄານທີ່ອະນຸຍາດ. ກະລຸນາຕິດຕໍ່ທະນາຄານຂອງທ່ານ ຫຼື ລອງໃຊ້ບັດຂອງທະນາຄານອື່ນ" ຫຼື "ບັດທີ່ທ່ານໃຊ້ແມ່ນບໍ່ຖືກຮອງຮັບ, ກະລຸນາປ່ຽນບັດແລ້ວລອງໃໝ່ອີກຄັ້ງ".
ບາງທະນາຄານ ແລະ ຜູ້ໃຫ້ບໍລິການບັດບາງແຫ່ງ ອາດຈະຈໍາກັດການເຮັດທຸລະກໍາດ້ວຍສະກຸນເງິນຄຣິບໂຕ ເນື່ອງຈາກນະໂຍບາຍພາຍໃນຂອງເຂົາເຈົ້າ. ຖ້າທຸລະກໍາຂອງທ່ານຖືກບລັອກ, ທ່ານອາດຈໍາເປັນຕ້ອງໄດ້ປຶກສາກັບທະນາຄານ ຫຼື ຜູ້ໃຫ້ບໍລິການບັດຂອງທ່ານກ່ຽວກັບກົດລະບຽບຂອງພວກເຂົາກ່ຽວກັບການຊື້ຂາຍສະກຸນເງິນຄຣິບໂຕ. ອີກທາງເລືອກໜຶ່ງ, ຜູ້ໃຊ້ສາມາດລອງໃຊ້ບັດອື່ນ (ຈາກທະນາຄານດຽວກັນ ຫຼື ທີ່ແຕກຕ່າງກັນ).
7. ເປັນຫຍັງຂ້ອຍໄດ້ຮັບສະກຸນເງິນຄຣິບໂຕໜ້ອຍກວ່າທີ່ຄາດໄວ້? ມີປັດໄຈອື່ນໆໃນການຫຼິ້ນ ເຊັ່ນ: ອັດຕາການປ່ຽນແປງທີ່ນອກເໜືອຈາກຄ່າທໍານຽມບໍ່?
ເມື່ອຊື້ສະກຸນເງິນຄຣິບໂຕດ້ວຍບັດ, ກະລຸນາຮັບຮູ້ວ່ານອກຈາກຄ່າທໍານຽມແລ້ວ, ອັດຕາການແລກປ່ຽນ/ລາຄາ ຍັງຈະສົ່ງຜົນກະທົບຕໍ່ຈໍານວນສຸດທ້າຍທີ່ທ່ານໄດ້ຮັບ. ທ່ານສາມາດກວດເບິ່ງລາຍລະອຽດການສັ່ງຊື້ຂອງທ່ານໄດ້ຈາກໜ້າ [ລາຍລະອຽດການເຮັດທຸລະກໍາ] .
8. ຂ້ອຍຄວນເຮັດແນວໃດຖ້າການຊື້ຂອງຂ້ອຍລົ້ມເຫຼວ? ຂ້ອຍສາມາດຊອກຫາຂໍ້ມູນລະອຽດກ່ຽວກັບຄວາມລົ້ມເຫຼວ ແລະ ວິທີການແກ້ໄຂບັນຫາດັ່ງກ່າວນັ້ນໄດ້ຢູ່ໃສ?
ໄປທີ່ [ປະຫວັດເງິນ Fiat] ແລະ ຊອກຫາຄໍາສັ່ງທີ່ລົ້ມເຫຼວ. ແຕະໃສ່ມັນ ແລະ ທ່ານສາມາດເບິ່ງເຫດຜົນສໍາລັບຄວາມລົ້ມເຫຼວ.
ຖ້າຕ້ອງການການຊ່ວຍເຫຼືອເພີ່ມເຕີມ, ທ່ານສາມາດແຕະປຸ່ມ CS ເພື່ອເວົ້າກັບຝ່າຍຊ່ວຍເຫຼືອລູກຄ້າ.
9. ໃນຂະນະທີ່ວາງຄໍາສັ່ງ, ຂ້ອຍໄດ້ຮັບການແຈ້ງເຕືອນວ່າ ຂ້ອຍໄດ້ເຖິງວົງຈໍາກັດປະຈໍາວັນຂອງຂ້ອຍແລ້ວ. ຂ້ອຍຈະເພີ່ມວົງຈໍາກັດໄດ້ແນວໃດ?
ແຕະ [ເພີ່ມວົງຈໍາກັດ] ແລະ ເຮັດການກວດສອບເພີ່ມເຕີມໃຫ້ສໍາເລັດທີ່ຕ້ອງການເພື່ອເພີ່ມວົງຈໍາກັດປະຈໍາວັນຂອງທ່ານ.
ອີກທາງເລືອກໜຶ່ງ, ທ່ານສາມາດເບິ່ງວົງຈໍາກັດໃນປັດຈຸບັນຂອງທ່ານ ແລະ ອັບເກຣດລະດັບ ການຢືນຢັນຕົວຕົນ ຂອງທ່ານຂຶ້ນ ເພື່ອໃຫ້ໄດ້ວົງຈໍາກັດບັນຊີທີ່ສູງຂຶ້ນ. ໄປທີ່ [ສູນບັນຊີ] ແລະ ເລືອກ [>] - [ການຢືນຢັນ].
ສໍາລັບຂໍ້ມູນເພີ່ມເຕີມກ່ຽວກັບວິທີການຊື້ຄຣິບໂຕໃນ Binance, ກະລຸນາເບິ່ງທີ່: