الشراء عند القاع والبيع عند القمه ! اكيد فى كتير سمع المقوله دى وان فى أشخاص بيعتبروا نفسهم خبراء بيقولوا أن دى استراتيجيه للمبتدئين ؟! اولا مفيش مبتدئ وخبير فالمجال دا فى اللى جرب كتير وخسر كتير واتعلم وفى اللى لسه بيبدأ وبالنسبه للاستراتيجيه دى فهى من أصعب الاستراتيجيات اللى ممكن يستخدمها اى متداول لان فيها اكتر من سؤال . احدد القاع الاخير ازاى لو نظر اى متداول للشموع ممكن يلاقى قاع بيسلم قاع بيسلم قاع ودوره طويله من الهبوط ! واحدد برضو أنه قمه ابيع عندها ؟ الاسئله دى ليها اجابات محدده وصعبه ونادرة الحدوث فالتداول . وعدد صفقاتها قليل جدا . لو محتاجين تعرفوا المؤشرات اللى بتأكد انعكاس السعر عند القاع وان دا القاع الاخير انا حنزل منشور كامل عنها . أما الافضل انك بالبلدى تركب والعربيه متحركه تكون العمله حددت اتجاه فعلا للصعود وهنا حدد الهدف بنسبة ١٠ فالميه بس بشرط ميكونش مر على التحرك فالسعر اكتر من ١٠ فالميه . عدد صفقات اكبر واكثر حدوثها .
