ສະພາບຄ່ອງ (Liquidity) ເປັນປັດໄຈສຳຄັນທີ່ຊ່ວຍໃຫ້ ຊື້-ຂາຍໃນຕະຫຼາດຄຣິບໂຕເກີດຂື້ນໄດ້ຢ່າງໄວວາແລະມີປະສິດທິພາບ,ຄວາມສຳຄັນຂອງສະພາບຄ່ອງໃນຕະຫຼາດຄຣິບໂຕບໍ່ພຽງແຕ່ສົ່ງຜົນຕໍ່ລາຄາຂອງຫຼຽນແຕ່ລະອັນແຕ່ຍັງມີຜົນຕໍ່ໂອກາດຫາກຳໄລ ແລະ ຈັດການຄວາມສ່ຽງຂອງນັກລົງທຶນນຳ,ບົດຄວາມນີ້ຈະອະທິບາຍເຖີງປັດໄຈທີ່ສົ່ງຜົນຕໍ່ສະພາບຄ່ອງ ແລະ ກົນລະຍຸດທີ່ນັກລົງທຶນຄວນພິຈະລານາເພື່ອໃຫ້ໄດ້ປະໂຫຍດສູງສຸດຈາກສະພາບຄ່ອງໃນຕະຫຼາດຄຣິບໂຕ.
ສະພາບຄ່ອງໃນຕະຫຼາດຄຣິບໂຕຄືຫັຍງ?
ໃນຕະຫຼາດຄຣິບໂຕສະພາບຄ່ອງ(Liquidity) ໜາຍເຖິງຄວາມສາມາດໃນການປ່ຽນແປງຫຼຽນຄຣີບໂຕໃຫ້ເປັນເງິນສົດຫຼືຊັບສິນອຶ່ນໂດ້ຢ່າງໄວວາໂດຍບໍ່ເຮັດໃຫ້ລາຄາຜັນຜວນຫຼາຍ,ການມີສະພາບຄ່ອງສູງໜາຍຄວາມວ່າການຊື້-ຂາຍສາມາດເກີດຂື້ນໄດ້ຢ່າງງ່າຍດ່າຍມີຜູ້ຊື້ ແລະ ຜູ້ຂາຍພຽງພໍເຮັດໃຫ້ລາຄາຍັງຄົງມີສະຖຽນລະພາບໃນຂະນະທີ່ສະພາບຄ່ອງຕໍ່າໜາຍເຖີງການຊື້-ຂາຍເຮັດໄດ້ຍາກກວ່າຊື່ງອາດເຮັດໃຫ້ລາຄາຜັນຜວນຫຼາຍເມື່ອຕ້ອງການຊື້-ຂາຍໃນປະລິມານຫຼາຍ.
ເປັນຫັຍງສະພາບຄ່ອງເຖິງມີຄວາມສຳຄັນຕໍ່ນັກລົງທຶນຄຣິບໂຕ?
ສະພາບຄ່ອງໃນຕະຫຼາດສົ່ງຜົນໂດຍຕົງຕໍ່ການເຮັດທຸລະກຳຂອງນັກລົງທຶນໂດຍມີຜົນກະທົບດັ່ງນີ້:
1.ຫຼຸດຄວາມຜັນຜວນຂອງລາຄາ: ເມື່ອມີສະພາບຄ່ອງສູງການປ່ຽນແປງຫຼຽນຈະບໍ່ເກິດຂື້ນຮຸນແຮງ, ການທີ່ມີຜູ້ຊື້-ຂາຍຫຼາຍພໍໃນຕະຫຼາດເຮັດໃຫ້ທຸລະກຳມີປະລິມານຫຼາຍເກີດຂື້ນໄດ້ໂດຍທີ່ລາຄາບໍ່ປ່ຽນແປງຫຼາຍເກີນໄປເຮັດໃຫ້ຕະຫຼາດມີຄວາມສະຖຽນແລະມີຄວາມນ່າເຊື່ອຖືຊື່ງຈະດືງດູດນັກລົງທຶນຫຼາຍຂື້ນເຊັ່ນກັນ.
2.ໂອກາດໃນການຫາກຳໄລ: ໃນຕະຫຼາດທີ່ມີສະພາບຄ່ອງສູງນັກລົງທຶນສາມາດເຂົ້າແລະອອກຕະຫຼາດໄດ້ຢ່າງໄວວາຊື່ງຊ່ວຍເພີ່ມໂອກາດໃນການເຮັດກຳໄລໂດຍສະເພາະຢ່າງຍີ່ງສຳລັບນັກລົງທຶນທີ່ຕ້ອງການໃຊ້ກົນລະຍຸດການເທຣດໄລຍະສັ້ນເຊັ່ນ: ການເທຣດແບບ Day Trading ທີ່ຕ້ອງອາໄສການເຄື່ອນໄຫວຂອງລາຄາໃນໄລຍະສັ້ນໆ.
