لو متابع السوق اليومين دول أكيد لاحظت الحركة اللي في السوق العملات طايرة فوق والكل بيتكلم عن الأرباح السريعة بس الأهم إنك تكون فاهم إيه اللي بيحصل وهنا بييجي دور حاجة مهمة جدًا اسمها مؤشر الخوف والطمع
النهارده المؤشر عند 73%، وده معناه إن السوق في حالة طمع عالي، يعني الناس كلها متفائلة وبتشتري بجنون بس السؤال المؤشر ده بيطول على نفس الحالة ولا ممكن يتغير بسرعة تعال نفهم أكتر
يعني إيه مؤشر الخوف والطمع
ببساطة كده، المؤشر ده بيقيس مشاعر الناس تجاه السوق
لو المؤشر منخفض (0-49): السوق في حالة خوف، الناس قلقانة ومش عايزة تخاطر، والأسعار غالبًا بتكون منخفضة.
لو المؤشر عالي (50-100): السوق في حالة طمع، الكل متفائل والأسعار بتعلى بسبب الشراء القوي.
المؤشر مش ثابت، وده طبيعي لأنه بيعكس حركة السوق ومشاعر المستثمرين أوقات بيقعد أيام عند نفس المستوى زي دلوقتي مع حالة الطمع وأوقات تلاقيه بيتغير بشكل مفاجئ لو حصلت أخبار قوية أو تغيرت ظروف السوق.
خلينا نشوف شوية عملات عملت شغل جامد مع مؤشر الطمع
البيتكوين Bitcoin BTC
ملك السوق كالعادة البيتكوين عمل ارتفاع محترم، ومع حالة الطمع الحالية السيولة بتدخل فيه بشكل كبير
الإيثريوم Ethereum ETH
رغم إن بيتكوين هو اللي بيقود السوق إلا إن الإيثريوم لسه محافظة على قوتها وارتفعت بنسبة كويسة مع الطمع اللي في السوق. الإيثريوم من العملات الموثوقة في السوق، ودي غالبًا بتكون فرصة لناس كتير يدخلوا فيها كاستثمار طويل الأجل. في الوقت الحالي، مع التفاؤل، أسعار الإيثريوم بدأت تعلى، وده بيخلي الناس أكثر رغبة في الشراء.
DOGE Dogecoin
العملة الميمية الشهيرة دي زادت حوالي 38.67%. لما السوق يبقى سخن، العملات دي بتكون أول المستفيدين.
CCHILLGUY و DEGEN
عملات صغيرة، لكن زادت بنسب ضخمة (49% و40%). لما السوق كله طمع، الناس بتدور على العملات الصغيرة اللي ممكن تضاعف أرباحهم بسرعة
Bitcoin Gold BTG
دي عملة مرتبطة بالبيتكوين، وزادت حوالي 33.72% مع موجة التفاؤل الحالية.
هل مؤشر الخوف والطمع ممكن يقعد ثابت
آه، المؤشر ممكن يفضل على نفس الحالة لأيام لو الظروف اللي مسيطرة على السوق مستقرة يعني لو السوق كله متفائل زي دلوقتي الطمع ممكن يستمر كام يوم أو حتى أسابيع لكن لو حصلت أخبار كبيرة زي انهيار شركة كبيرة أو مشاكل تنظيمية المؤشر ممكن ينزل بسرعة
المهم هنا إنك ما تعتمدش على المؤشر لوحده. هو أداة مهمة بتديك لمحة عن حالة السوق، لكن لازم تجمعه مع معلومات تانية زي التحليل الفني والأخبار.
تعمل إيه في وقت الطمع العالي
السوق حاليًا في قمة التفاؤل، وده وقت مناسب لجني الأرباح، لأن التصحيح ممكن يحصل في أي وقت.
الدخول دلوقتي مخاطرة لأن أغلب الأسعار مرتفعة عن قيمتها الحقيقية لو مخطئتك مش محسوبه الأفضل تنتظر لما السوق يهدى شوية
لو المؤشر بدأ ينزل، ده ممكن يكون أول إشارة إن السوق داخل في تصحيح
مؤشر الخوف والطمع أداة مهمة جدًا في السوق لأنه بيقولك السوق حاليًا بيفكر إزاي حالة الطمع العالي اللي إحنا فيها ممكن تستمر أيام وده بيخليك لازم تكون حذر في قراراتك السوق مليان فرص، بس زي ما هو مربح ممكن يكون خطر لو اتسرعت و ده طبعا مجرد تحليل و رأي مش نصيحة مالية 😊👻