توضيح سبب الرسالة السابقة :
يوجد خطأ فادح اغلب الأشخاص بقوموا فيه وهو الخوف من ضياع الأرباح، كيف يعني؟
بكون في شخص اشترى وقت الهبوط وكان دخوله صحيح جداً وعند اول صعود بسيط مثل الحاصل الان في السوق بقوم ببيع عملاته على ربح. لحد الآن تمام حبيت تستخرج ارباحك تمام انت حر، بس وين الفخ بكون؟
بعد ما قمت بعملية البيع وحصد فتات الأرباح يستمر السوق بالصعود!!
وقتها بتوقع في خوف جديد وهو الخوف من ضياع الفرصة بتروح بتدخل السوق مرة ثانية من مناطق دخول خاطئة في محاولة منك للحاق بالتريند، وقتها بصير تصحيح في السوق!! ترجع تسقط بخوف الهبوط والعودة إلى القيعان السابقة، بترجع بتبيع على خسارة وهكذا تستمر في دائرة مفرغة بعد ما فقدت نقاط دخولك القوية بسبب الطمع في بعض الأرباح.
لذلك من المهم معرفة مكانك في السوق والسوق حاليا بالنسبة للعملات البديلة لا زلنا في القاع واي عملية بيع حاليا هي خاطئة الا في حال كان عندك خطة او إدارة مخاطر معينة لكن فقدان نقاط الدخول السابقة تقنياً هو خطأ سيأخذك إلى طريق تدمير محفظتك.
المشكلة ليست الخروج من السوق المشكلة تكمن في هل ستخرج بشكل نهائي ام انك ستعود لشراء القمم؟؟