3.ຄວາມສະດວກໃນການຊື້-ຂາຍ: ສະພາບຄ່ອງສູງເຮັດໃຫ້ການເຮັດທຸລະກຳເປັນໄປຢ່າງໄວວາ ແລະ ມີປະສິດທິພາບ, ນັກລົງທຶນສາມາດເຮັດທຸລະກຳໃນການຊື້-ຂາຍເກີດຂື້ນຢ່າງລາບລື່ນແລະເປັນມິດຕໍ່ນັກລົງທຶນ
ປັດໄຈທີ່ສົ່ງຜົນຕໍ່ສະພາບຄ່ອງໃນຕະຫຼາດຄຣິບໂຕ
ສະພາບຄ່ອງໃນຕະຫຼາດຄຣິບໂຕຂື້ນຢູ່ກັບປັດໄຈຫຼາຍປະການຊື່ງສົ່ງຜົນຕໍ່ການເຄື່ອນໄຫວຂອງລາຄາແລະການເຂົ້າເຖິງຕະຫຼາດດັ່ງນີ້:
1.ປະລິມານການຊື້-ຂາຍ (Trading Volume) ຍີ່ງຫຼຽນມີປະລິມານການຊື້-ຂາຍສູງ, ສະພາບຄ່ອງກໍ່ຍີ່ງສູງຕາມໄປດ້ວຍ, ຫຼຽນທີ່ໄດ້ຮັບຄວາມນິຍົມ ແລະ ມີຜູ້ໃຊ້ງານຫຼາຍມັກຈະມີປະລິມານຊື້-ຂາຍສູງເຊັ່ນ: Bitcoin ແລະ Ethereum ທີ່ມັກມີສະພາບຄ່ອງສູງກວ່າຫຼຽນທີ່ໄດ້ຮັບຄວາມນິຍົມຮອງລົງມາ.
2.ຈຳນວນແພ໋ດຟອມທີ່ໃຫ້ບໍລິການທີ່ຫຼຽນຄຮິບໂຕມີການຊື້-ຂາຍແພ໋ດຟອມຈຳນວນຫຼາຍຊ່ວນເພີ່ມສະພາບຄ່ອງເນື່ອງຈາກຫຼຽນສາມາດເຂົ້າເຖີງຕະຫຼາດທີ່ກ້ວາງຂວາງ, ນັກລົງທຶນສາມາດຊື້-ຂາຍຫຼຽນໄດ້ງ່າຍແລະໄວວາເຊັ່ນ: ຫຼຽນທີ່ມີການຊື້ຂາຍທັງໃນ Binance, Crypto.com, ແລະແພ໋ດຟອມອຶ່ນໆ.
3. ການສະໜັບສະໜູນຂອງຕະຫຼາດ ແລະ ຄວາມນິຍົມໃນຫຼຽນ, ຫຼຽນທີ່ໄດ້ຮັບການສະໜັບສະໜູນຈາກຊຸມຂົນຂະໜາດໃຫ່ຍຫຼືນັກພັດທະນາຈະໄດ້ຮັບຄວາມສົນໃຈຫລາຍຂື້ນເມື່ອຫຼຽນຄຮິບໂຕໄດ້ຮັບການພັດທະນາແລະສະໜັບສະໜູນຢ່າງຕໍ່ເນື່ອງມູນຄ່າແລະຄວາມເຊື່ອໜັ້ນໃນຕະຫຼາດຈະເພີ່ມຂື້ນຊື່ງຈະຊ່ວຍເພີ່ມສະພາບຄ່ອງ.
