Binance P2P ເປັນຕະຫຼາດຊື້-ຂາຍແບບ ຄົນ-ຕໍ່-ຄົນ ທີ່ໃຫ້ທ່ານສາມາດແລກປ່ຽນສະກຸນເງີນດີຈິຕອລກັບຜູ້ໃຊ້ Binance ຄົນອື່ນໄດ້ໂດຍກົງທ່ານສາມາດເຮັດໄດ້ໂດຍໃຊ້ສະກຸນເງີນກີບ ແລະ ທ່ານສາມາດຕັ້ງລາຄາທີ່ຕົນເອງພຶງພໍໃຈໄດ້ ແລະ ເລືອກວິທີການຊຳລະເງີນໄດ້ຫຼາຍກວ່າ 700 ວິທີ.Binance ໃຫ້ບໍລິການ escrow ສຳລັບຕະຫຼາດຊື້-ຂາຍແບບ P2P ເພື່ອປັງປຸງແລະຮັກສາຄວາມປອດໄພຈາກການເຮັດທຸລະກຳ
1. ເຂົ້າສູ່ລະບົບຂອງທ່ານໃນແອັບ Binance ແລະກົດໄປທີ່ "Add fund " ທີ່ປຸ່ມດ້ານຂວາຂອງໜ້າຕ່າງ ແລະ ເລືອກສະກຸນເງີນເປັນສະກຸນເງີນກີບ “LAK” ແລະ ເລືອກ buy from peer with LAK
2. ແລ້ວຈະເຫັນຫນ້າຕ່າງ P2P zone
ເມື່ອມາຮອດຫນ້ານີ້ແລ້ວເຮົາສາມາດເລືອກວ່າຈະຊື້-ຂາຍກັບບຸກຄົນໃດ ແລ້ວກົດໄປທີ່ປຸ່ມ “BUY” ແລ້ວເຮົາຈະເຫັນຫນ້າຕ່າງ ເພື່ອຕື່ມຈຳນວນເງິນທີ່ເຮົາຕ້ອງການຊື້
3. ໃຫ້ທຸກທ່ານອ່ານເງື່ອນໄຂຂອງຜູ້ຂາຍກ່ອນທີ່ທ່ານຈະຕື່ມຈຳນວນເງິນທີ່ຈະຊື້
4. ເມື່ອຕື່ມຈຳນວນເງິນທີ່ຈະຊື້ແລ້ວ ໃຫ້ທ່ານກົດໄປທີ່ “Place Order”
5. ແລ້ວໃຫ້ທ່ານແຊັດຫາຄົນທີ່ຂາຍເພື່ອຕົກລົງ ແລະ ພ້ອມທີ່ຈະຊື້ຂາຍ ເມື່ອໄດ້ຮັບຄຳຕອບແລ້ວໃຫ້ກົດໄປທີ່ “view payment details “
6. ແລ້ວ copy ເລກບັນຊີຂອງຜູ້ຂາຍ ຫຼື ສາມາດໃຊ້ຄີວອາໂຄດຂອງຜູ້ຂາຍ ແລ້ວໂອນເງິນເປັນປົກກະຕີ
*ກໍລະນີທີ່ທ່ານຢາກຍົກເລີກຄຳສັ່ງຊື້ ໃຫ້ທ່ານກົດໄປທີ່ cancel order ເລືອກເຫດຜົນ ທີ່ທ່ານຕ້ອງການຈະຍົກເລີກຄຳສັ່ງຊື່ ແລ້ວໃຫ້ທ່ານກົດໄປທີ່ Confirm Cancellation.
*ໝາຍເຫດ: ຖ້າຈະຍົກເລີກສາມອໍເດີ້ພາຍໃນມື້ດຽວ. ສະຖານະການຊື້ຂອງທ່ານຈະຖືກລະງັບພາຍໃນມື້ນັ້ນ
7.ຫລັງຈາກໂອນເງິນສຳເລັດແລ້ວ ໃຫ້ທ່ານກົດໄປທີປຸ່ມ Transferred notify seller ແລ້ວສົ່ງຫລັກຖານການໂອນ ຫລັງຈາກນັ້ນກໍລໍຖ້າໃຫ້ຜູ້ຂາຍກົດປ່ອຍຫຼຽນໃຫ້ເຮົາ ພຽງເທົ່ານີ້ກໍສຳເລັດແລ້ວ
*ກໍລະນີ້ ຖ້າທ່ານບໍ່ໄດ້ຮັບຫຼຽນແລ້ວຜູ້ຂາຍບໍ່ປ່ອຍຫລຽນໃຫ້ກັບທ່ານ ໃຫ້ທ່ານກົດໄປທີ່ “help” ເພື່ອຕິດຕໍ່ຫາຜູ້ກຳກັບດູແລ ເພື່ອສົ່ງລາຍງານບັນຫາຂອງທ່ານໄດ້
ແລ້ວກົດໄປທີ່ Appeal ເພື່ອລາຍງານບັນຫາຂອງທ່ານ
Warning⚠️ຄວາມສ່ຽງຂອງຕະຫຼາດຄຮິບໂຕຄ່ອຍຂ້າງສູງເປັນຕະຫຼາດທີ່ມີການຜັນຜວນຂອງລາຄາໄວແລະແຮງສະນັ້ນທຸກການລົງທຶນຄວນໄດ້ຮັບການຈັດການຂອງເງິນທຸນທີ່ດີຈາກນ້ອຍໄປຫາຫຼາຍ,ຄວບຄຸມຄວາມສ່ຽງໂດຍມີຈຸດຍອມຮັບທີ່ຈະຂາດທຶນແລະກຳໄລ.ຫາກເປັນນັກລົງທຶນມືໃຫມ່ຄວນຜ່ານການສຶກສາທີ່ຮອບຄອບຫຼືທົດລອງຜ່ານການໃຊ້ບັນຊີDemoກ່ອນເພື່ອປ້ອງກຫນຄວາມເສຍຫາຍທາງຊັບສິນຫຼືເງິນທຸນຂອງເຈົ້າຂອງເອງ.ທຸກການລົງທຸນຕ້ອງຢູ່ໃນຄວາມສ່ຽງທີ່ສາມາດຍອມຮັບໄດ້.