لازم كلنا نبقى عارفين ان فيه عاملين اساسيين بيتحكموا ف ربحية تعدين العملة ، اول حاجة سعر الكهربا و ثانيا سعر العملة الحالى، متوسط سعر الكهرباء الحالى ف العالم بيمثل حوالى ٧٠٪ من ربحية التعدين فا ببساطة لو جهاز التعدين بتاعك بيطلعلك ١٠٠ دولار ف اليوم فا ٧٠ دولار منهم بيروح ف الكهربا
والعامل التانى هو سعر العملة اللى انت بتعملها تعدين لان التعدين بيطلعلك عملات مش دولار فا ببساطة لو بتعدن ويطلعلك ١٠ عملات والعملة ب ١٠ دولار يبقى بيطلعلك ١٠٠ دولار ف اليوم ولكن لو نفس العملة بقة ب ٢٠ دولار بقى بيطلعلك ٢٠٠ بدل ١٠٠ دولار
طيب ايه هى فرص التعدين المربحة الحالية؟
لو بنتكلم بالنظام الطبيعى اننا حندفع كهرباء بالمتوسط السعر العالمى يبقى حاليا بلا منازع البيتكوين $BTC هى العملة الوحيدة المربحة ف التعدين حاليا بالاسعار الحالية للعملة
عندك كذا طريقة لتعدين البيتكوين ولكن كلها ف الاخر بتستخدم نفس الجهاز الخاص ب التعدين و هو الاسيك ماينر و هو جهاز شبه باور سبلاى الكومبيوتر كدة وهو مخصوص لتعدين البيتكوين فقط
ولكن تختلف الطرق ف الاستثمار ف تعدين البيتكوين
اولهم واغلاهم انك تشترى جهاز خاص بيك وهو حوالى ٦٠٠٠ دولار وبيطلع حوالى ٤٠٠ ل ٥٠٠ دولار شهريا
الطريقة التانية هو الكلاود مينيج او التعدين السحابى وهو الاشتراك ف جزء من جهاز بيبقى موجود عند شركات تعدين او مقدمى هذه الخدمة و على فكرة بينانس عندها الخدمة دى على المنصة
وحعمل بوستات مفصلة عن كل نوع وازاى تبدأ فيه
لو فيه اى اسئلة اتفضلوا