ກົນລະຍຸດສຳລັບນັກລົງທຶນເພື່ອໃຊ້ປະໂຫຍດຈາກສະພາບຄ່ອງ
ການຈັດການສະພາບຄ່ອງເປັນສ່ວນສຳຄັນໃນການວາງແຜນກົນລະຍຸດການລົງທຶນໃນຕະຫຼາດຄຣິບໂຕນີ້ຄືບາງກົນລະຍຸດທີ່ນັກລົງທຶນຄວນພິຈະລານາ:
1.ເລືອກຫຼຽນສະພາບຄ່ອງສູງ: ການເລືອກຫຼຍນສະພາບຄ່ອງສູງເຊັ່ນ Bitcoin ແລະ Ethereum ຊ່ວຍໃຫ້ນັກລົງທຶນສາມາດເຂົ້າ-ອອກຈາກຕະຫຼາດໄດ້ງ່າຍແລະໄວວາ, ລົດຄວາມສ່ຽວທີ່ລາຄາຈະຜັນຜວນເມື່ອເຮັດທຸລະກຳໃນປະລິມານຫຼາຍ
2.ການກະຈາຍພ໋ອດລົງທຶນ: ການກະຈາຍພ໊ອດລົງທຶນໃນຫຼາຍຫຽນຊ່ວຍຫຼຸດຄວາມສ່ຽງຂອງສະພາບຄ່ອງຕໍ່າໂດຍການເລືອກຫຼຽນທີ່ມີສະພາບຄ່ອງສູງ ແລະ ໄດ້ຮັບຄວາມນິຍົມເພື່ອໃຫ້ການຊື້-ຂາຍເປັນໄປຢ່າງບໍລິອຸປະສັກໃນທຸກສະຖານະການຂອງຕະຫຼາດ.
3.ກວດສອບປະລິມານຊື້-ຂາຍປະຈຳວັນ: ການກວດສອບປະລິມານການຊື້-ຂາຍຂອງຫຼຽນໃນແຕ່ລະຫຼຽນໃນແຕ່ລະວັນຊ່ວຍໃຫ້ເຂົ້າໃຈຄວາມເຄື່ອນໄຫວຂອງຕະຫຼາດແລະແນວໂນ້ມຂອງຫຼຽນໃນຊ່ວງເວລວຕ່າງໆເພື່ອປັບກົນລະຍຸດການເທຣດຕາມສະພາບຄ່ອງຢ່າງເໜາະສົມ.
4.ຫຼິກຫຼຽງການລົງທຶນໃນຫຼຍນທີ່ມີສະພາບຄ່ອງຕໍ່າ: ຫຼຽນທີ່ມີສະພາບຄ່ອງຕໍ່າອາດເຮັດໃຫ້ການຊື້-ຂາຍໃຊ້ເວລາດົນຫຼືລາຄາຜັນຜວນ, ນັກເທຣດຄວນລະມັດລະວັງແລະ ພິຈະລານາກ່ອນທີ່ຈະລົງທຸນໃນຫຼຽນເລົ່ານີ້.
5.ຕິດຕາມຂ່າວສານແລະການພັດທະນາຕະຫຼາດ: ສະພາບຄ່ອງໃນຕະຫຼາດຄຣີບໂຕມີການປ່ຽນແປງຕາມຂ່າວສານຫຼືເຫດການສຳຄັນເຊັ່ນ:ການພັດທະນາເທັກໂທໂລຢີ, ການຮ່ວມມືກັບອົງກອນຕ່າງໆ ຫຼືການປ່ຽນແປງກົດໜາຍ, ການຕິດຕາມຂ່າວເລົ່ານີ້ຊ່ວຍໃຫ້ເຈົ້າສາມາດປັບກົນລະຍຸດໄດ້ຕາມສະຖານະການທີ່ອາດສົ່ງຜົນຕໍ່ສະພາບຄ່ອງໃນຕະຫຼາດ.
#SOLHitsATH #COSSocialFiRevolution #BTC100KToday? #LiquidationHeatmap $BTC
ສະຫຼຸບ: ສະພາບຄ່ອງເປັນປັດໄຈສຳຄັນທີ່ມີຜົນຕໍ່ການຊື້-ຂາຍຄຣິບໂຕ ແລະສາມາດສົ່ງຜົນຕໍ່ໂອກາດເຮັດກຳໄລຂອງນັກລົງທຶນໄດ້,ການທຳຄວາມເຂົ້າໃຈເຖີງຄວາມສຳຄັນຂອງສະພາບຄ່ອງແລະປັດໄຈທີ່ສົ່ງຜົນຕໍ່ສະພາບຄ່ອງຈະຊ່ວຍໃຫ້ການວາງແຜນການລົງທຶນເປັນໄປົດ້ຢ່າງມີປະສິດທິພາບ,ນັກລົງທຶນທີ່ຄຳນືງເຖິງສະພາບຄ່ອງຈະສາມາດຈັດການຄວາມສ່ຽງແລະເຮັດກຳໄລົ້ດີຍີ່ງຂື້ນໃນຕະຫຼາດຄຣີບໂຕ.