BNB يعني ايه
*kindly note that this article is written in Arabic language, therefore the unrecognized or unfamiliar usage of English language , this is due to the Auto translation feature from the platform.
😌في البداية خلونا نتفق أن مش كل المصطلحات في عالم #الكريبتو مفهومة لكل الناس، وعلشان كده خلونا نتكلم بالهجايص، باللغة الشعبية الدارجة، اللي كلنا ممكن نفهمها. أولا علشان نقرب المعني، وثانيا علشان نخلي الناس متخافش من المصطلحات المعقدة اللي كل يوم بيطلع فيها جديد ومخليه موضوع فهم #العملات_الرقمية موضوع صعب ومعقد على أغلب الناس.😊فا خلونا كل مرة نختار مصطلح، او عملة نتكلم عنها، ونشرح ونتعمق فيها بطريقة سهلة.
النهاردة هنتكلم عن عملة BNB ، واللي انا بعتبرها الحصان الأسود 🐎🐎في العملات الرقمية الحالية. هتسألني ليه بقي يا عم أبو العريف؟؟ هقولك يا سيدي ...
السبب مش أني بشتغل مع بينانس و بروج لعملتهم، السبب منطقي و تعالي نشرحه واحدة واحدة:
1- عملة BNB هي العملة الرئيسية لشبكة بينانس ، ولما نقول بينانس ، يبقي بنتكلم عن اكبر صرافة رقمية في عالم العملات الرقمية. مش مصدقني؟؟؟ الصرافة دي يا عم اترفع عليهم قضية غسيل أموال🚔👮‍♀👮‍♂👮‍♂ ( كده و كده.... هبقي أقول لك ليه بعدين) و طالبوهم بغرامة 4.3 بيليون دولار.. دفعوهم زي السلامو عليكم ولا كأنهم دفعوا عشرة جنيه. فمعني ان صرافة بالقوة دي ورا العملة فأنت بتتكلم عن عملة مدعومة بشكل قوي جدا.📈📈📈📈
2- العملة دي بجانب انها عملة رقمية تقدر تتداولها ، هي كمان بتستخدم في دفع مصاريف ورسوم البيع و الشراء والتداول علي منصة بينانس، وعلي صرافات ثانية لامركزية (#DEX) زي صرافة بانكيك #Pancakeswap.💵💵💵
3- بتديك تخفيض 25% كمان لو انت من عملاء بينانس المميزين VIP، يعني بتكون رسوم تخليص معاملاتك في بينانس ارخص ب 25%.....(ابسط يا عم هتوفر حبة حلوين...بس ابقي قابلني لو بقيت من العملاء المميزين عارف طالبين تداولاتك تكون في حدود كام ؟؟!!! لو عايز تعرف ابقي اسألني في الكومنتات و هقولك😌😉) 💲💲💲
4- ممكن كمان تستخدمها كبديل للنقود الحقيقية في دفع ثمن مشتريات و سلع متوفرة علي بعض المتاجر الاونلاين و المتاجر الفعلية في العالم الحقيقي اللي بتقبل التداول بالعملات الرقمية. عايز تحجز فندق، تقطع تذكرة سفر✈✈🌍🌍🏨🏨🛌 ممكن بردوا من موقع Travala. بردوا بعض الألعاب علي شبكات البلوكشين بتقبل عملة
طيب اشمعنا بنتكلم علي بينانس و عملتها BNB ؟؟؟ هقولك يا سيدي.
بما اني من المؤمنين بمقولة (9️⃣ في الخير تصبح ميليونير) فأنا جاي أدلك على حاجة شايفها من وجهة نظري المتواضعة خير..و استثمار قد يكون مجدي في الفترة دي ( مُجدي مش مَجدي )...و علي فكرة قبل ما أبدأ كلامي ...كل اللي بقوله دا علي سبيل الترفيه و مشاركة معلومات عامة و ليس بهدف نصحك او توجيهك لاستثمار بعينه ( انا لا خبير أقتصادي و لا محلل مالي ، انا زي زيك ، انسان على الله، بس يمكن سبقتك شوية في عالم الكريبتو وعرفت معلومات أكثر من اللي انت تعرفها و قلت أشاركك من باب صدقة العلم).
👍🏽🙏🏼👍🏽🙏🏼👍🏽🙏🏼👍🏽🙏🏼👍🏽🙏🏼
عملة BNB يا سيدي من العملات اللي حققت صعود محترم من بداية ثورة العملات الرقمية ، و تقدر تشوف ده من خلال مؤشراتها الاقتصادية اللي بتوريك قد ايه العملة دي وراها دعم و مشروع كبير بيساعد في تقويتها مع مرور الزمن.
بردوا متنساش ان العملة دي عملة (ديفلاشنوري)⬇⬇⬇ ....يعني ايه يابا الحج دهشوناري دي ؟؟؟؟ معناها عملة انكماشية ( عكس التضخمية ) ....علشان أوضح لك فايدة الميزة دي ؟ ديفلاشنوري معناها ان العملة دي تم انتاج كمية محددة منها ، و علشان يحافظوا علي سعرها، فبيتحرق منها عدد كل فترة ، علشان العدد الباقي يتوزع عليه راسمالها الحالي فبالتالي هيكون سعر الوحدة الواحدة اكبر
🎲🎲بالارقام هنفترض ان راس مال عملة بينانس كله 100 جنيه، و هما عاملين 100 عملة ...فبكده كل عملة هتساوي جنيه ، تخيل بقي لو انا جيت كل يوم أربعاء و قمت ماسح عملتين من اجمالي العملات ( حرقته ، تاويته ، لغيته ، بح، كأن لم يكن، فينيتو) هيتبقي بس 98 عملة ، و الثمانية وتسعين دول هنقسم عليهم ال100 جنيه . وهكذا ...فبتفضل سعر العملة قوي وبيزيد ومحافظ علي نفسه. ( العملة دي تم انتاج 200 مليون حبة منها ، حاليا المتوفر منها 149.53 مليون حبة ) 💲🤑🪙
حاجة ثانية، لما جت القضية بتاعه غسيل الأموال ( انت لسه مسألتنيش قضية ايه لحد دلوقت ؟؟؟؟؟يا وقعة سوخة!!! لسه في حاجات ياما لازم تعرفها ...ابقي أسألني في الكومنتات علشان اقولك🤔)
المهم ، لم جت القضية العملة دي طبعا سعرها اتأثر و نزلت لحد 250 دولار📉📉📉😓، بس علشان تعرف أن الصرافة دي مش هينة وعلى الرغم من دفعهم 4.3 بيليون دولار ، العملة رجعت بقوة 📈📈📈📈في فترة قليلة و سعرها حاليا في وقت كتابة المقال حوالي $BNB

