رحلة التعلم اللى بيحتاجها اي شخص مبتدئ
اول حاجه لازم تعرف انت محتاج تتعلم ايه
محتاج تتعلم تحليل فني ..، التحليل الفني ده بيتكون شوية عناصر :-
• كل ما يخص الشموع اليابانية ( تكوين الشمعه - الية عملها - نماذج الشموع )
لو اتعلمت و فهمت الية و تكوين الشمعة يبقى مبروك عليك انت فهمت سيكولوجية الشموع و ناقصك شوية ممارسة علشان تبقى متمكن منها
• دعم و مقاومة + الكسر و علامات الكسر
• برايس اكشن ( انماط السلوك السعري )
- بعد ما اتعلمت التحليل هتحتاج تتعلم الحاجات دي علشان تشتغل بإحترافية اكتر و تقلل من خساير :-
• اتعلم ازاي تعمل ادارة راس مال ناجحة و ازاي تلتزم بيها
• اتعلم ازاي تدير المخاطر و ازاي تتعامل معاها
تذاكر ازاي ؟
• نوع مصادر التعلم كتب و مقالات و فيديوهات علشان تكتسب خبرات و مهارات تخليك متمكن من التحليل اكتر
⁃ اعمل تغذية بصرية : يعني اتفرج على جلسات التداول بتاعت المحترفين اللى زي Fixed Pro مثلاً و شوف امتى و ازاي بيستخدموا المعلومات اللى عندهم علشان يفهموا السوق و يقدروا يتوقعوا حركة السعر بشكل احترافي ..، دي واحدة من الطرق الرئيسية اللى انا اتعلمت من خلالها لان دي كانت الطريقة الوحيدة اللى متاحة وقت ما كنت انا ببداء و مكنتش ساعتها اعرف كورسات و لو كان في كورسات مكانش معايا فلوس اشتري الكورسات دي