معلومه للمبتدئين اللى بيشتروا عملات عن طريق التداول الفورى حتى لو خسرت عملتك لا تبيعها بخساره اتركها لان اصلها بيبقي موجود عندك فلو زادت تانى الاصل عندك هيزيد وخلى قلبك جامد انت مش موظف حكومى مطمن انك هتقبض اخر الشهر والمكسب ف التداول مش هيخليك مليونير ف اسبوع ولا شهر ولا سنه فخلى بالك طويل وخد الموضوع على انه هوايه مش شغلانه . واياك والروافع الماليه ف التداول الأجل لانها هتدمرك لو معرفتش تستعملها صح وفيها شك من ناحية الحرام والحلال ودايما اشترى الاصول المضمونه بلاش العملات اللى ملهاش مشروع قوى لانها مش هتدوم حتى لو كسبتك وطمعتك ده شغل حيتان عشان ياخدوا فلوسك اشترى عملات اصولها بالبلاييين مش ملايين عشان تضمن فلوسك btc . eth . bnb. xrb . doge . دى بعض العملات المشهوره والمضمونه . واخيرا تحياتى للجميع وربنا يرزقكم

ملحوظه : انا مش خبير تداول بس انا مريت بكل التجارب اللى كتبتها دى فقولت اشاركها مع حضراتكم