في الفترة الأخيرة دخل عدد كبير من المستخدمين الجدد على منصات العملات المشفرة وبقوا بيمثلوا أكتر من 25% من المستخدمين الزيادة دي كان ليها تأثيرات كبيرة على السوق، سواء كانت سلبية أو إيجابية وكمان زادت تأثيرات الحيتان اللي بيقدروا يتلاعبوا بالأسعار ويأثروا عليها، وده ممكن يؤدي لخسائر للمستثمرين الجدد.

التأثيرات السلبية

زيادة التقلبات الحادة في الأسعار

لما يدخل عدد كبير من الناس الجدد في السوق، ده بيزود الطلب على العملات المشفرة وده ممكن يسبب ارتفاعات مفاجئة في الأسعار. لكن بما إن معظمهم لسه مبتدئين ممكن تحصل تقلبات شديدة في الأسعار زي مثلاً العملات الصغيرة زي شيبا إينو ودوجكوين، ممكن تشوفها طالعة بسرعة، وبعد كده تلاقيها نزلت فجأة بسبب عمليات بيع كبيرة من الناس اللي دخلوا السوق من غير ما يكونوا فاهمين. السوق بيبقى في حالة تذبذب كبير

زيادة عمليات البيع العشوائي

المستثمرين الجدد ممكن يتصرفوا بشكل عاطفي مع السوق. لو حصل هبوط مفاجئ في الأسعار، ممكن يبيعوا بسرعة ومن غير ما يفكروا، وده بيخلي السوق ينهار أكتر. الحالة دي بتخلق ذعر وسط المتداولين وبتزود الانخفاضات الحادة في الأسعار

خطر التضخم في العملات

زيادة الطلب من الناس الجدد ممكن تسبب فقاعة سعرية، خصوصًا في العملات المشفرة الصغيرة اللي مش مشهور الحيتان اللي هم كبار المستثمرين، ممكن يرفعوا الأسعار بشكل مصطنع علشان يخلقوا حالة من الارتفاعات غير الطبيعية، وبعد كده يبيعوا كميات ضخمة، وده بيؤدي لانهيار الأسعار بسرعة وبيخلي الناس الجدد يخسروا فلوسهم.

تأثيرات الإيجابية على السوق والأسعار

زيادة الطلب على العملات المشفرة

لما يدخل مستثمرين جدد للسوق، بيزيد الطلب على العملات المشفرة، وده بيأدي لرفع الأسعار، خصوصًا في العملات الكبيرة زي البيتكوين والإيثيريوم. ده يعني إن السوق بيبقى أكثر جذبًا وبيزيد الثقة فيه، وده بيحفز مزيد من الاستثمارات.

زيادة السيولة في السوق

لما يدخل متداولين جدد، السوق بيبقى فيه سيولة أكبر، يعني المعاملات بتتم بشكل أسرع وأسهل. السيولة دي بتخلي السوق أكتر استقرارًا على المدى الطويل، وده بيزيد الثقة في السوق كله.

زيادة الوعي والاستثمار المؤسسي

مع زيادة عدد المستثمرين الجدد، السوق بيبدأ يجذب انتباه المؤسسات المالية الكبيرة، وده بيزيد الثقة في العملات المشفرة بشكل عام. كمان ممكن الشركات الكبيرة تبدأ تستثمر في العملات دي، وده هيساعد في استقرار الأسعار على المدى الطويل.

تأثير الحيتان على السوق والتلاعب بالمستجدين

مع زيادة عدد المستثمرين الجدد السوق بقى أكتر عرضة للتلاعب من قبل "الحيتان" (الكبار في السوق اللي عندهم كميات ضخمة من العملات ) الحيتان دول ليهم قدرة كبيرة على التأثير في أسعار العملات.

التلاعب بأسعار العملات الصغيرة

الحيتان ممكن يشتروا كميات ضخمة من عملات زي شيبا إينو علشان يرفعوا سعرها بشكل مفاجئ. بعد كده، المستثمرين الجدد اللي مش فاهمين السوق كويس ممكن ينجذبوا يشتروا العملة، وبعد كده الحيتان يبيعوا كميات ضخمة، وده بيؤدي لانخفاض السعر بشكل مفاجئ وبيخسر المستثمرين الجدد فلوسهم

استغلال مشاعر الجشع والخوف

الحيتان بيعرفوا ازاي يستغلوا مشاعر الجشع والخوف عند الناس الجدد. بيستخدموا الشائعات أو الأخبار المغلوطة على السوشيال ميديا علشان يحفزالناس الجدد على شراء عملات معينة، خصوصًا لو كانت الأسعار طالعة بشكل مفاجئ. بعد كده، الحيتان بيبدأوا يبيعوا كميات ضخمة من العملات دي، وده بيؤدي لانخفاض السعر فجأة وبيخلي الناس الجدد يخسروا فلوسهم.

أمثلة على تقلبات السوق في عملات صغيرة

دوجكوين $DOGE شافت ارتفاعات ضخمة بسبب تغريدات من شخصيات مشهورة زي إيلون ماسك، وكمان بسبب تلاعب الحيتان في السوق. لكن بعد كده، السعر نزل فجأة بسبب البيع الجماعي من الحيتان، وده خلى الناس الجدد يتعرضوا لخسائر كبيرة.

شيبا إينو $SHIB و بيبي $PEPE كان فيهم ارتفاع مفاجئة بسبب التوقعات بأنهم ممكن يكررو نجاح دوجكوين. لكن بعد فترة، الحيتان بدأوا يبيعوا كميات كبيرة من العملات وده خلا سعرها يهبط بسرعة وساب المستثمرين الجدد في حالة من الندم والخوف.

المستخدمين الجدد في منصات تداول العملات المشفرة لهم تأثيرات إيجابية وسلبية على السوق. من ناحية، ممكن الزيادة دي ترفع الطلب على العملات وتزود السيولة، لكن من ناحية تانية بتسبب تقلبات حادة وتعرض المستثمرين الجدد للتلاعب من الحيتان. علشان تتجنب الخسائر، لازم تكون حذر، تتعلم عن السوق كويس، وتفهم ازاي الأسعار بتتحرك قبل ما تبدأ استثمارك 😊👻