*kindly note that this article is written in Arabic language، therefore the unrecognized or unfamiliar usage of English language، this is due to the Auto translation feature from the platform.
أول عملات ميجادروب عملة بونس بت
النهاردة أول يوم 26 إبريل 2024 لأول عملة تظهر علي منصة ميجادروب ، زي ما شرحنا قبل كده ، ميجا دروب هي منصة جديدة من #بينانس لتوزيعات العملات الرقمية، ممكن تقرأ مقالي السابق عنها.
النهاردة بقى تم إصدار اول عملة عليها واللي هتنزل للتداول علي بينانس بتاريخ 13 مايو 2024.
✨ كل اللي مطلوب منك انك تعمل (وديعة) بعملاتك من ال $BNB علي منصة بينانس و/أو تنفذ مهمة ربط ما يعادل 0.0001 BTCB علي منصة BounceBit✨
طيب هي ايه منصة بونس بيت دي و ايه الغرض منها ؟؟🤔🤔
بونس بيت هي منصة لاعادة (ربط ودائع ال بيتكوين) .... شايفك ياللي قاعد في الاخر وبتسأل ؟ ايه ياعم الكلام المجعلص اللي بتقوله ده ؟؟؟ 😅😅
هشرح لك يا سيدي و أفصص لك الموضوع.... صلى بينا على النبي.. ( قول عليه الصلاة والسلام ياض متكسلش)😒
شوف يا سيدي ، مصطلحات الكريبتو زي ما قولنا ملهاش بدايل في العربي مفهومة قوي ، فعلشان كده هنحاول نربط المفاهيم الجديدة بكلمات احنا اتعودنا عليها.
لو هنقول ان كلمة Staking معناها ان تحط وديعة .....هتبقي #Restaking معناها إعادة ربط وديعة..😏😏
الوديعة ...بين قوسين ...هي انك تخصص كمية معينة من عملة رقمية و تربطها علي المنصة 💰💰💵💸، بحيث انها تدخل تحت ( حماية) المنصة لفترة محددة متفق عليها بينكم ، الكلام ده بيتم في مقابل وعد من المنصة بانها توزع عليك نسبة كفوائد بعد انقضاء الفترة دي ..
و العملات دي بتدخل تحت ( حماية المنصة) كتأمين للسيولة ، و ضمان لثبات المستخدمين علي الشبكة و حاجات ثانية كثير المنصة هتستفيد منها .👍🏽👍🏽💲
المشكلة بقي انك لما بتعمل كده ، مبتقدرش تستفيد من امتلاكك للعملة دي في انك تاخد عليها قروض من منصات ثانية😓، لانك لو فكيت الوديعة ، هتروح الفوايد😳....علشان كده تم استحداث ترند جديد في العملات الرقمية و اسمه Restaking يعني إعادة ربط الوديعة ...👛
إعادة ربط الوديعة دي بتم إزاي بقي ؟؟؟؟
بتيجي منصة ثانية ، بتاخد منك العملة اللي عايز تودعها💲💲 ، و تديك في مقابلها عملة جديدة من إصدارها ( خلينا نعتبرها صك ملكية الوديعة ) ...الصك ده بقي تقدر تستخدمه علي منصات ثانية كورقة نقدية او ضمان انك عندك اصل مربوط في المنصة دي ، و بناءا عليه ممكن تشتري علي الحساب ، او انك تاخد عليه قرض و هكذا ...🤑🤑
(عايزين ايموجي عم دهب 🤔)
مفهوم الريستاكنج ده ( Restaking) بينفع في حاجات كثير .....
زي ايه يا أبو العريف؟؟؟😒🤔
هقولك يا نجم،😉
الأسلوب ده بيخلي بعض الأصول صعبة الحركة و بطيئة التنقل زي🐢🐢 #BTC و #ETH 💸💸لهم قبول اكثر، واستخدامات اكثر. يعني بدل ما كل مرة تيجي تنقل ايثيريوم من محفظة لمحفظة و تدفع رسوم قد كده في كل مرة ، ممكن تستخدم ( الصك) علي انه بديل ، و ممكن يكون الصك علي شبكة اسرع و ارخص في الرسوم....😉👍🏽
البتكوين بردوا ، بما انها تقيلة في تعاملتها و المعاملات بتاخد عليها وقت ، ممكن تستخدم الصك و تسيب الأصل علي المنصة. و هكذا.....🤗😊
بس خليني أقول لك حاجة مهمة،
علي الرغم من أهمية المفهوم بتاع إعادة ربط الوديعة دا ، الا انه هيسبب مشاكل كثير...هبقي احكي لك عليها في بوست ثاني ؟ بس انت أسأل ..........أنت مبتسألش ليه ؟؟🤔😒
خلاصة الكلام الحق نفسك دلوقت و روح اربط شوية #BNB علي منصة بينانس علشان يطلع لك شوية BounceBit تسقسق بيهم لحد ما يجي البول ماركت
مع تحياتي دلوقت .......سلام