دولار.😲😳..يعني لو كنت اشتريت يا منحوس يوم القضية كان زمانك مطلع فلوسك مرتين علي الأقل (200X) بس هنقول ايه ( المنحوس منحوس و لو دليته علي طريق الفلوس .😏😏😏😒.)
المهم، في أخر الكلام حابب أقول لك ان العملات الرقمية حاجة جميلة و لذيذة و يمكن تكون فرصتك لتحقيق مكاسب محترمة، بس طبعا محتاج تفهم الدنيا قبل ما تاخد أي قرار. أنا هنا دوري أني اساعدك تفهم ، مش أني اساعدك تقرر ...و اتمني أكون عرفت أعمل دوري بشكل كويس😌😌😘...متنسوناش من دعوة حلوة ، ولا تبرع حلو، و ا تحويل كريبتو علي محفظتي رقم (ثلاثة واحد زيرو مفيش أسال عليا متلاقينيش😅🤣 هيخوهيخوهيخوهيخو )
مساءكم سكر ، و لو عايزين تعرفوا حاجة ثاني ابقوا إسألوا ...........متتكسفوش ...أنا زي أخوكم

#بينانس
#BNB
#Write2Earn

السلام عليكم ورحمة الله وبركاته.
اضغط على ( جرب حظك)
#بينانس #binance #crypto $BTC $ETH
جرب حظك