السر الحقيقى وراء نجاح العملات الرقمية المشفرة ببساطة هى نجاح نظام البلوكشين و دى معلومة لازم كل مبتدأ ف مجال العملات المشفرة يكون عارفها و فاهمها كويس
البلوكشين ببساطة هى نظام قاعدة البيانات اللى قايمة عليها العملات المشفرة و اى نظام قاعدة بيانات بيبقى دوره تسجيل كل الارصدة والتعاملات الخاصة بالعملة و كل عملة لها البلوكشين الخاصة بها ولكن يمكن انشاء اى توكن على بلوكشين موجودة بالفعل وده الفرق مبين العملة والتوكن بالمناسبة
المهم ان الثورية الحقيقية وراء نجاح العملات المشفرة هو نجاح نظام البلوكشين وتميزه وامانه
خلينا نبسط معنى البلوكشين عشان نفسى الناس كلها تفهمها لانها حترجم حاجات كتير اوى ليك ف المجال
لو قولنا ان العملات المشفرة يمكن تشبيها بالعملات الورقية كاوسيلة دفع فا يمكن تشبيه البلوكشين ب البنك اللى بيبقى فيه كل تعاملات العملة دى و محافظها و ارصدتها و لكن الفرق ان بدل ما ف العملات الورقية كل معلوماتك موجودة ف مكان واحد و هو البنك بتاعك ، العكس بيتم ف العملات المشفرة و بتتسجل على البلوكشين اللى هو نظام لا مركزى يعنى البلوكشين موجود منها نسخة طبق الاصل على مئات الالاف من الاجهزة ف العالم فا يصعب بل مستحيل انها تتزور غير السرعة الفائقة ف الارسال و الاستقبال و طبعا واخيرا الامان التام اللى موجود ف البلوكشين
ومن هنا جات ثورية البلوكشين ومنها ثورية العملات المشفرة اللى هى واحد من تطبيقات كتير اوى معمولة على البلوكشين او ب استخدام البلوكشين
ف المقالات الجاية حنتكلم اكتر عن البلوكشين و تطبيقات اخرى ليها